Artxiboa PDF formatuan jaitsi - LasarteOriaSarean.eu

Oria. Bizitzako erkidegoa, laneko eremua; Antxon Aguirre Sorondo
historialari eta etnografoaren ikerketa-lan berria. Lasarte-Oriako
udalerrian kokatutako eta berezko tradizioa duen komunitate bati buruzko
bilduma garrantzitsua.
Xehetasun eta arreta handiz egindako ikerketa-lan honetan, datu
ezezagun ugari eta bizitako esperientziak jaso dira, eta horiek guztiak,
pertsona adinduekin izandako elkarrizketetan oinarrituta. Ahanztea eta
betiko desagertzea ekidingo duen landa-lan arras interesagarria, alegia.
Oriako baserritar eta nekazarien bizimodu tradizionalaren eta,
XIX. mendearen amaierako industrializazioak sorrarazi zituen langileenaren
eta etorkin berrienaren historia berreskuratu du Aguirre
Sorondok, lan garrantzitsu-garrantzitsu honetan. Bi osagai horiek kokagune
txiki honen nortasun indartsuaren funtsezko ezaugarriak dira,
eta merezi du, merezi, lasarteoriatar guztiei helarazteak. Izan ere, berori
izan da, egun eskaintzen dizuegun liburu honen eragilea.
Eskerrak eman nahi dizkiot gure lagun eta laguntzaileari, Lasarte-
Oriako Aldizkaria, Lasarte-Oria XX años y varios siglos... bezalako
argitalpenak medio, buru belarri aritu den langile nekaezinari, lotura
historiko eta anaitasuna bitarte, betiko elkartutako Oria eta Lasarteko
11