pasaia eusk . - Pasaiako udala

Ikastolak onura ekarrizion, esan bezala, Pasaiari, euskararen normalkuntzarako
bidean.
1994. urteko datuen arabera, Pasaiako ikasleen %45,5 D ereduan ari da ikasten,
%25,2 dago B ereduan izena emanda eta %19,2 ari da A ereduan. 52
Euskararen ezagutza gora doa Pasaiako ikastetxeetan. 1970. urtetik aurrera handituz
joan da euskaraz ikasten duten haur eta gazteen kopurua. Baina ezagutzaren igoera hori
ez da behar adina isladatu erabilpenaren alorrean, ez baita halako igoerarik antzeman
oraindik.
Aurreko belaunaldietan gurasoek euskara galdu zuten bezala, gure berriemaileen
bilobak ari dira orain euskara berreskuratzen.
Gaur egun egindako kale neurketen arabera, esan behar da haurrak eta nagusiak
direla Pasaia San Juan eta San Pedron euskara gehien erabiltzen dutenak. Kale neurketa
hauen arabera argi ikusten da, halaber, bigarren belaunaldia edo berriemaileen semealabak
eta ondorengoak izan zirela euskara gehien galdu zutenak eta hauen seme-alabak
euskara ikastolaren bitartez berreskuratu dutenak.
Bigarren belaunaldi horretan ikusten den etena, dena den, Euskal Herri osoan nabaritu
zen:
“Los que hoy tienen entre 30-40 años son los que sufrieron con mayor intensidad
la perdida del euskera”. 53
Beraz gaur egun haur guztiek euskara ikasteko aukera dutela kontuan harturik, ezagutza
eta erabilpenaren arteko oreka lortzea izango da epe luzera helburu nagusia.
52 Euskaraz Pasaian, Azterketa soziolinguistikoa. Pasaiako udala. Euskara batzordea, 1994.
53 TEJERINA,B: Ibidem. 259. orr.
- 91 -
Pasaitarren ahotik