fragmento
fragmento
fragmento
Create successful ePaper yourself
Turn your PDF publications into a flip-book with our unique Google optimized e-Paper software.
Horizontes del saber I<br />
Opoñanaka okatsinkaajati kirinka nampitsiki Chile irosati katonko aipatsiteki<br />
ikantetiri noorite. Iro katsinkatakairori nampitsipe sabikatsiri otsapijaki anijaate,<br />
otimantari aisati osheki menkori, iro shekitakairori añiinkaripe yobayetari<br />
shima, irotake aisati katsirinkatakairori kipatsipe tera ompariyamintsate inkani.<br />
Irokantacha, okoasanota katsinkaiteri ishekitantyari shima anijaateki.<br />
Chora pashini nija shiyaajatachari anijaateki ojitanaka irori Corriente<br />
del niño. Nijaaka irointi katsirinkajari, oshiyaajata opoñanaka katonko<br />
irosati kirinka ari osaikaperotapai onijaateki nampitsi Tumbes jero Piura,<br />
ari okonobapaarori nija katsinkajari. Ari oshintsiperotiri aarontsipaiteki,<br />
irotake okatsirijenkaitetantari kitaiteri, te onkametsabetya areetyame<br />
oka nija katsirinkajari osheki obamairi añiinkaripe yobayetari shimape, ari<br />
inkanipaitetiri, eiro añaabajiritsi shibaripe impoiji piratsipe nijaaberi. Aririka<br />
aretakia katsirinkajari nija eiro itimanaji osheki shima, kapichaji iraayete<br />
kitsariantipe, eiro itimaperoti shima pimantachane.<br />
Ikantetiri kooshita kapichaji okarati kipatsi, obera otsantsati 2250 kirometero,<br />
aririka amenakotanakero okaratira maaroni aipatsite kapichatiji oni areeta<br />
11%, ari isabikajeitiri 44% akarati atiriti sabikantarori anampi.<br />
Kooshitaki ari ipiyotapari osheki atiri amanantatsiri impoiji pimantayetatsiri,<br />
isaikita antaberentipe pokayetatsiri pashinipeki nampitsi.<br />
Ari opoñaakotari maaroni pimantayetachari pashiniki nampitsi. Ari<br />
osaikayetiri antaroyetatsiri nampitsi kemperi Iriimashi, Piura, Chiclayo, Trujillo,<br />
Chimbote, Ica jero Tacna.<br />
Te oshiyokaneteji pankirentsipe irokantacha, asaitakerorika nija kipatsi ari<br />
oshiyokake pankirentsipe. Anta nooriteki ipankiyetiro ampeji, sanko jero<br />
aroso. Okirinkatanake ipankiyetiro uva, aceituna impoiji pashinipe chochoki.<br />
Okantabetaka te irareperotyaro atiripe pokayetatsiri pashinisati<br />
nampitsi, chora osheki oparee kametsari. Ari ijajeitiri maaroni atiripe<br />
aarontsitanakerika kashiriki diciembre irosati marzo. Ari ijayetiri aisati<br />
ebankaripe iñaatsataro oshinkepe antaro, kemperi ora tsinane jitachari<br />
Sofia Mulanovich.<br />
29
Change language