herzlich willkommen - Caritas-Altenheim "St. Raphael"

Januar bis April 2009 St. Raphael-Kurier
Diätplan
Kalorien un Diät,
dovan hörste fräuoh bit spät.
Alle Krankheit käm vam läten,
of Magen, Liäber, Galle, Hiärten.
Well de Menske äller weren,
mat hoi sick gesund ernähren.
De Doktor saggte: „Mens kenn Fett“,
un gaffte mey`n Diätplan met.
Ick härr teviell Cholesterine!
Iäten söll ick mens Magrine
un äk dai dröft` ick mens krassen.
Met em Fett wär nit te spaßen,
dat gäffte Gicht in allen Knoaken.
Ick hävet nämlech all im Schoaken.
Likör un Weyn möcht ick vergiäten,
Pralinen dröft ick gar nit iäten,
van Würsten üverhaupt nit kuiern,
mick äk an Käse nit mehr stuiern.
Höggestens nä Magerquark!
Äk guerre Milek wör te stark.
Joghourt, Kaiermilk un sä
mächte mey dat Liäben fräh.
Kaffee – nai! Un jä kenn` Kauken!
(Do möchte me doch haimlek flauken)
Düen moaren saggt`de Dokter mey:
„Biste inlatt, roh ick dey,
dick an Torten nit te stuiern.“-
Jo, de Dokter hätt guett kuiern.
Nöü häng dey mol et Möül an`n Haken,
wann dai wunderschoinsten Saken
wert op alle Diske bracht.
Dann, Diätplan, guerre Nacht! –
Moaren fangek`t Fasten an.
Erinnert mik gint Johr mol dran!
31