copione - Silveria Gonzato

SILVERIA GONZATO PASSARELLI
Iole, la morbinosa
Verona, dicembre 2012

Iole, la morbinosa - .0
Personaggi:
Iole e Gigi: coniugi attempati
Fernanda e Cesare: amici di famiglia
Teresina: Vicina di casa
Daniela: Amica di famiglia
Ines: Ostetrica in pensione
Grazia: figlia di Ines
Bepi: poeta
Peonia: trans
Lolli: escort
Ubriaco (fuori scena)
2

Iole, la morbinosa - .0
PRIMO ATTO
PERSONAGGI: GIGI, IOLE
SCENA PRIMA
Gigi e Iole sono seduti in poltrona. Lei lavora a maglia, lui fa le parole crociate.
GIGI
Te sì bràa a laoràr a màia! Te imparà ben!
IOLE
Sèto al mondo quante dòne gh’è che laóra a màia? Vuto che mi sia la piassè inseminìa de tute?
GIGI
Come in tute le robe, te sì ‘na s-ciànta lenta a imparar, ma dopo te vè via come ‘na s-ciopetà.
IOLE
Sa te intèndito par lenta?
GIGI
Che no te córi mia!
IOLE
G’ò dolori dapartùto, vuto che me méta anca a córar, adesso?
GIGI
Sì! Vói che te vaghi a far le corse! ‘Na s-ciànta de fùtin no ‘l te faréa mia mal!
IOLE
G’ò idea ch’el to çarvèl el scomìnsia a secàrse. Ànsi, g’ò paura che sia zà ‘n bel tóco che no te lo béari.
GIGI
Crédito che g’àbia ‘n orto nel çarvèl?
IOLE
Nò, te gh’è gramégna! Parché no ghe vèto ti a far ‘na s-ciànta de fòtin?
GIGI
A far che?
IOLE
Fòtin! Te l’è dito ti prima!
GIGI
Fùtin, sacranón! Fùtin!
IOLE
Mi, quéla parola lì, no l’ò mai sentìa.
GIGI
Se te faséssi anca ti le parole incrociate, te saréssi manco ignorante.
IOLE
Quando i nostri fiói i andava a scóla, no i n’à mai dito de compràrghe la Setimàna Enigmistica: i ne faséa
spèndar ‘n capitàl in libri, can da l’òstrega!
3

Iole, la morbinosa - .0
GIGI
E i è restà ignoranti come cavre. Voléino far ‘n ragioniér e ‘n geometra e n’è vegnù fóra du mussi…
IOLE
Come ti!
GIGI
Cosa?
IOLE
Come ti! No t’è fato gnanca l’aviaménto.
GIGI
Parché són andà a laoràr sènsa che i me invia. A dies’àni, g’avéa zà le mane piene de cali mi!
IOLE
Se pól farseli vegnér fóra in tanti modi i cali a le mane. Anca to fiói, a quéla età lì, i ghe l’avéa, ma no i laoràa
mia!
GIGI
Sa vuto dir?
IOLE
Quel che ò dito.
GIGI
Spero che no sia quel che penso mi!
IOLE
Par mi, te pól pensar a quel che te vól. Te savéssi a quante robe penso mi!
GIGI
Ah! Parché pènsito anca ti?
IOLE
Adesso basta! Se te vól barufàr, dìmelo ciàro e tondo, che, alóra, me ghe méto anca mi.
GIGI
No me pàr mia che, finóra, te m’àbi fato i complimenti.
IOLE
L’è finìa l’età dei complimenti!
GIGI
Vedendo come te sì adesso, me pàr impossibile che, tra noiàltri du, che sia stà la stagión dei complimenti.
IOLE
Ma senti ci parla?! I è vint’àni che te me tóchi solo quando se insuchémo nei cantóni de la casa, quando ti te
vien da ‘na parte e mi da quel’àltra!
GIGI
Zughi de man, zughi da vilàn!
IOLE
4

