Artxiboa PDF formatuan jaitsi - LasarteOriaSarean.eu

DESKRIBAPENA
Lasarte-Oriako udalerria Donostialdean (Donostia-San Sebastian eskualdea)
kokatuta dago. Mendebaldean, Oria ibaia du mugakide;
iparraldean, Donostia-San Sebastián eta Usurbil; hegoaldean, Andoain;
eta ekialdean, berriz, Urnieta eta Hernani. Orotara, 5,9 km 2-ko azalera
hartzen du Lasarte-Oriak, hots, Gipuzkoak duen guztizkoaren %0,30.
Hiriaren izenak berak, Lasarte-Oria, hain zuen, ematen dio izaera
bikoitz hori, eta bietan, Oria da berezko nortasun historikoa ematen
diona. 1986. urtean udalerria instituzionalizatu zenean, Hernani, Urnieta
eta Andoain herrienak ziren lurraldeekiko mugak ezarri ziren:
bereziki, Hernani barruan zeuden Elizalde edo San Pedro auzuneak,
eta Urnieta barruko Oria. Izan ere, auzune horien eta udalerriaren artean,
egun hirigunean zehar lurperatuta dagoen Mendaro errekak
(garai batean Loidi eta Saltsate izenez ere ezagutzen zena) zeharkatzen
zuen. Erreka horren azken tarteak Brijiden komentu ondotik igarotzen
du, Oria ibaiarekin bat egin baino lehen, eta horra bertara isurtzen
du, halaber, Atzeko erretenak ere (honek, Karmengo Andre Mariaren
kaperaren atzeko aldetik igarotzen zuen).
Angelu zuzeneko formako azalera du Oriak. Hegoaldean, Buruntzape
erretenak mugatzen du (Andoainekin muga eginez);
iparraldean, Oztaran erretenak, Lasarteren eta beronen artean; aldeetako
bat Oria ibaiak ixten du, eta honekin paraleloan, ekialderantz,
Azkorteko mendi-horma. Errepide nazionalaren asfaltozko uhalak zeharkatzen
du Oria mutur batetik besteraino, bi zatitan banatuz:
pilotalekurainoko tarteari, Zirkuitu Ibilbidea deritzo, eta gune honetatik
Lasarte-Oriaren jurisdikzio-mugarainokoa, berriz, Oria etorbibea.
Ibaiertzetik gertuko alderdia izan da biztanle gehien hartu dituena,
eta bertan ezarri zen hirigunea. Mendi inguruko alderdi maldatsuenak,
ostera, baserriek eta soroek hartu zituzten.
23