giugno 2009 - Tuttapovo

l’angolo della poesia dialettale
l’amór
a cura di Guido Leonelli
www.guidoleonelli.altervista.org
Lontana
Ogni casota ormai l’è ‘npisolada;
ma pianze e ride l’acqua zo ‘n cortìl,
e na lumeta trema ‘n la contrada
davantia ‘n tabernacol scolorì.
Zerco anca mi, se pòs, con ti lontana,
dormìr, desmentegàr, ma no son bon;
e come la lumeta e la fontanaùno so se
rido o pianzo e tremo tut.
Augusto Goio
Sul lac
La luna d’arzènt la basa le onde
la spuma de l’aqua carezza le ónde,
dai pradi, lontane,
se sente le rane.
Soléta na barca ‘nte l’ombra sconduda,
la alza e l’arbassa la pónta sbatuda,
e drent do morosi
i se dis: “Te me sposi?”
La luna canaia pian pian la se sconde,
la spuma de l’aqua la mola le spónde,
e ‘l vènt che ‘l va ‘n su
‘l risponde: “Cucù”
Mario Marchetti
El to prim baso
Se penso al to prim baso ‘n quela sera
piena de stéle, en fond a na stradèla,
me sento ancor l’anema lezera
e ‘l còr che me fa dent na schiramèla.
E no l’è sta che ‘n baso … Ma maniera
de dirte “te oi ben” senza favela,
epura ho ritrovà la primavera
e i sogni d’oro de l’età pu bèla.
Al segn che dopo, quando caminéva
coi pèi en tera e l’anima ‘n caròza
e tute l mondo ‘ntorno a mi ‘l cantéva,
felize e srormenì da quel to baso
son na sin al galón en te na poza …
Ma come vot che féssa a farghe caso?
Italo Bertotti
p. 60 - Tuttapovo - n. 2 - giugno 2009
La me morosa
Na volta ò menà la me morosa
a far do passi fora de zità,
tuti i diceva: “Varda! El gà la sposa,
vardélo lì, che tono che ‘l se dà!”
E con estro tossita i ne vardeva
come se vederia qualcos de nof,
e mi, che en gran rispèt intorno gh’eva,
pregheva el Sioredio che se fes not.
Defati è vegnù n’ora en poch scurita
e alora sen tornadi a ossa cà;
la me morosa che l’è na macieta
en de sto modo chì la m’à parlà:
“No sta torte pensier, caro ‘l me Nane,
che mi del bem te ‘n voi propi ‘n vagom,
tute le feste e tute le stimane
volém sfogarla insieme sta passiom.
E se la zent la g’à da dighe sora,
no l’è pò gnent,, e la compatirà
e lasserem che ‘n paze i la discora
perché volerse bem, no l’è pecà”.
Giovanni Coslop
Canta l’amor
Canta l’amor che strìa la primavera,
canta l’amor che fa tremar l’autun,
quando le brume le ‘mpienis la tera
e sule strade no ghè pu nessun.
Canta l’amor che fa sgolar le rondole,
canta l’amor che fa zigar el prà
quando la not la pesa sora ‘l mondo
come na preda e la ghe tol el fià.
Canta l’amor che i omeni ‘l consola,
canta l’amor che pò li fa morir
quando l’insogni ‘l ghe se ferma
‘n golaùcone ‘n bocon sinistro da ‘ngiotir.
E co sti canti che ne para via
na roba ‘ntant che n’altra la madura,
me zìnzorlo fra i vivi e la paura,
me zìnzorlo fra i morti e l’alegria.
Me zìnzorlo, me z’nzorlo, me zìnzorlo
come fa i ragni sula terlaìna,
me zìnzorlo sul cor che me scantina
sin che la va o la ven, sin che me spinzo.
Marco Pola