Iole, la morbinosa - .0
E alóra te sì stà ‘n gran vilanàsso quando te fonsionàvi! Dopo, t’è imparà l’educassión, ma massa presto!
GIGI
Però, te piaséa che fasésse el vilanàsso.
IOLE
L’éra el solo modo par capir che te éri vivo. Adèsso, me tóca métarte la récia sul cór fin che te dormi.
GIGI
No pòssito mia farlo fin che són svéio?
IOLE
E come faréa a védar se te sì morto? Te sì proprio ‘n àseno.
GIGI
Me pàr parfìn impossibile che te rivi a far certi discorsi!
IOLE
Mi no vago mia al cesso co’ le parole crociàte!
GIGI
Nò, te ghe vè co’ ‘l laóro a fèri! Mi no ò mai visto ‘na roba compagna!
IOLE
No te m’è mai visto gnanca mi, parché mi la sèro la porta del bagno. Ti t’è visto to sorèla!
GIGI
Te vedo nar drénto e vegnér fóra e me sorèla no l’à mai laorà a fèri in vita sua.
IOLE
No te me vardi mai, gh’èto da farlo proprio in quei momenti lì?
GIGI
Me scapa l’òcio.
IOLE
Altro che l’òcio, a ti t’è scapa tuto!
GIGI
No te mèriti gnanca che te risponda. El saréa tuto fià sprecà…e con ti, ghe n’ò sprecà zà massa de robe.
IOLE
Ma te rèndito conto de quel che te ghe disi a to moiér? A la mama te to fiói? A la nòna dei to neodìni? A la
nuora de to mama? A la cugnà de to sorèla?...
GIGI
Basta! I sò zà tuti i to titoli.
Iole si commuove.
IOLE
No posso più gnanca parlar. I è ani che no te me lassi finir ‘n discorso. Te sì deventà pèso de ‘na bestia rabiósa.
GIGI
E ti? Sa sito deventà?
5

Iole, la morbinosa - .0
IOLE
‘Na pòra dòna che patìsse le to violènse. Te m’è inganà. Te dovéi dìrmelo, prima de scominçiàssino a discórar,
che te saréssi deventà ‘n mostro. La me l’à sempre dito me mama, poaréta, che no métarme con ti. La gavéa
resón éla e mi no l’ò gnanca scoltà.
GIGI
L’è mèio che no te diga sa la diséa de ti la me póra mama.
IOLE
Sa podéela dir de mi? Parla ciàro! Da ti e da la to pòra mama me spèto de tuto…e anca da to sorèla.
GIGI
E alóra pensa a tuto, che te ghe intìvi sens’àltro.
IOLE
A la to pòra mama, pace a l’ànema sua, no posso più dirghe gnénte, ma spèta che veda to sorèla, te vedarè sa
sucéde.
GIGI
Crédito che me sorèla la g’àbia paura de ti?
IOLE
Vedarémo.
GIGI
No ò mai capìo parché, de me pòro papà, no te disi mai gnénte.
IOLE
Se te lési i santi del calendario, nel mese de agosto, te cati un san Nane. Con tuto quel che l’à patìo co’ to
mama, posso dirghe solo ‘na preghiera.
GIGI
Tra póco, ghe ne sarà du san Nane: pare e fiól.
IOLE (con espressione preoccupata)
Parché?Mórito?
GIGI
Prima o dopo, la ne tóca a tuti. S’el Padretèrno el vól tegnér la soménsa, no credo proprio ch’el pensa a noàltri.
IOLE
Ma stèto mal?
GIGI
Nò, són solo incassà.
IOLE
Me dìsito la verità?...Mi te misuro la pressión.
GIGI
No stà vegnér qua co’ quel stranfér parché, sta òlta, lo buto zó da la finestra.
IOLE
Va ben, ma se te móri, no stà darme la colpa a mi.
6

