AHATE BELTZA 54 Ni gaztea nintzenean ez nintzen nire gaztetasunaren jabe. Haurtzaroan ordea gauzak bestelakoak zitzaizkidan, banekien haurra nintzela eta izateari utzi beharko niola lehenago edo beranduago. Haur askori gertatu ohi zaion moduan erresistitu egiten nintzen, beldurrez eta tristuraz ikusten nuen nola zihoan gerturatzen fantasia, litxarkeri eta nozilazko bokadiloak alde batera uzteko eguna. Haurra nintzenean bokadiloa esaten genuen, orain ogitartekoa omen da. Ziur nengoen eguna, bat eta zoritxarrekoa izango zela. Apokalipsia edo! Nire moduko neskatxa askok zioen lehenengo odoluste miragarri harekin bihurtuko ginela emakume. Lagunekin nituen tertulia haietan etortzen zi tzaizkidan negargure handienak, egia esan, guztiz txolinduak ibiltzen ziren gaiaren inguruan bueltak eta bueltak ematen. Hori ote zan andre izatearen ezaugarririk esanguratsuena? Nik nere burua blusa beix eta belaunerainoko tergalezko gonaz ikusten nuen, ordea, besotik zintzilika larru marroizko “bolso” bat eta barruan egundoko trasto pila, bazarra jartzeko adina! Nik haurra izateari urtez urte utzi nion, bueno, nik ez nion utzi, berak ni utzi ninduen. Horrelaxe, pixkanaka-pixkanaka, abendutik abendura, Gabonetik Gabonetara,... nere herriko txokoen batean galdu ziren nere panpin kuttunekin izandako elkarrizketa sekretuak, soka saltoak, gomaren inguruan errepikatutako dantzak, belaunetako urratuak, izeba Juanitaren ipuinak eta helduen bost duroko propinak. Garaitxo haietan, azaroko egun batean jostailuen argazkiz gizendutako katalogoa azaltzen zen etxeko buzoian. Hura bai egun handia! Antsiatua! Asteak ematen nituen aurrera eta atzera Errege Magoei zer eskatuko nien pentsatzen, aukeratzen, gurasoei aholkua eskatzen, jostailu bakoitzaren argazkia mundua zelako, begietatik haratago ikusten nuen, irudi bat, istorio bat, denak miresgarriak, eskagarriak. Beste planeta batean, Erregeek, guretzat gordeta zeuzkaten altxorrak ikusten uzten ziguten liburuxka hartan! Hamabost orrialde haietako lehenak, egia esan, haurtzandegiko txikientzako tontakeriak baino ez ziren izaten. Aurrerago ordea sekulako panpinak zeuden; fardelak aldatu beharrekoak, biberoia edaten zekitenak, negarra eta zotina jo ta fuego egiten zutenak, mota guztietako erropatxoak, printzesa jantzitxoak, zaldi koxkorrak... Hurrrengo urteko azaroan ere buzoia egunero begiratzen hasten ginen, ene bizitzan zorionik handiena sortu izan didan liburua noiz etorriko zain. Urte hartan ez zituzten jostailurik politenak jarri baina tira, baziren bostgarren orrialdean gustuko nituen puzzleak, txirrinda zoragarriak zesto eta guzti, walki-talkiak, ziento bat harrazkera egiteko panpin buruhandi bat... Amets egiteko motibo ederrenak hantxe pilatuta denak, denak nere motxilan eta nere zorion guztia bizkar zorro hartan. Ikastolara eraman eta jolas garaian behin eta berriz astintzen genituen orrialde haiek, handiek egunkariarekin egiten zuten bezalaxe, baina guk egunero berbera irakurtzen genuen eta pasio gehiagorekin, alajaina. Bi hilabetetan begiztatzen genuen liburuxka hark, Errege egunean botatakoak baino zorion handiagoa sortzen zidan. Akaso zapatatxoan hurrengo urterako katalogoa jarri izan balidate, hirurehun eta hirurogeita bost egunerako poza ekarriko lirateke. Merke askoa! Hurrengo urteko azaroan ere azaldu zen postontzian larroxa kolorez eta azukrez egindako urtekari ponpoxoa, nola ez ba. Ahizpa ni baino gazteagoa izanik, hari utzi nion lehendabizi begiratzen, halako ilusioa egiten zion! Berak nik baino zorte hobea izan zuen urte hartan. Katalogozaleak, edo argazkilariak, ez zuen bere lanik onena argitaratu azaro hartan. Nik