4 You-th #1 Communication

14
15
4 you-th magazine | página
For di 2 di Sèptèmber
último Kòrsou konosé un
organisashon nobo: Curaçao
Innovation & Technology
Institute (CITI). Meta di CITI ta
pa traha riba proyektonan di
inovashon i teknologia.
Curaçao Innovation &
Technology Institute
(CITI)
4 you-th magazine página
Pa e hubentut en general CITI
ta ofresé entre otro e konsepto
‘FABLAB’, (fabrication lab). Fablab
ta un laboratorio konsentrá riba
fabrikashon digital:
» 3D printers
» Diferente kurso pa hóbennan
siña diferente tema manera
medionan di komunikashon i
hopi mas.
> Mi ta manda boso mi karta komo ku mi tin un amiga ku
mi a konosé via “Facebook” ku mi ta haña super “leuk”. Na
vários okashon nos a traha sita, pero kada bes e ta kanselá.
Mi amigunan ta bisa mi ku e profil no ta algu real, pero mi
no ta tende di nan no. Ya mi a entusiasmá i imaginá tur sorto
di kos dushi ku mi amiga. E ta un dushi persona ku tur dia
mi por kòmbersá dushi kuné. Por fabor yuda mi.
Mi ta kontentu di por yuda bo ku bo problema.
Mi ke enkurashá bo pa bo no pèrdè kurashi.
Pero, mi no ke tapa solo ku un dede tampoko.
Mayoria bia sa pasa ku e hende nan ku no ke
topa bo ta pasobra nan no tabata kompletamente
sinsero ku bo. Papia kuné i splik’é kon
importante su amistat ta pa bo. Tur kos lo kana
bon!
Heeyyyy, great ku un mucha hòmber a skibi
nos e biaha aki! Pa mi ta un plaser atrobe pa
kontestá boso kartanan! Shana a bisa tur kos
kaba. “Dating” riba Internèt no ta manera nos
ta pens’é, pero si bo mester di mas informashon
bo por busk’é den nos edishonnan anterior.
MTV tambe tin un seri ku yama Catfish,
kisas e por yuda bo. Bo por wak e via Youtube.
E sintimentu aki ta lokual ta bini dilanti serka mayoria hóben. Un di
e motibunan prinsipal i komun ta e echo ku bo mayornan no tei. Ni
maske kuantu nan por ta kansa bo tin bia, tòg lo bo bai sinti nan falta.
Pero bo no mester pèrdè for di bista ku bo ta bai pa bo mes bon. No
desviá for di riba e kaminda. Anto kòrda ku Kòrsou su brasanan ta
hanchu habri pa bo. Bai p’e, bo por!
www.citi.cw :: fb.com/citi.cw :: +599.9.738.6299
Mayoria A
* prikbord
Kiko bo paña ta bisa di bo?
Kontestanan di e Kues
STòP! Moda ta algu temporal, no ta tur loke ta na moda semper
bo tambe mester tin. Kuminsá wak mas loke ta kuadra ku bo personalidat.
Kòrda ku e promé impreshon ta bisa hopi di bo.
Mayoria B
Bunita, bo konosé bo mes asina bon ku nada no tin influensia
riba bo. Sigui asina, pasobra tin un diferensia entre moda i stail
anto si bo sa esei semper lo bo keda bon.
Mayoria C
Eror! E paña no mester ta sunú pa e keda bo sèksi, ni bo no
mester tin e paña di mas “hòt” pa bo disfrutá. Tin paña ku no ta
karu, pero al final tòg ta keda hopi nèchi. Kòrda ku stail ta permanente.
éksito.
> E emisora di silensio: Kon bida ta sin zonido?
Hóben, bo a yega di sinta pensa kon bo bida lo ta sin
por tende niun zonido? Òf kon bo bida lo ta sin por
saka niun zonido? Awèl 4 You-th magazine a entrevistá
Janesca Anthony, un hóben di 21 aña di edat,
sumamente talentoso, ku a pasa den hopi kos den su
bida. Apesar di esei nunka el a entregá. Pues, pone
bon atenshon i sigui lesa.
E kuminsamentu
Janesca a nanse na Hulanda. Di su rumannan e ta mas grandi.
Ora Janesca a nanse, e tabata un beibi normal, manera mayoria.
Úniko kos diferente na Janesca tabata ku e no por a tende ni papia.
Janesca a nanse surdu muda. Niun hende no tabata sa kiko a kousa
e desabilidat akí. Ku 2 aña Janesca a bin biba Kòrsou. Ora Janesca a
bira un tiki mas grandi, el a hañá un aparato pa oido. Janesca a sigui
krese i el a bai un skol spesial. Semper Janesca tabata hopi habrí
pa siña kosnan nobo i p’esei semper e tabata bai skol hopi alegre i
e tabata siña ku hopi smak. Aktualmente Janesca ta bayendo AGO.
Komuniká
Pero kon Janesca ta komuniká? Janesca a siña komuniká pa medio di
lenga di seña, na Hulandes “Gebarentaal”. Janesca i su mama a siña
e lenga di seña aki na Hulanda na un organisashon. Asin’aki Janesca
por komuniká ku hende ku tambe por komprondé e lenga akí.
Braille: komuniká sin bista
E alfabèt braille a bin di Louis Braille, un mener siegu, kende a pèrdè
su bista na edat di tres aña. Braille ta un alfabèt spesial ku hende
siegu ku ta uza pa lesa i skibi. Na 1829 Louis a perfekshoná e alfabèt
di manera ku e por a keda uzá pa otro persona. Pero, ta te na 1854
nan a aseptá braille komo un alfabèt ofisial.
Fundashon Pro Bista ta un fundashon pa hende (práktikamente) siegu
òf hende ku nan bista ya ta hopi malu. Aki nan ta yuda e pashèntnan
aseptá e realidat i biba un bida mas normal posibel. Bo por
inskribí si bo tin entre 0 pa 120 aña di edat. Aki na Kòrsou nos tin
un biblioteka ku buki di braille. Na Fundashon Pro Bista tambe tin e
posibilidat pa fia e bukinan aki.
Nazjirah Bito
Opstákulonan
Naturalmente den bida tin opstákulonan ku bo mester vense.
Janesca a hañ’é den situashonnan, kaminda muchanan tabata tent’é
pasobra e ta otro for di nan. Pero, nunka e situashonnan aki no
a pone Janesca entregá. Al kontrario, e situashonnan aki a hasi
Janesca mas fuerte.
Talento i hòbi
Apesar ku Janesca tin un desabilidat, e ta un hóben sumamente
talentoso. Janesca gusta baila. Janesca a yega di partisipá den
Curastars i ei el a gana un premio spesial. Banda di esei, Janesca
gusta landa, sali i bai The Movies. Pues, Janesca gusta pasa ratunan
alegre (have fun) i apesar di su desabilidat e ta disfrutá di bida.
Aktualmente Janesca ta baila den un grupo di gaita.
Futuro
Janesca su meta pa den futuro ta pa bai studia den eksterior i
profeshonalisá su mes den idiomanan. Janesca ta un hóben ku ke
siña un tiki di tur kos, pues un hóben ku lo bai ta hopi eksitoso
den bida.
Pa konkluí, un desabilidat ni niun otro problema no mester stroba bo
di ta un pèrsona eksitoso ku ta disfrutá di bida. Janesca a pasa den
hopi difikultat, pero awor ta disfrutando di e dushi solo den su bida.
Mi ta haña ku 4 You-th magazine ta
un revista hopi bon i edukativo.
Ebony-Gwenn Martis