GIGI
De le òlte sospèto che te sìi nata co’ l’àlsaimer.
Iole, la morbinosa - .0
IOLE
No i à dropà gnénte par farme nàssar mi. Te sì ti che i à dovù tiràrte fóra co ‘l destùpa seciàri e un tòco de
çarvèl el t’è restà tacà a quel.
GIGI
Ma sa sèto ti de come són nato mi?
IOLE
Te gh’è la testa fata a serùmolo!
GIGI
Questa no te me l’avéi gnancóra dita.
IOLE
Te gh’è le réce tra el rosso e el viola. Mi te misuro la pressión.
GIGI
Ti te me lassi in pace.
IOLE
Fame sentir el polso.
GIGI
No te fasso sentir ‘n bel gnénte!
IOLE (commuovendosi)
No vói mia che te móri prima de mi!
GIGI
Ma se no te vedi l’ora!
IOLE
Mi? L’ò dito che i t’à tirà fóra co’ ‘l destùpa seciàri. E dopo te me domandi anca come fasso a savérlo? Me
basta sentir le sempiàde che te disi.
Gigi si alza in piedi con fatica.
Sa fèto?...Te scapa?...Gh’èto ‘na gamba informigolà?... Sito drio far ‘na paralisi? Se te lassàvi che te misuràsse
la pressión, podéino ciapàrla in tempo. Mi ciàmo l’ambulànsa!
GIGI
Iole, se te vól, par domandàrtelo, me insenòcio par tèra: làsseme ‘na s-ciànta in pace!
Me són alsà par andar a ciapàr ‘na s-ciànta de aria parché me se desfiàme le réce. E ti, l’è mèio che te te fai ‘na
camamìla tripla.
IOLE
Varda che gh’è frédo fóra! Te ciàpi ‘na malóra!
GIGI
No me interèssa gnénte!
IOLE
Vuto morir?
7

Iole, la morbinosa - .0
GIGI
No te rispondo gnanca.
IOLE
Métete el paletò…anca la sièrpa. Métete el capèl e anca i guanti. Se te tól su la bicicléta, métete ‘n giornàl sul
stómego…anca du…Stà atènto che, in piàssa, i è drio a laoràr e gh’è pien de buse. Se te ghe caschi drénto, te
pól restàrghe séco!
GIGI
Sta òlta vago a imbriagàrme, se nò va a finir che me buto ne l’Àdese.
IOLE (alzandosi di scatto)
Gigi!
GIGI
Te salùdo!
Gigi esce sbattendo la porta.
PERSONAGGI: IOLE
SCENA SECONDA
IOLE
Quanta passiènsa che ghe vól co’ sti òmeni! I è zà malstampà quando i nasse, figurémosse quando i devènta
vèci. L’è fortunà che són una che porta passiènsa…N’altra dòna l’avaréa divorsià da ‘n bel tòco. Come se no
g’avésse da far in casa, me tóca pensar anca a la so salute…e me trascuro mi. Co’ ‘n’altra moiér, el saréa za
morto e desmentegà. E lu, no ‘l se rende gnanca conto de la fortuna ch’el g’à. No ‘l me dimostra ‘na s-ciànta de
riconossènsa. Se penso a quando érino zóeni, me vien ‘na malinconia che me metaréa a pianzar. Ma anca se
penso a adesso, che sémo vèci me vien da piansar…Se po’ penso ai ani che vegnarà, se i vegnarà, da la
desperassión, me vien da sbregàrme i cavéi. S’el me fasésse ‘n complimento, s’el me fasésse ‘na còcola, se ogni
tanto el me portàsse ‘n fior, me tiraréa su de moral, la vita la podaréa èssar ancora discreta, ma così…E pensar
che mi saréa così afetuósa che, de le òlte, me vien parfìn la óia de sentàrme sui so senòci. Pecà che, par altre
robe el sia invalido, parché mi saréa ancora tuta fógo. L’è la vita e no gh’è gnénte da far. A ‘na certa età, la ghe
tóca a tute le dòne de restar con tanto de naso. Me tóca andar a confessàrme ogni altro giorno parché me vien da
pensar che, co’ noàltre dòne, el Padreterno no ‘l sia mia stà tanto giusto…
Suona il campanello.
PERSONAGGI: IOLE, FERNANDA.
SCENA TERZA
IOLE
Sta qua l’è la Fernanda. Solo éla la sóna el campanèl così. ‘Na òlta o l’altra va a finir che la me le sfónda.
Iole apre la porta.
Ciao, Fernanda! Vien drénto in prèssia se nò me va fóra tuto el caldo.
Entra Fernanda.
FERNANDA
Gh’è aria da neve. Te vedarè che stanòte névega. Mi no me sbàlio mai.
IOLE
Sito sicura che no névega mia subito?
8

