You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Kaixo, laztana:<br />
Azkenean eseri naiz, zuretzat gordeta nituen hitz zurrunbiloak airean idazteko. Badakit azken aldian<br />
ez garela elkartu... Aspaldian ez zara ikastolatik agertu, ez eta koadrilan ere. Kaletik ibili naiz zutaz galdezka<br />
eta gehiengoak ez zaituela ezagutzen erantzuten du eta gainerakoek ez dute zutaz ezer jakin nahi. Eta ni orain<br />
ohartu naiz zenbat gabesten zaitudan, zenbat maite zaitudan eta zenbat behar zaitudan. Zurekin bakarrik naiz<br />
sentimenduak azaleratzeko gai. Zurekin askatasun eta naturaltasun osoz azaltzen naiz. Zurekin eta zugandik<br />
ikasten dut, hain zara jakintsua! Zurekin trabatzen naiz eta zurekin bilakatzen ditut trabak erronka. Nire<br />
buruan zaitut bueltaka behin eta berriro. Zurekin egiten dut amets eta zurekin esnatzen naiz. Zurekin nago<br />
momentu oro eta ez nagoenean ere nirekin zaude. Zurekin banaiz, zu gabe ez naiz.<br />
Udaberrian, poesia bezain lirain janzten zara. Udan, bertsoa bezain bat-batekoa zara. Udazkenean,<br />
ahoz aho zabiltza hostoak bezala. Neguan, berriz, sutondoko berotasuna bezain apala eta goxoa zara.<br />
Behin eta berriz dakarkidazu gogora garai hartan igarotako uneak. Nolatan nahasten ziren sutondoan<br />
gure hatsak, nola laztantzen nizun ahoaz eta zuk nolako kilimak egiten zenizkidan mingain azpian. Badakit<br />
denbora luzea pasa dela ordutik. Udaberri asko dira jada pasa direnak. Eta sentitzen dut pasarazi dizkizudan<br />
negu gogorrengatik. Barkamen eske natorkizu. Badakit, ez nizun adarrik jo behar. Oso gaizki jokatu nuen eta<br />
barka iezadazu, arren. Aita, jakin beharra duzu ez zaitudala behin ere ahaztu eta ez diodala ordutik negar egiteari<br />
utzi. Jakin ezazu, ezin izan zaitudala nire pentsamenduetatik at izan, zu gabe ez bainaiz pentsatzeko gai.<br />
Hala ere, uler dezazun espero dut, azken finean, zu ez zara harreman bakarrekoa. Baina ez zait axola.<br />
Horrenbeste aukera izan ditudan arren, badut oraindik inoiz esan ez dizudan zerbait esateko. Ez dut esateko<br />
ausardiak izan lotsaren “babesean” nengoelakoan edo. Baina, orain, lotsa izateak lotsatzen nauela konturatu<br />
naiz eta atzamarrak dardaraka ditudan arren, bi hitz idatzi behar dizkizut: Maite zaitut!<br />
Bai, badakit, askoren ustez zaharregia zarela, baina orbanak dituzun arren, erakargarria zara. Badakit<br />
ez dagoela arantzarik gabeko arrosarik baina, zuri arantzek bilakatzen zaituzte arrosa. Nire belarriek gozatu<br />
egiten dute zure ahots xamurrarekin.<br />
Jende askok lotsatia zarela dio ez baitzaitu ondo ezagutzen. Gainera, askok ez dute lotsa apaltasunetik<br />
bereizten. Txikia zarela ere badiote baina, oso sakona zara. Itxuraz txikia zaren arren, zure trinkotasuna ezin<br />
deskriba daiteke. Gainera, tamainak ez du axola. Askok ulertzen zaila zarela diote, baina haizean daramatzazun<br />
mugimendu korapilatsuak askatzea besterik ez dago.<br />
Arraroa omen zara oso, baina, nik ezberdina, berezia edota bitxia zarela diot. Gainera, negatiboak<br />
positiboa erakartzen duen legez ezberdintasunek elkartzen gaituzte.<br />
Munduratu nintzenetik horrenbeste modutara ikusi zaitut: haserre, umoretsu, triste, alai, amorratuta,<br />
baztertuta, maiteminduta... Eta zenbat ote dira azaltzeko erabili dituzun moduak. Garrasika, zurrumurruka,<br />
zarataka, isilpean, kantari, zuzurlatuz... Betidanik utzi nauzu zur eta lur. Espero ez zaitudanean agertzen baitzara.<br />
Trakets edo apain, baina beti bezain liluragarri.<br />
Nire munduak zure argitasun beroaren inguruan jarraituko du biraka, ez nau beldurtzen zure suak<br />
erretzeak, espazio ilunean zehar noraezean ibiltzeak baizik. Egunero esnatzen naizenean, leihotik begiratu eta<br />
9
Change language