Energiewende ya Ujerumani

Energiewende ya Ujerumani | 31
Usambazaji wa umeme wa nishati endelevu
unaobadilika hasa unahitaji suluhisho kama
hii. Na wakati huo huo gridi mahari huwezesha
udhibiti wa mahitaji kwa njia ya mifumo
inayobadilika ya ada za umeme.
Hifadhi ya hewa iliyobanwa
Hifadhi ya hewa iliyobanwa hutumia nishati ya
umeme kuhifadhi hewa kwa kutumia shinikizo
kwenye mfumo wa mapango chini ya ardhi.
Hewa iliyobanwa yaweza kuachiliwa kama
inavyohitajika kupitia tabo, hivyo kuzalisha
nishati. Teknolojia hii haijatumiwa sana kufikia
sasa. Lakini inaonekana kama njia inayoweza
kutumika kuhifadhi nishati isiyotumika
iliyozalishwa na vyanzo endelevu vya nishati.
Mapango ya chumvi yaliyorekebishwa
yasiyopitisha hewa yanachukuliwa kuwa pahali
salama pa kuhifadhia nishati. Ujenzi huu una
changamoto za kijiolojia ambazo zinabidi
kutatuliwa. Kwa sababu mfumo ukipatikana
ukiwa na kasoro hauwezi kurekebishwa.
Vile vile ni muhimu mkazo wa mawe
yanayozunguka usiathiriwe.
Hifadhi ya kujazwa
Hifadhi ya kujazwa au viwanda vya hifadhi
ya kujazwa ni njia ambayo imejaribiwa na
kutumiwa katika kuhifadhi nishati. Nishati
isiyotumika kwenye gridi inatumika kusafarisha
maji kwenye bwawa la juu. Nishati ya ziada
ikihitajika, maji huachiliwa ili kuendesha tabu
ambayo huzalisha umeme.
Jengo linalokaribia kujimudu kinishati
Majengo yanayokaribia kujimudu kinishati
yanaashiria majengo yanayotumia nishati
ndogo sana. Kuanzia mwaka wa 2021, majengo
yote mpya katika Jumuiya ya Ulaya lazima
yatafuata kiwango kilichowekwa. Kanuni
zinalenga majengo ya umma kuanzia mwaka
wa 2019. Nchini Ujerumani matumizi ya msingi
ya nishati ya majengo kama hayo hayastahili
kupita 40 kWh kwa mita mraba kwa mwaka.
Jumla ya matumizi ya umeme
Kuhesabu matumizi ya jumla ya umeme katika
nchi, umeme unaozalishwa kwenye nchi na umeme
unaoingizwa kutoka nje hujumlishwa. Umeme
unaouzwa nje hutolewa kutoka hesabu hii.
Umeme unaozalishwa nchini
+ umeme unaoingizwa
- umeme unaouzwa nje
----------------------------------------------
= Jumla ya matumizi ya umeme
Kapasita
Kapasita zinaweza kuhifadhi umeme kwa muda
mfupi. Kapasita ina vipande viwili kama vile
sahani na mipira ya chuma. Kipande kimoja kina
chaji chanya na kipande kingine hasi. Vipande
hivi viwili vikiunganishwa, umeme husafirishwa
mpaka chaji zinaposawazika.
Kilimbikizi umeme cha gurudumu tegemeo
Kilimbikizi umeme cha gurudumu tegemeo
Vilimbikiza umeme vya magurudumu tegemeo
vinaweza kuhifadhi umeme usiotumika kwenye
gridi kwa muda mfupi. Nishati ya umeme
huhifadhiwa kimashine. Mota ya umeme
huendesha gurudumu tegemeo. Nishati ya
umeme hugeuzwa kuwa nishati ya kuzunguka.
Kuirejesha, gurudumu huendesha mota ya
stima inapo hitajika. Kama betri, gurudumu
tegemeo zinafaa kwa ujenzi wa vipande. Ufundi
wa msingi umefahamika tangu Enzi za Kati hata
kama haukuhusishwa na nishati ya umeme enzi
hizo. Magurudumu haya tegemeo yamebuniwa
kwa ajili ya kuhifadhi nishati kwa muda mfupi
wakati wa uzalishaji mwingi. Nishati ambayo
inaweza kurejeshwa haraka kwenye gridi.
Kiwanda cha nishati ya dharura
Viwanda vya nishati ya dharura hutumika
wakati vizuizi vinapotokea kwenye usafirishaji
wa umeme. Kwa vile vinastahili kuwashwa na
kuzimwa kwa haraka, viwanda vya gesi ndivyo
vinavyofaa zaidi kwa madhumuni haya.
Kiwango cha ufanisi wa nishati
Kiwango cha ufanisi wa nishati huashiria
thamani inayotokea (kiwango cha thamani
ya huduma na bidhaa zinazopatikana katika
nchi kila mwaka) kwa kila kitengo cha nishati
kinachotumika. Katika uchumi, nishati ya
msingi ndiyo inayotumika kama kigezo cha
hesabu.
Kushiriki gari
Kushiriki gari ni hali ya watu kadhaa kutumia
gari moja kusafiri. Kwa sababu hii, kwa
kawaida, hawa huwa wateja wa kampuni
inayomiliki magari hayo. Wakihitaji gari,
wanaweza kukodisha moja. Kushiriki gari ni
tofauti na huduma za desturi za kukodisha gari
kwa vile gari inaweza kuhifadhiwa muda mfupi
tu kabla ya kutumika na kwa muda mfupi wa
matumizi kama vile dakika 30. Jumuiya nyingi
zimeandaa sehemu maalum za kuegesha
magari yanayotumika tu katika huduma za