You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
DESLIPPA E AMOR<br />
El rusa el sò carell<br />
con sù tutta la cà<br />
per viv... se da <strong>de</strong> fà<br />
el dòrma sòtta i stell.<br />
La barba longa e grisa<br />
cavei bisc, sperlusciaa<br />
on toscan <strong>de</strong> fumà,<br />
arent el gh’ha on’amisa.<br />
An’lee la tira adree<br />
on carellòtt pien ras<br />
d’on sacch <strong>de</strong> barlafus<br />
a spass... la strusa i pee.<br />
Vann spess a spass insèma,<br />
cicciaren tra <strong>de</strong> lor<br />
pò vess on poo d’amor<br />
seren senza problema.<br />
Settaa arent al Dòmm<br />
sgandolen on quaicòss<br />
per lù domà pan pòss<br />
lee la sgagnòtta on pòmm.<br />
Finii el sò disnà<br />
lù el lecca i sò barbis<br />
lee la sciscia on benis;<br />
hinn lì pront per andà,<br />
...ma prima...<br />
on sorris...’na carezza<br />
lee la ghe va visin<br />
la ghe scròcca on basin<br />
...fann tanta tenerezza!<br />
La vita anca a lor,<br />
seben hinn dislippaa<br />
on poo i ha soddisfaa,<br />
...la fòrza <strong>de</strong> l’amor!<br />
Mario Scurati<br />
18 <strong>Sciroeu</strong> <strong>de</strong> <strong>Milan</strong> - Marz/April 2013<br />
LEGGIUU E SCOLTAA<br />
IER<br />
Foeura di finester,<br />
bombas,<br />
bombas ch’el sconfond,<br />
che quatta tusscòss.<br />
Giri in di man foeuj bianch,<br />
voeuri scriv ma...<br />
el ciel el se sferla,<br />
là in fond<br />
e ’l me toeu via i penser.<br />
Ier, sì l’era ier<br />
la m’ha guardaa<br />
e... la m’ha dii...<br />
Bombas,<br />
che quatta tusscòss,<br />
anca i penser...<br />
ier...<br />
SILENZI<br />
Gianfranco Gandini<br />
Quanto<br />
baccan intorna<br />
che voeuja<br />
<strong>de</strong> silenzi!<br />
Ma dove<br />
el troeuvi,<br />
in mezz a ’sto frecass,<br />
che gh’è in <strong>de</strong> l’aria.<br />
El cerchi<br />
e me n’incòrgi nò<br />
ghe l’hoo visin<br />
l’è chì<br />
l’è <strong>de</strong>nt <strong>de</strong> mì.<br />
Alarico Zeni<br />
Dedicata ai miei figli Mauro e Ilaria<br />
L’adozione di due bambini colombiani<br />
Brayan e Natalia hanno riempito i cuori di gioia.<br />
ON SORRIS<br />
Dent la gabanna <strong>de</strong>l preseppi,<br />
al pòst <strong>de</strong>l Bambin<br />
hoo mettuu on fioeu e ’na tosetta<br />
che ’l ciel l’ha consegnaa,<br />
per bòna sòrt,<br />
a duu spos innamoraa.<br />
“Papi !…”<br />
senti ciamà el mè fioeu papà…”<br />
e a mì… “Nònno, nònno!...”<br />
(cosa se proeuva <strong>de</strong>nter,<br />
el se pò minga dill a paròll)<br />
On grand sorris<br />
sul faccin di bagai<br />
che te corr incontra<br />
viscor ’me on re<strong>de</strong>sces,<br />
te ciappa la man<br />
e via… invers la stanzetta.<br />
“Guarda nònno!”<br />
Subet <strong>de</strong>rven cassett,<br />
antinn di armadi,<br />
tutt ciappaa in <strong>de</strong>l mostrà<br />
vestii, scarp, gipponitt.<br />
(…ghe son staa attent)<br />
In quell sò slanz…<br />
mì vedi ’na man che pian pian<br />
la scancella el passaa.<br />
“Siete contenti!”<br />
Te sorri<strong>de</strong>n citto<br />
e slisen via… <strong>de</strong> corsa<br />
a saltà ’l còll al papà<br />
e regalà basitt a la mama<br />
col nas per aria<br />
e i oeucc refignaa che parlen d’amor...<br />
on amor che ’l contagia.<br />
…Ona “còppia”<br />
diventada famiglia,<br />
…on nòno e ona nòna in truscia<br />
pront a tornà fioeu.<br />
Dent la gabanna <strong>de</strong>l preseppi<br />
duu fioeu che rinass<br />
a ’na vita normal<br />
con <strong>de</strong>nanz… segura… on doman<br />
retajaa in <strong>de</strong>l seren.<br />
Alberico Contursi
Change language