orriak pasa eta pasa egin nituen ia bukaera arte eta azkeneko atalean topatu nituen gustuko opariak; mila joku zeuzkan bideo kontsola, galderaerantzunez egindako mahai jolasa, itsutzeko moduko walkman fosforito hori bat, modako taldeen kassettak, lau erruedadun patin txuriak iragarkietako kamarerak bezala ibiltzeko... Bederatzi bat urte izango nituen sasiErrege eta sasiMago haiekin erlazioa puskatu zenean. Nik ez nuen apurtu, beraiek utzi ninduten besterik gabe. Ez zidaten eztabaidarako unerik ez aukerarik inoiz eman, aurpegian belarrondoko eder bat eta ongi
etorria handien mundura, inork eskatu gabe. Halako traiziorik! Egunak eman nituen negar batean, ustez nire lagunak ziren traidore haiekin haserre, guraso gezurti guztiekin, handi guztiekin, gezurteroak! Odoletan hustu beharreko haiek nik malkotan bota nituen ba. Gazte nintzenean ordea ez nintzen jabetu ere egin hala nintzenik, gazta. Errepidean goazenean tunela pasa eta gero igaro dugunik ohartu ez garenean bezalaxe. Basoaz eta basoaz. Pasabide ilun horren ondoren eguzki izugarri bat zure zain ez badago behintzat ez zara ia jabetu ere egiten pasatako iluntasunaz. Ni gaztea nintzenean ordea, ez nintzen batere gaztea. Lotsak, beldurrak, aurreiritziak... beti nire zorionari eta besteenari traba egiten, hankapean bostna tonako harri zaharrak itsatsita banitu bezalaxe. Denborak eta errepideak arintasuna ematen dizkidate; guztiaz jakiteko irrika, idatzi den guztia irakurtzeko grina, beste kulturak gerturik ezagutzeko desioa, dantza egiteko gogoa eta zorionez, horiek denak eta gehiago egiteko askatasuna eta aukerak ditudalako nire esker ona. Ez da gutxi. Ni gaztea nintzenean ez nintzen gaztea. Ximurtzen noan einean idatziko dizuet, nola gaztetzen ari naizen kontatzeko. 55 Ainara Ortega Barrenetxea
- Page 1:
LEHIA ketak concursos leioa 2011
- Page 5: Maitasun istorio sutsuetan murgiltz
- Page 8 and 9: MAITASUN GUTUNEN XII. LEHIAKETA XII
- Page 10 and 11: adakit hor nonbait zaudela argitu n
- Page 12 and 13: Me dirijo a ti. Acércate. Dame la
- Page 14 and 15: Decir “te quiero” es trivial.
- Page 16 and 17: paso, de salir del agujero, de abri
- Page 18 and 19: No he conseguido saber quién eres.
- Page 20 and 21: ONDIZKO EMAKUMEZKOEN IV. AURRESKU T
- Page 22 and 23: XI CONCURSO POP ROCK DE LEIOA LEIOA
- Page 25 and 26: XXV. ARGAZKI LEHIAKETA XXV CONCURSO
- Page 27 and 28: “Introspección” José Ramón L
- Page 29 and 30: “Bloques 1, 2 y 3” Miquel Plane
- Page 31 and 32: “Bloques 1, 2 y 3” Miquel Plane
- Page 33 and 34: “Llave de mi conciencia” Josu F
- Page 35 and 36: MARGOLARI GAZTEEN XIV. SARIA XIV CO
- Page 37 and 38: 37 Eduardo Alsasua
- Page 39 and 40: 39 Aratz Azpiri Maurtua
- Page 41 and 42: 41 Diego Fernández Román
- Page 43 and 44: 43 Augusto Sánchez Sánchez
- Page 45 and 46: XVIII. LABURMETRAI LEHIAKETA XVIII
- Page 48 and 49: “GAZTETAN” NARRAZIO LEHIAKETARE
- Page 50 and 51: — No, hijo mío, estamos casados
- Page 52 and 53: CARTAS PARA SOÑAR Fue cuando yo er
- Page 56 and 57: LEIOAZTAR BATEN GOMUTAK He tenido l
- Page 58 and 59: como “Juguete que consiste en una
- Page 60 and 61: EL EqUIPO A 60 “Y Wendy creció..
- Page 62 and 63: VOTO DE SILENCIO Desde crío he odi
- Page 64 and 65: el primer trabajo de su hijo. Tampo
- Page 66 and 67: Cambié mis calcetines blancos, hec
- Page 68 and 69: Sin sombrero, sin gabardina, pero e
- Page 70 and 71: — Tú eres gilipollas. Significa
- Page 72 and 73: el dinero por el suelo, montando un
- Page 74 and 75: BERMELLÓN No sé por qué, pero ho
- Page 76 and 77: ¿Y el verdugo...? De profesión ma
- Page 80: Jose Ramon Aketxe Plaza, 11 48940 L
Change language