Iole, la morbinosa - .0
FERNANDA
Te l’ò dito che no sbàlio mai. Névega stanòte.
IOLE
Mancomàl!
FERNANDA
Parché? Ghe saréa qualche problema se nevegàsse subito?
IOLE
El ghe saréa si. El me Gigi l’è andà via in bicicléta.
FERNANADA
S’alo portà le cadéne?
IOLE
No sò mia s’el se i à portà. Ma penso de nò, parché no ‘l savéa mia che stanóte névega.
FERNANDA
Sperémo che no ‘l se ciàpa la multa.
IOLE
Ghe mancaréa solo quéla! E magari el sbrìssia e el se fà anca mal. Basta che no ‘l se cópa!
FERNANDA
Ma varda che l’è stanòte che névega!
IOLE
L’è vera! Te l’è apéna dito! Ma alóra, parché èto parlà de cadéne?
FERNANDA
Porta passiènsa, Iole, ero via co’ ‘l pensiér…(Dopo essersi guardata attorno) Sónti la prima?
IOLE
La prima de che?
FERNANDA
Ma ancó, no èlo mia giòvedi?
IOLE
Sèto che no lo sò mia! A star sempre qua serà su, ò perso anca la nossión del tempo. Spèta che vardo sul
calendario. Quanti ghe n’émo ancó?
FERNANDA
Magari me lo ricordasse! Anca mi són sempre serà su in casa.
IOLE
E come fasso alóra a védar che giorno l’è? Mi sò solo che sémo in genàr. Vuto védar che ò saltà via anca el me
compleàno? L’è de genàr che són nata!
FERNANDA
Ma to marì e to fiói i t’avaréa fato i auguri, i t’avaréa fato el regàl!...
9

IOLE
Fonsiónela così a casa tua?
Iole, la morbinosa - .0
FERNANDA
Penso che la fonsióna così in tute le case!
IOLE
Qua nò.
FERNANDA
Ma dai! Sa dìsito?
IOLE
El giorno del me compleano, són mi che ghe telefono ai fiói e, solo dopo che i ò invidà qua, i me fa i auguri. E a
me marì, ghe vien inaménte che l’è el me compleàno quando el torna dal bar e el vede che gh’è la tòla parecià
par tuti.
FERNANDA
E i regài?
IOLE
Gh’è la crisi. Bisogna sparagnàr!
FERNANDA
Ma saréa bastànsa ‘na stupidàda!
IOLE
Lo sò anca mi, ma se vede che lóri no i è mia stupidi.
FERNANDA
Che la sia così?
IOLE
No ghe n’ò la più pàlida idea. Sò solo che, quel giorno lì, g’ò da laoràr come ‘na mata. Ma parché vuto savér
che giorno l’è?
FERNANDA
Se l’è giòvedi, l’è el giorno de la briscola!
IOLE
Són deventà proprio vècia: no ghe l’avéa gnanca par l’anticàmara del çarvèl.
FERNANDA
Maché vèci! Mi són più zóena de ti, ma no lo sò gnanca mi che giorno l’è.
IOLE
Quanti ani gh’èto manco de mi?
FERNANDA
Par dìrtelo, bisogna che sàpia la to età?
IOLE
Sa ghe céntrela la me età?
10

Iole, la morbinosa - .0
FERNANDA
Se no sò quanti ani te gh’è ti, come fasso a dirte quanti ani de manco g’ò mi?
IOLE
Senti, són zà bastànsa in confusión, l’è mèio che lassémo pèrdar… Che bruto che l’è deventàr vèci!
FERNANDA
A ci ghe lo dìsito?!
IOLE
A ti? Sémo noàltre sole!
FERNANDA
Ma valà, Iole, sa èto capìo? Voléa dir che anca a mi me despiàse de deventàr vècia.
IOLE
Èto visto che fàcia rapolà che g’ò?
FERNANDA
No g’ò mia fato caso!
Tra sé.
El pàr che i g’àbia disegnà ‘na teraìna!
A voce alta.
Lo sèto che a mi m’è vegnù la manìa de seitàr a vardàrme nel speiéto par védar se par caso m’è vegnù fóra ‘na
ruga nóva?!
IOLE
Se te rièssi a contarle, vól dir che no i è mia tante. Mi no posso gnanca proàr a contàrle, finiréa i nùmari. E
mancomàl ch’el resto ghe l’ò coèrto.
Fernanda tira fuori lo specchietto.
Gh’è novità?
FERNANDA
Me pàr de nò, ma no són mia sicura parché ancó g’ò le orbaróle.
IOLE
Gh’èto le ….No me tègno mai inaménte come le se ciàma!
FERNANDA
Vuto dir le cataràte?
IOLE
Sa èle quéle che vien nei nòci?
FERNANDA
Le cataràte…e no ghe i ò mia. G’ò l’esaurimento nervoso e somatìso.
IOLE
Anca mi són esaurìa, ma l’altra roba no ghe l’ò mia.
FERNANDA
Quàla roba?
IOLE
11

