Betanzos e a súa comarca - acebe cca

Na procura de novos retos
Betanzos
e a súa comarca
Publicación mensual de distribución gratuíta. 15.000 exemplares. DEPOSITO LEGAL ◗ C-1555 / 92
EDITA ◗ Asociación de Comerciantes y Empresarios de Betanzos Centro Comercial Abierto (ACEBE CCA).
DIRECTOR ◗ Mariano García REDACCION ◗ Praza Mestre José Dapena, 1 baixo Telf./Fax: 981 77 45 74 · e-mail:
periodico.acebe@telefonica.net · periodico@comerciodebetanzos.com PUBLICIDADE ◗ José Luis Pariente, Carmen Miragaya
REDACCION ◗ Isabel Souto Medín. COLABORADORES neste número ◗ Ana L. Cortón, Mercedes Casanova, Antonio Asensi,
Juan Mª García Otero, Vanessa Lagares, Dra. Mª José Torreiro. Mª Luisa Pérez. COLABORADORES GRAFICOS ◗ Arume.
REPARTO ◗ Telecarta (Tlf. 617895395)
Betanzos e a súa comarca non se responsabiliza das opinións manifestadas polos seus colaboradores.
Enderezos electrónicos:
Redacción: periodico@comerciodebetanzos.com
Publicidade: publicidade@comerciodebetanzos.com
EDITORIAL
2011
2 BC
BETANZOS e a súa comarca xullo
Acabamos de rematar con éxito dous
eventos moi importantes para ACEBE
CCA: a II Feira Empresarial e Comercial
(FEC) e a Campaña de Verán, que
culminou co sorteo dun coche na IV Festa
do Comercio.
Ámbalas dúas accións congregaron a
numeroso público. A primeira, FEC
Betanzos, celebrada no recinto do
Carregal onde durante a fin de semana do
4 e 5 de xuño foron moitas as persoas
que se achegaron a visitar a Feira e ás
cales agradecemos o seu interese por
coñecer as nosas empresas e comercios
e por participar nas nosas actividades.
A segunda, a Festa do Comercio na que
milleiros de persoas se deron cita na
céntrica Praza do Campo agardando
impacentes a celebración do sorteo dun
Peugeot 107.
Estes dous éxitos énchennos de orgullo
porque son a culminación dun proceso de
traballo intenso, porque fan valer as
colaboracións das administracións e das
empresas que contribuiron a patrocinalos
e porque nos aportan o impulso preciso
para continuar a traballar en favor de
promocionar o noso comercio de cercanía,
as nosas pequenas e medianas
empresas, e para continuar a premiar a
fidelidade dos nosos clientes.
Por outro lado, a directiva de ACEBE
CCA reuniuse o pasado 30 de xuño coa
Concelleira de Comercio, Industria,
Feiras e Mercados e Participación
Cidadá, Mónica Carneiro Cid, á que
espuxemos as nosas principais liñas de
actuación ao longo do ano, as
diferentes actividades que
organizamos e para as que adoitamos
procurar a axuda de diferentes
administracións e tamén as nosas
inquedanzas con respecto a varios
temas que nos preocupan como a
reorganización das feiras.
Esta xuntanza, que foi unha primeira
toma de contacto coa nova
responsable municipal para a nosa
área de traballo, resultou moi
cordial e percibimos unha boa
receptividade ante as nosas
suxestións e propostas.
IMAXES
CAL...
Cuberta no acceso ao parking. A empresa Comar, xestora do
aparcadoiro soterrado da Praza do Campo, acaba de instalar unha
cuberta na entrada para evitar que os condutores se mollen ao
recoller o ticket. Con esta nova instalación, a empresa responde a
unha vella demanda dos usuarios, tal e como explicaron responsables
de Comar.
... AREA
Pintado antes de estrealo. A nova ponte de madeira sobre o río Mendo, nas
cercanías do Pasatempo, apareceu con pintadas xa antes de ser estreada. Os
actos de vandalismo como este estragan bens de uso público e custan cartos
ás arcas municipais. Reiteramos dende aquí o chamamento tantas veces repetido
á educación, ao civismo e ao respeto polos bens comúns.