In dieser Ausgabe Die Lichtreichen Mosaiken 4 ... - Otmarsberg

40- avla radunonza generala
ils 4-9-2011 a Glion
Sco usitau salva l’Uniun da pelegrins da
Lourdes Surselva l’emprema dumengia
el meins settember sia radunonza generala.
Uonn sa l’uniun festivar il giubileum
da 40 onns dapi la fundaziun. Allas
14.00 uras celebreschan igl uestg auxiliar
msgr. Marian Eleganti ensemen
cul preses Peter Aregger ed igl antecessur
sur Ignazi Pally la sontga messa. Igl
organist Sep Antoni Curschellas dat
tempra festiva al survetsch divin.
En sia allocuziun fa msgr. Marian attents
nus sin la gronda impurtonza dall’uniun.
Nus essan pelegrins sin quest mund,
nus stuein emprender da tedlar sin nies
concarstgaun e pér lu plidar. Tedlar sin
Diu sco era Maria ha tedlau sin siu sogn
Fegl duess esser nossa devisa. Savens
san ins veser co carstgauns mendus derasan
entras lur cardientscha ina cuntentientscha
admirabla. L’uniun astga
mirar anavos sin in fritgeivel operar sin
ils 40 onns vargai e cun fidonza e speronza
mira ella viers igl avegnir. Suenter
l’enconuschenta canzun da Lourdes
serendan biars commembers e commembras
en sala parvenda alla radunonza
generala.
Vereinsmitteilungen
La presidenta Ruth Good ha plascher da
beneventar biars interessai a quella.
Ella rapporta extendiu sur il curriu duront
quei onn da fatschenta.
Astrid Gliott prelegia il protocol ch’ei
redigius clar ed entelgeivel e dat ina
extendida survesta digl agir annual
dall’uniun.
Isidor Bundi ei bein cudischaus cun las
finanzas. Cun fatscha cuntenta presenta
el il quen che siara cun in bi gudogn,
quei grazia als biars commembers che
pagan regulau lur contribuziun ed als
sponsurs che sustegnan l’uniun cun lur
generusas donaziuns. La contribuziun
annuala resta per singuls sfrs. 15.– e per
partenari sfrs. 25.–.
Las elecziuns procuran per enqual discussiun
e turbulenzas. Deplorablamein
han la actuara Astrid Gliott, l’assessura
Ida Maria Buchli e las revisuras Luzia
Cabrin e Lidia Loretz demissiunau. Tgi ni
tgei ei il motiv che 4 persunas en uffeci
tilan la faultsch el canvau e seretilan
per part gia suenter cuort temps d’uffeci?
Presidenta, vice-president e cassier
vegnan reelegi per ina ulteriura perioda
da dus onns. Als responsabels eis ei
reussiu da presentar quater dunnas che
remplazzan las abdicontas ed aschia ei
20
la suprastonza cumpleina. Igl ei da deplorar
che neginas persunas naven da
Glion viers la Surselva e Lumnezia ein
representadas en suprastonza. Da recumandar
fuss da reparter ils suprastonts
ton sco pusseivel sin ils cirquits dall’uniun.
Il meins october festivein en entginas
pleivs survetschs divins, quels vegnan
publicai el fegl Ufficial.
La proxima dumengia dils malsauns ei a
Glion ils 12 da mars 2012.
Il pelegrinadi interdiocesan a Lourdes
ei dals 28 d’avrel entochen ils 4 da matg
2012.
La radunonza generala sespleiga ils 2
da settember 2012.
Entgins presents prendan aunc il plaid
per engraziar als suprastonzs en uffeci
sco era allas partentas per lur lavur pil
beinstar da sauns e malsauns da
noss’uniun.
Cun agid da Nossadunna vegn l’uniun
era egl avegnir a tener la dira a stempraus
e tempiastas e selegrar da dis suleglivs.
Ina strofa dalla canzun da Lourdes paleisa:
«Jeu sundel la mumma da glisch e confiert.
Per tutta miseria jeu hai cor
aviert.»
Annamaria Albrecht
Weihbischof Marian Eleganti
durfte anlässlich der Jubiläumshauptversammlung
dem Gottesdienst
vorstehen.