Sa èto dito dopo “esaurimento?
Iole, la morbinosa - .0
FERNANDA
Ò dito “nervoso”.
IOLE
Dopo ancora.
FERNANDA
Spèta che ghe pensa!...Avénti fòrsi dito che somatìso?
IOLE
Me pàr de sì. L’è quéla malatìa lì che mi no g’ò mia.
FERNANDA
Più che ‘na malatìa l’è ‘n disturbo.
IOLE
Sa te sèntito?
FERNANDA
Tuti i mali de sto mondo!
IOLE
Maria de Oro! Come fèto a èssar ancora viva?
FERNANDA
Sento mal, ma no són mia malà!
IOLE (tra sé)
La se perde zà, poaréta! L’è mèio che fassa finta de aver capìo.
FERNANDA
Te sucéde anca a ti?
IOLE
Sempre!
FERNANDA
Te vien anca da piànsar?
IOLE
Giorno e nòte! Le làgreme, a fòrsa de vegnér zó, le m’à fato dó canaléte sóto i òci.
FERNANDA
No dormito mia?
IOLE
Mai!
FERNANDA
Come fèto a star in pié?
IOLE
L’è quel che me domando anca mi! L’è me marì che no ‘l se le domanda mia!
12

FERNANDA
Se te spèti che i òmeni i te capìssa, te stè fresca!
Iole, la morbinosa - .0
IOLE
A mi no me interèssa gnénte dei altri, me basta che capìssa me marì.
FERNANDA
L’è de to marì che parlo…e anca del mio.
IOLE (Tra sé)
L’è messa gran mal, poaréta!
A voce alta.
Quando te ghe n’ avaréssi più de bisogno, no i te varda gnanca. Falo così anca el tuo?
FERNANDA
Ogni tantto, el me varda ancora…ma póco, sèto?
IOLE
Te vàrdelo quando te vè al cesso co’ ‘l laóro a féri?
FERNANDA (tra sé)
Sta qua la g’à zà l’arterio sclèrosi. L’è mèio che fassa finta de gnénte.
FERNANDA
Mi no són mia bòna de laoràr a fèri.
IOLE
Gnanca a uncinéto?
FERNANDA
Nò.
IOLE
E con cosa ghe vèto alóra al cesso?
FERNANDA (tra sé)
Sa ghe digo mi, adesso?
A voce alta.
No ghe vago mai mi al cesso?
IOLE
Maria de Oro! Ghe l’èto dito al dotór?
FERNANDA
Sì che ghe l’ò dito.
IOLE
Sa t’alo dito che l’è?
FERNANDA
L’à dito che somatìso.
IOLE (tra sé)
13

E dàghela!
A voce alta
G’avaréa scomésso!
Iole, la morbinosa - .0
FERNANDA
Te sucéde anca a ti?
IOLE
Quando laóro a fèri, nò.
FERNANDA
Bisognarà che me trova qualche distrassión anca mi.
IOLE
Mi laóro ai fèri, ma g’ò sempre tanta maliconia.
FERNANDA
Con un marì così alégro?
IOLE
Me marì alégro? Sito sicura che parlémo de la stéssa persona?
FERNANDA
Crédito che sia rimbambita? Lo sò ci l’è to marì!
IOLE
E te me disi che l’è alégro?
FERNANDA
El Cesare el me dise sempre ch’el le fa morir dal rìdar! Quando el torna dal bar, el me conta le baseléte che g’à
sontà el Gigi, e el ride ancora come ‘n mato.
IOLE
Rìdito anca ti?
FERNANDA
Mi nò, parché me marì no l’è mai stà bòn de contar baseléte. El fà vegnér da piànsar.
IOLE
A casa el sèita a far le parole incrociate, no ‘l fà altro. No ‘l dise ‘na parola. L’è come se mi gnanca esistésse.
L’è pèso che se vivésse da sola. No g’ò ricordi de ‘n so gesto de afèto. No pretendo mia cissà che! Me
contentaréa de ‘na caresséta, de ‘n basìn, che in lèto el me scaldàsse i pié…Gnénte, gnénte e gnénte! L’è solo
bon de rispódarme mal, quando mi çérco de farlo parlar. E sì che lo fasso co’ le più bèle maniere…
FERNANDA
Me pàr parfìn impossibile ch’el Gigi el se comporta così. El mio l’è ‘na s-ciànta mèio, ma l’è anca piassè
zóeno. Però, l’è deventà ‘n roersón: ‘n colpo l’è da óvi, e ‘n colpo l’è da late: el me porta da le stéle a le stale
nel giro de ‘n secondo. Te aiùtito con qualcosa?
IOLE
Quando no vago par du giorni, tógo el Verecolene.
FERNANDA
Me intendo par le malinconie.
14

