fragmento
fragmento
fragmento
Create successful ePaper yourself
Turn your PDF publications into a flip-book with our unique Google optimized e-Paper software.
Horizontes del saber I<br />
Ikantetiri otishi jitachari Cordillera de los Andes irorinti otishi abisatsiri ara<br />
nampitsipeki América del Sur, jitachari Argentina, Bolivia, Chile; Ecuador,<br />
Colombia jero anampiki Perú aakonakero kapichaji Venezuela. Iro<br />
antarosanotatsiri aipatsiteki, tekatsi shiyarone pashinipeki nampitsi kipatsikika.<br />
Oijatsapijatsiro nija jitachari Océano Pacífico omonkarata otsantsati 7,500<br />
kirometero.<br />
Areeta ojenokiti ara 4,000 metero, irokantacha timatsi ojenokiyeti, areetaro<br />
6,000 miiri metero. Chora antarope otishi, impoiji antarope obinteni<br />
otimitanaka aisati otenkanape antaro, ari okantari añabentiri. Pashinipeki<br />
nampitsi kemperi Argentina impoiji Chile chora otishi antaro jitachari:<br />
• Otishi Aconcagua, monkaraachari 6,962 meetero ojenokiti. Iro<br />
antaroperotatsiri otishi timatsiri aipatsiteki aka América. Osaiki anta<br />
nampitsiki jitachari Mendoza, Argentina.<br />
• Otishi sharakasato jitachari Ojos Salados, monkaraachari 6,768 meetero<br />
ojenokiti. Osaiki nampitsiki Chile otsipanampitaro oipatsiteki Argentina, iro<br />
apaniro okanta otishi tonkatsiri.<br />
• Otsishi sharakasato jitachari Huascarán, monkaraachari 6,768 meereto<br />
ojenokiti, ari otimiri anampiki Perú anta nampitsiki Ancash.<br />
Okirinkatanake chora antaro obinteni. Oka obinteni areetaro nampitsipe<br />
Argentina, Bolivia, Chile aisati anampi Perú. Okatonkotanake nampitsiki<br />
Ecuador impoiji aipatsiteki Perú ari orijanitapai, abisanakera nampitsiki<br />
Colombia ari otsipariayetapari irokantacha Venezuela orijanitapai irosati<br />
nijaaki jitachari Caribe.<br />
Anampiki asabikajeitika, atiripe timabeitachaniri peerani ibetsikayetanake<br />
ibankope aisati antarope nampitsi, ipankiyetake pankirentsipe te<br />
iramenanakero jaoka okantabeta kipatsi isabikantakari. Anampiki chora<br />
okarati 36 otishi anairori omonkarata 6,000 miiri meetero ojenokiti, chora<br />
aisati 1,000 otishipe anairori omonkarata 5,000 miiri meetero ojenokiti<br />
impoiji chora 20 otishi timantarori sharaka. Otimapaakera osheki sharaka,<br />
ari inebetarori ipoki yora atiripe anampisati impoiji poñiinkaripe iñatsataro<br />
sharaka okarentsatira.<br />
Okatonkotanake aipatsiteki omonkarata 1,000 meetero ojenokiti, ari<br />
okametsatapairi kipatsi oshiyokayetantyari pankirentsipe, chora otenkanape<br />
antaro oshiyaajata nijaape, chora aisati antarope otishi isabikayetira<br />
105
Change language