You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
AHATE BELTZA<br />
54<br />
Ni gaztea nintzenean ez nintzen nire gaztetasunaren jabe.<br />
Haurtzaroan ordea gauzak bestelakoak zitzaizkidan, banekien haurra nintzela eta izateari utzi beharko niola lehenago edo<br />
beranduago. Haur askori gertatu ohi zaion moduan erresistitu egiten nintzen, beldurrez eta tristuraz ikusten nuen nola zihoan<br />
gerturatzen fantasia, litxarkeri eta nozilazko bokadiloak alde batera uzteko eguna. Haurra nintzenean bokadiloa esaten genuen,<br />
orain ogitartekoa omen da. Ziur nengoen eguna, bat eta zoritxarrekoa izango zela. Apokalipsia edo! Nire moduko neskatxa<br />
askok zioen lehenengo odoluste miragarri harekin bihurtuko ginela emakume. Lagunekin nituen tertulia haietan etortzen<br />
zi tzaizkidan negargure handienak, egia esan, guztiz txolinduak ibiltzen ziren gaiaren inguruan bueltak eta bueltak ematen. Hori<br />
ote zan andre izatearen ezaugarririk esanguratsuena? Nik nere burua blusa beix eta belaunerainoko tergalezko gonaz ikusten<br />
nuen, ordea, besotik zintzilika larru marroizko “bolso” bat eta barruan egundoko trasto pila, bazarra jartzeko adina!<br />
Nik haurra izateari urtez urte utzi nion, bueno, nik ez nion utzi, berak ni utzi ninduen. Horrelaxe, pixkanaka-pixkanaka,<br />
abendutik abendura, Gabonetik Gabonetara,... nere herriko txokoen batean galdu ziren nere panpin kuttunekin izandako elkarrizketa<br />
sekretuak, soka saltoak, gomaren inguruan errepikatutako dantzak, belaunetako urratuak, izeba Juanitaren ipuinak eta<br />
helduen bost duroko propinak.<br />
Garaitxo haietan, azaroko egun batean jostailuen argazkiz gizendutako katalogoa azaltzen zen etxeko buzoian. Hura bai egun handia!<br />
Antsiatua! Asteak ematen nituen aurrera eta atzera Errege Magoei zer eskatuko nien pentsatzen, aukeratzen, gurasoei aholkua<br />
eskatzen, jostailu bakoitzaren argazkia mundua zelako, begietatik haratago ikusten nuen, irudi bat, istorio bat, denak miresgarriak,<br />
eskagarriak. Beste planeta batean, Erregeek, guretzat gordeta zeuzkaten altxorrak ikusten uzten ziguten liburuxka hartan!<br />
Hamabost orrialde haietako lehenak, egia esan, haurtzandegiko txikientzako tontakeriak baino ez ziren izaten. Aurrerago<br />
ordea sekulako panpinak zeuden; fardelak aldatu beharrekoak, biberoia edaten zekitenak, negarra eta zotina jo ta fuego egiten<br />
zutenak, mota guztietako erropatxoak, printzesa jantzitxoak, zaldi koxkorrak...<br />
Hurrrengo urteko azaroan ere buzoia egunero begiratzen hasten ginen, ene bizitzan zorionik handiena sortu izan didan liburua<br />
noiz etorriko zain. Urte hartan ez zituzten jostailurik politenak jarri baina tira, baziren bostgarren orrialdean gustuko nituen<br />
puzzleak, txirrinda zoragarriak zesto eta guzti, walki-talkiak, ziento bat harrazkera egiteko panpin buruhandi bat... Amets egiteko<br />
motibo ederrenak hantxe pilatuta denak, denak nere motxilan eta nere zorion guztia bizkar zorro hartan. Ikastolara eraman<br />
eta jolas garaian behin eta berriz astintzen genituen orrialde haiek, handiek egunkariarekin egiten zuten bezalaxe, baina guk<br />
egunero berbera irakurtzen genuen eta pasio gehiagorekin, alajaina. Bi hilabetetan begiztatzen genuen liburuxka hark, Errege<br />
egunean botatakoak baino zorion handiagoa sortzen zidan. Akaso zapatatxoan hurrengo urterako katalogoa jarri izan balidate,<br />
hirurehun eta hirurogeita bost egunerako poza ekarriko lirateke. Merke askoa!<br />
Hurrengo urteko azaroan ere azaldu zen postontzian larroxa kolorez eta azukrez egindako urtekari ponpoxoa, nola ez ba.<br />
Ahizpa ni baino gazteagoa izanik, hari utzi nion lehendabizi begiratzen, halako ilusioa egiten zion! Berak nik baino zorte hobea<br />
izan zuen urte hartan. Katalogozaleak, edo argazkilariak, ez zuen bere lanik onena argitaratu azaro hartan. Nik orriak pasa eta<br />
pasa egin nituen ia bukaera arte eta azkeneko atalean topatu nituen gustuko opariak; mila joku zeuzkan bideo kontsola, galderaerantzunez<br />
egindako mahai jolasa, itsutzeko moduko walkman fosforito hori bat, modako taldeen kassettak, lau erruedadun<br />
patin txuriak iragarkietako kamarerak bezala ibiltzeko...<br />
Bederatzi bat urte izango nituen sasiErrege eta sasiMago haiekin erlazioa puskatu zenean. Nik ez nuen apurtu, beraiek utzi<br />
ninduten besterik gabe. Ez zidaten eztabaidarako unerik ez aukerarik inoiz eman, aurpegian belarrondoko eder bat eta ongi