4 You-th #1 Communication

16
4 you-th magazine | página
> Ántes ora bo tende di e mundu di beyesa i pasarela ta e sekso
femenino tabata dominá. Pero awor no mas. Aktualmente, hopi ta e
personanan maskulino ku ta dunando un tremendo aporte pa nos
reinanan i modelonan lusi ‘a lo mejor’! Sera konosí ku Aubrey America
i su pashon pa beyesa!
Nòmber: Aubrey C. America
Edat: 37 aña
Funshon: Sekretario IBFF
Status sivil: Soltero
Facebook: Aubrey America
Menshoná 5 karakterístika di bo mes
Super fèrfelu, determiná, detayista, stima mi mes i
analista.
Kiko bo ta gusta mas di bo karakter i kiko bo ta
gusta ménos?
Loke mi ta gusta ta mi “ferfeluheid”, pasó e ta pone
mi mira e kosnan otro for di otro hende. Loke ku mi
gusta ménos ta ku mi por bolbe dil ku un hende ku
faya ku mi. Semper bo ta kore e riesgo ku e persona
ei por bolbe faya!
Kon bin bo a kuminsá ku e mundu di beyesa?
E historia ta basta largu! Pa hasié kòrtiku, loke a pone
mi kuminsá ta e echo ku mi stima mira damanan lusí
bunita i mi gusta e adrenalina di sertámen di Beyesa.
Kua ta e estudionan ku bo a sigui pa bo a yega
asina leu den e mundu di beyesa?
Mi tin'é komo un don di Dios, sinembargo m’a bai spesialisá
mi mes na Venezuela na un agensia ku yama
Rita’s i tambe m’a haña kurso serka Carmen Faneyte.
Kiko tur bo tin ku hasi den un dia di trabou?
Mi tin e enkargo di prepará tur e damanan, tantu lokal
komo internashonal. Mi ta makiyadó di e organisashon
i mi ta produktor di tur e shownan tambe.
Kua ta e partinan positivo i esnan ménos positivo
den bo trabou?
Positivo i dushi ta pa mira kon hopi dama ta hari
na momento ku nan tin un korona. Esei ta ilushon
di kada dama i esei ta yena mi ku mas amor pa mi
trabou. Ménos positivo ku nunka ora e damanan pèrdè
nan no ta wak ku (kisas en parte) ta serka nan
mes e fayo a sinta. Semper nan ta kulpa esun ku a
prepará nan.
Kua ta e konkursonan ku bo ta organisá?
Miss Curacao Teenager, ya pa 10 aña kaba; Couture
Line, kual ta un show di moda, ya pa 8 aña kaba; i
Silhouette Plus, kual ta un show spesial pa Plus Size,
esaki mi ta hasi ya pa 2 aña.
Bo sa duna kursonan individual? Dikon sí/ nò?
Mi ta yuda manehá e agensia Models huntu ku Tessa
Thijm i Carlton Jansen ku e meta pa kuminsá prepará
damita i hobensitunan. Kurso individual no fásil komo
ku e ta hopi karu.
Hot question
Kiko ta hasi un modelo sèksi pa abo?
Su mirada. Si e ta un persona ku un mirada penetrante
e tin ménos di bisa i portanan ta habri muchu mas
fásil p’e.