Artxiboa PDF formatuan jaitsi - LasarteOriaSarean.eu

Ez zuen tsots egiten, txanbil edo upelka baino ez zuen sagardoa saltzen.
Oria-txiki baserrian (lehenago, Oria-chiqui) zegoen sagardotegian,
Jose Oriatxiki izenez ezagutzen zen bat izan zen arduradun 1940tik
1964ra bitartean, eta alabak izaten zituen lagun zerbitzatzerakoan. Aste
Santutik aurrera tsots egin, eta botilatan saltzen zuen sagardoa taberna
eta etxeetan.
Zalantzarik gabe, eta zetxekien ikuspegi komertziala medio, nahiago
zuten beren langileek etxetik gertu edatea Brunetarrek, bide
batez, etxean bertan uzten baitzuten dirua. Brunetarrek berek jarri
zuten sagardo aparduna egiteko planta ere —Miquelete marka zeramana—,
eta horretan, izugarrizko mira sortu zuen xehamakina
automatikoa, eta ontziei etiketak jartzeko makina bat jarri zituzten.
Nire berriemaileek diotenez, probintziako lehenengo sagardo-industria
mekanizatua izan zen.
Geroago, sagardotegi hau, eremuko, eta beharbada Gipuzkoako sagardotegirik
handiena bilakatu zen; Brunet y Cía enpresa zen honen
jabe, eta Zelai-alde (lehenago, Celayalde) etxeko erdisotoan zegoen. 30
upel arrunt eta beste 15 obalatu zituen, eta azken horietan, 25.000na
litro sartzen ziren. Lartzabaleta baserriko Marcial Garmendiak ustiatu
zuen berau, 1944tik 1952ra, eta honen ondoren, José Urdampilletaren
familiak. 1953. urtetik 1959.era, Sidras Ugarte enpresak eduki
zuen errentan.
Amaitzeko esan behar da, Oriako sagardotegi guztietan bolatokia,
toka-jokoa, igel-toka eta kartak zeudela.
TABERNAK
Lasarte-Urnietako alkatetza-eraikina zenez, bi taberna zeuden Lasarte-
Hernani auzoko kontzeju-etxearen etxabeetan.
1931. urtean, 11 taberna egun Lasarte-Oriak hartzen duen eremuan,
hots: José Martín Alberdiren alargunarena, Juan Arocenarena,
Eustaquia Arrietarena, Francisco Arrietarena, José Elizalderena, Martina
Cortadirena, Javier Ormazabalena, Pedro Ormazabalena, Lorenzo
Pagolarena, José Yurritarena eta Juana Zatarainena; eta gainera, Jose
Barberen Sport Hotel Jatetxea eta Jose Yurritaren Hotel Central zeritzona.
Guda zibila amaitu eta bost urtera, 1944.ean, zortzi taberna baino
105