fragmento

Horizontes del saber I
Pakitsaka te yobanetya osheki, chora ibiti saabantiriri irotake
yamabetantarori katsinkaiteri.
Pakitsaka yobayetari maaroni kaminkaripe. Aririka irineake aparoni piratsi
kaminkari, eiro ipokitanaka irobantyariri, ikemeta pashinipe pakitsa,
irobantyari ontimatiye irarabake ishoshonkate iramenantyariri iriperorika
kaminkari. Aririka abisake apite kitaiteri obakera iraniitashiteri irobantyari.
Pakitsaka yoba ikarati 5 kiiro ibatsa kitaiteriki, aririka ikemanakea eiro
yobitajatsi onkarate koni semana.
Pakitsaka timatsi ikanta irañei iriori kari iyotakosanoteri atiripe. Aririka
yantaritapaake, iraakerika intsipateari, apinto onkantya, eiro ijokirotsi.
Ikantaityani intsipatyaro irañajeiterika. Aririka onkamapitsatakeri itsipatari
obakera iramenaje pashini. Oitsokanakerika impoiji osabantakeririka
oitsoki irosati itasakotantakea impoiji irarantakea otomipe abishi maba
osarentsi iraamabentakotyari ireentsite.
Ikanti ñaanatakotiriri pakitsaka, te ishekitajeji, iro itsonkaka ikamayetake,
eirorika aamabentakotaritsi eiroya aneajiritsi. Itsonkatantakari aisati
okantakaantiro itonkayetiri atiripe, yaitiri iroishate impoiji ibirape, ikanteti
aisati itonkayetantariri yaantyarori itonkipe ara osheki aabintanti.
Ikantajeiti iinkape, pakitsaka te inkamaneteji. Aririka iñakea
irantyashiparitapake, inkenanake yaranake jenoki, isaikape imperitaki
antarosanori ari yoyakotya inkamasanote, irokantacha ikanti iinkape
te inkameji irosati irañei, aririka impariyanake ikanti ipojashitajantiro
imenkoshi isaabantapajea ikemeitani peerani tekera inkenanakeji jenoki.
Pakitsaka, ishiyakaabentaro shintsinkantsi, yotanetaantsi jero itasorenka.
Osheki ipinkatsajeitirini peerani atiripe sabikajeitatsiri sharakamashiki
tekerani iraretapakea ishipañoripe nampitsipeki América. Ikanteti aisati iri
kamatiririni peerani atiripe paita abisatsine inampiki impoiji iri shitobakairiri
katsirinkaiteri kitaiteripeki irañaantari atiripe.
110