Iole, la morbinosa - .0
IOLE
El dotór el m’à dato de le gósse, ma no le me fà gnénte. Se me marì no ‘l cambia, no gh’è gnénte da far.
FERNANDA
M’è vegnù in mente ‘na roba. ‘Na me amìga, che la g’à pressapóco la me età, l’éra lì par divorsiàr, parché no la
ghe le faséa più. La vita con so marì l’éra deventà ‘n inferno. Adesso la pàr in luna de miél.
IOLE
Sa àla fato?
FERNANDA
L’è andà da ‘na maga e sta qua la g’à dato de le gósse da farghe béar a so marì sènsa che lu el se ne acorsésse. E
no l’à speso gnanca tanto. Par fartela curta, a la sera, la ghe ià messe ne la minestra. Dopo ‘n’ora, no ‘l paréa
più lu: el gh’è saltà adosso. Le prime olte l’efèto l’è violento, ma dopo i se stabilìsa. I pàr du colombi.
IOLE
La to amìga èla una che conta bale?
FERNANDA
Varda, sémo cressùe insieme e mai ‘na òlta che me sia inacòrta che la m’àbia contà ‘na busìa. Se te me prométi
de no dìrghelo a nissùni, te confido ‘na roba.
IOLE
Te risulta, par caso, che qualche òlta, mi àbia contà in giro le to robe?
FERNANDA
No me risulta mia, parché no t’ò mai contà gnénte.
IOLE
Sito sicura?
FERNANDA
Più che sicura.
IOLE
E de cosa émo parlà in tuti sti ani?
FERNANDA
T’è sempre parlà ti!
IOLE
Così tante robe g’avéa da contar?!
FERNANDA
Se vede de sì. ..Alóra, me prométito de no dìrghelo a nissùni?
IOLE
Che morésse qua!... Èlo bastànsa?
FERNANDA
Anca massa. No pretendéa tanto! Me ne són fata crompàr ‘na bosséta anca mi. Adesso, al me Cesare ghe ne
dago solo dó gósse, parché no l’è gnancora a bruti passi come el tuo, ma vedo che anca con dó, le robe le va
discretamente. Man man che passa i ani, ghe le crésso fin che rivo a sié. A sié, bisogna fermàrse parché se nò
ghe s-ciòpa el cór poaréto. Se te vól, te la dago a ti la bosséta e mi me ne fasso tór ‘n’altra.
15

IOLE
Ghe l’èto qua?
Iole, la morbinosa - .0
FERNANDA
Nò, ghe l’ò a casa, ma se te la vól, vago a tórtela subito.
IOLE
Còstela tanto?
FERNANDA
‘Na miseria: çìnque Euri.
IOLE
Sito sicura che no le ghe fassa mal?
FERNANDA
Da quando ghe ne dago dó gósse al giorno, a Cesare no ghe vien gnanca più la bronchite.
IOLE
Va a tórmela subito.
FERNANDA
Córo!
Fernanda esce di corsa.
PERSONAGGI: IOLE
SCENA QUARTA
IOLE (riprendendo il lavoro a ferri)
La Fernanda l’è proprio ‘n’amìga! Dopo tanti ani, la m’à ridàto la sperànsa. Mi no credéa mia che la me volésse
cosìta ben. La gente no se finisse mai de conóssarla. Me sento zà i sbisigolii dapartùto. No me ricordàa gnanca
più come i era! Són emossionàa come quando el Gigi el me faséa la corte. El m’à fato strangossàr prima de
darme el primo baso… sènsa contar che la dichiarassión me la són fata mi. Se spetàa lu, stavo fresca. Lu el
proàva a dirme qualcosa, ma el deventàva tuto rosso e ghe se ingropàva la léngoa. Ghe volèa du giorni parché
la se desgropàsse. L’è sempre stà un saùgo, ma l’éra gran bèlo!
Suonano il campanello.
Proprio nel più bèlo del sogno.
Iole di dirige saltellando verso la porta.
Me sento quarant’àni de manco. Me pàr de èssar legéra come ‘na farfàla.
Iole apre la porta.
PERSONAGGI: IOLE E TERESINA
SCENA QUINTA
IOLE (con aria sognante)
Oh, la Teresina! Qual bòn vento!
TERESINA
‘N nebión da mati. Te pól taiàrlo a féte.
IOLE (muovendosi goffamente come se fósse una ragazzina. Teresina la guarda stupita.)
Ma se i à dito che nevegàva!
16

