Betanzos e a súa comarca - acebe cca

PRAZA DO CAMPO
2011
6 BC
BETANZOS e a súa comarca xullo
O Concello ultima os
preparativos da Feira Medieval
Seis kilómetros de teas e máis de 300 estandartes
decoran xa as rúas do casco histórico betanceiro
REDACCIÓN / Betanzos
Betanzos prepárase para celebrar
a Feira Franca Medieval, os
vindeiros días 8, 9 e 10 de xullo.
O Concello está a ultimar os
preparativos deste evento que
estrea o calendario festivo do
verán en Betanzos.
Seis kilómetros de teas e 300
estandartes e banderolas decoran
xa as principais rúas do
casco histórico brigantino onde
se ubicarán os postos de gastronomía
e artesanía con especialidades
en coiro, metal, orfebrería,
canteiría, herboristería,
copistería, papelería, iluminación,
etc.
As paradas instalaranse nas
zonas habituais: Porta da Vila,
Rúa do Castro, Praza da Constitución,
Santiago, Roldán, Pescadería,
Praza de Fernán Pérez de
Andrade, Santa María e San
Francisco.
Non faltarán as representacións
máis tradicionais da Feira
Franca Medieval de Betanzos: a
rememoración do incencio da
cidade co salvamento de bocois
de viño, a expulsión dos leprosos,
o tributo das cen doncelas,
o torneo medieval ou a Queima
da Bruxa e tamén repetirá este
ano o Recuncho Infantil no Cantón
Claudino Pita con actividades
para os máis pequenos que
poderán gozar tamén de obradoiros,
xogos populares, tio vivo
e caravana de burriños.
Haberá tamén exhibicións de
tiro con arco e cetraría, espectáculos
de malabarismos, música,
Cartaz anunciador da Feira Franca Medieval
deseñado polo betanceiro Luis Galán
danza, teatro, zancudos. O que
non haberá será Cea Medieval,
recuperada o ano pasado pero
que este ano se retira de novo
do programa como unha medida
de aforro, tal e como explicou
o Alcalde, Ramón García.
O cartaz
O cartaz anunciador da Feira
Franca Medieval é obra do deseñador
betanceiro Luis Galán no
que se recolle un dibuxo do
casco histórico no que destacan
as igrexas e as “portas” de
entrada a esta zona da cidade.
O cartaz é unha continuación
da serie de traballos realizados
po Galán en edicións anteriores
e nos que se mantén como elemento
común a presenza dun
moucho que hai anos protagonizara
unha sonada “fuxida” que
pasou a formar parte do anecdotario
da Feira Medieval.
PROGRAMA
Venres 8 de xullo:
18:00 h Apertura das paradas.
21:00 h Chegada do Conde Andrade e
apertura oficial da Feira. Lectura do
pregón a cargo do escritor Xabier López
López
22:45 h Rememoración do incendio da
cidade no ano 1569, co salvamento de
bocois de viño. Representación a cargo
da Asociación Alboio na Rúa Travesa
00:00 h Praza da Constitución La Recua
representará A Santa Compaña
Sábado 9 de xullo:
10:30 h Apertura das paradas.
11:00 h Apertura do recuncho infantil
13:00 h Praza da Constitución. Chegada
dos mouros e representación do tributo das
doncelas.
18:00 h Apertura do recuncho infantil.
19:00 h Actuación do grupo Azougue da
Escola Municipal de Folclore e danza
campesiña. Ao remate dará comezo a
Revolución irmandiña coa proclama do
mercader Afonso de Carballido
00:00 h Praza da Constitución. Espectáculo
de pirotecnia, zancudos, lume e Aquelarre
por conta do grupo LA RECUA.
Domingo 10 de xullo:
10:30 h Apertura das paradas.
11:00 h Apertura do recuncho infantil no
Cantón Claudino Pita.
12:00 h Praza da Constitución, xogos
populares e tradicionais por conta de
Cruz Vermella de Betanzos.
13:30 h Expulsión dos leprosos.
17:30 h Comezan a percorrer a feira os
pasarrúas de música, cómicos, malabares
e o dragón de lume.
18:00 h Apertura do Recuncho infantil no
Cantón Claudino Pita
19:30 h Torneo medieval na Praza do
Campo con exhibicións de cetrería, tiro
con arco e espectáculo de danza
22:30 h Praza da Constitución, La Recua
representa “A santa Compaña”
23:30 h Praza da Constitución, danza
moura.
00:00 h Fogos artificiais e peche da Feira
Franca Medieval.
Durante as tardes das tres xornadas
haberá malabares, música, teatro, xogos,
e exhibición de tiro con arco e cetraría na
praza de Santa María. Actuarán os
grupos Acibreira, La Recua, La Comedia
Andante e Volta e Dálle, o dragón de
lume do Topo Armonium e os xogos
malabares de Coté. Recuncho Infantil no
Cantón Claudino Pita e Praza do Campo,
tiovivo e caravana de burriños
De pe, no centro, Juan Suárez, rodeado dun grupo de amigos durante a homenaxe que recibíu
Juan Suárez recibe a Medalla
de ouro e brillantes do
Colexio Provincial de Médicos
A institución destacou o seu humanismo no trato aos enfermos,
a responsabilidade e a ética no exercicio da profesión
REDACCIÓN / Betanzos
O médico betanceiro Juan
Suárez Barros recibíu a medalla
de ouro e brillantes do
Colexio Provincial de Médicos
de A Coruña, nun acto ao que
asistiron un milleiro de persoas.
A institución médica distinguíu
a Juan Suárez coa medalla
de ouro e brillantes, entre
outras razóns, porque “encarna
os valores do humanismo
no trato aos pacentes, a responsabilidade
e a ética no
exercicio da profesión e o respeto
e a fraternidade cos compañeiros”,
tal e como destaca-
ba o comité de honores da institución.
Juan Suárez recibíu a distinción
de mans do Presidente da
Xunta de Galicia, Alberto
Núñez Feijoo no transcurso do
IV Encontro do Colexio Provincial
de Médicos de A Coruña.
Suárez lembrou aos asistentes,
entre os que se encontraban
compañeiros de profesión,
amigos, e novos facultativos
que se incorporan ao exercicio
da profesión médica, que “a
medicina require un gran
sacrificio e un esforzo continuado
porque un é médico as
24 horas do día e os 365 días
do ano”.