Artxiboa PDF formatuan jaitsi - LasarteOriaSarean.eu

Lope Martínez de Isastik idatzi zuenez, 1625. urtean, «terciarias y
cuartanas» delakoez sendatzera etortzen ziren fededunak ermitara.
Ondorengo hauek dira, ermitak 1630.ean zituen ondasunak 31:
zilarrezko kaliza eta patena, meza-liburu bat, antzinako pergamino-paperezko
meza-liburu zahar bat, «damasco leonado en partes bordada»
gisa deskribatutako estola eta manipuludun meza-jantzia, bertako mihisez
egindako bost elizatorra, material bereko amitu eta gerriko
lokarri higatuekin, lekuko mihisezko hiru izara berri, erdian zetazko
gerriko gorria zeraman beste bat, bertako mihisezko hamaika izara, aldareetarako
hiru mahai-oihal (bat Frantziako mihisezkoa eta beste biak
bertakoaz eginak) «sin meter en agoa» edo erabili gabeak, zetazko hiru
buruko zahar-zaharrak, aldareko bi esku-oihal, hiru pare korporal estaltzeko
zapi eta guztiz, urre-koloreko letoizko lau zutargi, eztainuzko
lanpara bat, ur bedeinkatua edukitzeko kobrezko ontzi txiki bat, Kristoren
aurrean jartzeko harizko sare zahar bat eta taulazko bi kutxa
(meza-jantziak gordetzeko izango zirela suposatzen dugu).
1646. urtean, Lasartera ematen zuen hormaren zati bat erori, eta
berria egin behar izan zuten, eta honengatik, 648 erreal ordaindu behar
izan zuten 32. 1721. urtean, halaber, ermitaren euste-horma ere
konpondu behar izan zuten 33. Baina, 1728.ean, obra garrantzitsuagoak
egin behar izan zituzten, hala nola: fatxada berria eraiki, kanpandorrea
konpondu eta, aurre eta atzealdea luzitzea, guztira, 347 erreal 34. Konbentzioko
Gerran (1794-1795) kalte handiak jasan, eta 1796. urtean
zaharberritzeari ekin zioten. Horretan, María Teresa de Larrerdia serorak
lagundu zuen, aldarea, Kristoren tailua eta kanpai-etxea
konpondu eta txukundu, eta jantziak garbitzeko 451 erreal eta 26 marabedi
aurreratuz 35.
1917. urtean, lapur batzuk sartu, eta 350 pezeta, bi meza-jantzi, elizatorra
bat, meza-liburu bat, lanpara bat eta beste huskeria batzuk
eraman zituzten. Nahigabe eta haserre handia sortarazi zuen eskualde
osoan zehar berriak.
1970.ean, berriz, azpian zeukan harrobiko kontrolpeko leherketa
sistemak huts egin, eta elizaren zati handi bat erori egin zen. Bi urte
beranduago, zutik mantendu zena eraitsi zuten.
Orduan ekin zioten Buruntza mendiaren magalean, Ergoien auzoko
Elorriaga baserriaren goiko aldean, eliza berreraikitzeari.
Aurrekoak zituen neurri eta banaketa berberak errespetatu ziren, eta
aldaketa bakarra kanpai-horman egin zen, oraingoan abside gainean
jarri baitzuten. Oriatar ugarik esku hartu zuen berreraikitzeko auzola-
62