TERESINA
E invésse, gh’è la nèbia.
Iole, la morbinosa - .0
IOLE
Maria de Oro! El me Gigi l’è in òlta co’ la bicicléta e no ‘l g’à gnanca el fanàl giàlo par la nèbia! Quel là, come
minimo, el se straméncia. El finirà su ‘na carossìna, altro che seconda giovinéssa! Quel, se no ‘l me sassìna
sempre tuto, no l’è gnanca contento. G’ò el cór che me sbate in gola.
TERESINA
Ma no se zuga mia a carte ancó? No t’è gnanca messo el tapéto verde!
IOLE
Mi no ò mai messo i tapéti su la tòla! L’è ‘na toàia!
TERESINA
Va ben, la toàia! Ma andóe èle le altre?
IOLE
Le sarà là che le ghe fà la respirassión bóca a bóca a me marì. Ma alóra, ancó, l’è giòvedi!...E no ò gnanca
preparà la fogàssa da magnàr co’ ‘l tè …E no è rivà gnanca i òmeni!
TERESINA
Ma gh’è anca i òmeni ancó? Che novità èla questa?
IOLE
Gh’è la partìa e i vól vardàrla insieme. Ma i va de là in cusìna. La televisión l’émo messa de là. Ma se el me
Gigi el móre, i mando tuti a casa sua.
TERESINA
Ma métete calma! No ò mai visto ‘na dòna più aprensìva de ti! Ti te le ciàmi le desgràssie!
IOLE
Se te me ofèndi ancora, no te vardo più in fàcia. Te sarè ti ‘na prensìva!
TERESINA
Ma varda che no l’è mia ‘n’ofésa. Ma lo sèto, almanco, sa vól dir aprensìva?
IOLE
Me lo imàgino!
TERESINA
E te imàgini sbalià, se nò no te te sarèssi mia ofésa. Vól dir che che te pensi sempre mal, che te te agiti anca par
gnénte,che te te infàssi la testa prima de spacàrtela…
IOLE
Te pàr ghe g’àbia la testa infassà?
TERESINA (tra sé)
Co’ sta qua, l’è inutile parlar!
Campanello.
Sperémo ch’el sia lu.
Iole riprende gli atteggiamenti da ragazzina romantica.
FERNANDA
17

Sta qua l’è da ricoverar.
Iole, la morbinosa - .0
Iole apre la porta.
SCENA SESTA
PERSONAGGI: DANIELA SI AGGIUNGE AGLI ALTRI TRANNE GIGI
IOLE
Vegnì drénto in prèssia che me se impenìsse la casa de smoc.
CESARE
Fémo in prèssia che ghe se smocàia tuta la casa!
IOLE (cambiando atteggiamento)
Ma andóe èlo el me Gigi?
CESARE
No èlo mia qua?
IOLE
Nò, no ‘l gh’è mia: l’è andà fóra co’ la bicicléta. Me la sentéa mi che l’éra morto!
CESARE
È morto el Gigi?
INES (sottovoce a Daniela)
È morto el Gigi.
DANIELA
Mama che desgràssia!
TERESINA
Ma sa g’avìo tuti?
CESARE
El pàr che sia morto el Gigi.
TERESINA
Ci te l’à dito?
CESARE
L’ò sentìo da la Iole. Ma mi no ghe credo mia.
TERESINA
Daniela, lo sèto anca ti?
DANIELA
Sì.
TERESINA
L’èto visto?
DANIELA
Se l’avésse visto, saréa morta anca mi!
18

Iole, la morbinosa - .0
TERESINA
E da ci l’èto savùo alóra?
DANIELA
Da la Ines.
TERESINA
Ines, ci èlo che t’à dito che è morto el Gigi?
INES
L’ò sentìo dir da…No me ricordo più.
TERESINA
Parché piànsito, Bèpi?
BEPI
Són drio scrivar ‘na poesia par el Gigi, che la te cava fóra el cór! La scomìnsia così: “A ‘n amìgo morto sbuelà
in mèso a la strada”. D’èla póco bèla?
TERESINA
Ma va a reméngo! Da ci l’èto savùo?
BEPI
L’ò savùo da la Iole. L’è desperà, poaréta!
FERNANDA (a Iole)
Ma se pól savér sa è sucèsso?
IOLE
Ò perso me marì.
FERNANDA
E gh’è da far tute ste tragedie?! Mandémo qualched’un a çercàrlo! El se sarà perso nel nebión!
IOLE
Magari!... L’è morto!
FERNANDA (a Cesare)
Lo savéito ti?
CESARE
Cosa?
FERNANDA
Che è morto el Gigi.
CESARE
Ma ti ghe crédito?
FERNANDA
La Iole l’è desperà… Penso che la sia proprio vera!
CESARE
Ma stèto schersàndo?
19

FERNANDA
Gnanca ‘na s-ciànta! Teresina, ci èlo che te l’à dito?
TERESINA
Eh, nò! No lo rifàsso mia el giro de tuti quanti!
GRAZIA
A mi no me l’à dito nissùni!
TERESINA
Cosa?
GRAZIA
Che è morto el Gigi!
Iole, la morbinosa - .0
TERESINA
Ma se te lo sé zà, parché dovaréa dirtelo? Ma ci sito ti? No t’ò mai vista qua.
GRAZIA
Són la fióla de me mama.
TERESINA (Tra sé)
‘N’altra de furbe!
A voce alta.
Senti, cara, ci saréssela to mama?
GRAZIA
Quéla che se ciàma Ines. L’à volùo che vègna via con éla, parché no la se fida mia a lassàrme a casa da par mi
sola.
TERESINA (tra sé)
No me fidaréa gnanca mi!
A voce alta.
Quanti ani gh’èto, cara?
GRAZIA
Disdòto. Me mama , al me compleàno, la m’à fato ‘na festa granda, parché l’à dito che són deventà minorata.
TERESINA (tra sé)
Sta qua la pararéa bòna a èssar la fióla de la Iole.
A voce alta.
Varda, tesoro, che se dise magiorène, nò minorata.
GRAZIA
Nò, són deventà minorata.
TERESINA
Va ben. cara, come te vól ti.
Bepi si iginocchia per terra e intona un canto funebre.
È morto el Gigi.
TUTTI GLI ALTRI
Patapìn, patapùn.
20

BEPI
Pòra la Iole.
Iole, la morbinosa - .0
TUTTI
Patapìn, patapùn.
BÈPI
L’è restàda
TUTI
Patapìn, patapùn.
BEPI
Sènsa parole.
UNA VOCE
Magari!
TUTI
Patapìn, patapùn.
BEPI
È morto el Gigi.
TUTTI
Patapìn patapùn.
UNA VOCE
Che mal g’avéelo.
TUTI
Patapìn, patapùn.
BEPI
El g’avéa
UNA VOCE DA UBRIACO FUORI SCENA
Un spin nel cul.
TUTI
Patapìn, patapùn.
IOLE
Ma questo l’è lu! Ò sentìo la so voce. Te ringràssio, Maria de Oro.
FERNANDA (a Iole)
Che la te mandasse un…un…un milión in scarsèla!
Gigi riprende a cantare.
GIGI
De qua e de là del Piave,
ci stava ‘n’ostarìa.
21

VOCI DI DONNE
Un’osteria.
Iole, la morbinosa - .0
GIGI
Là gh’é da bere
e da magnàre
e un bòn lèto
par riposar.
IOLE
L’è proprio lu… e l’è mbriàgo come ‘n porco. E vedémo ci i è le sbrindole che gh’è con lu. Saréa sta mèio ch’el
fósse morto, parché, adesso, lo cópo mi.
FERNANDA
Ma sa dìsito, Iole? E la bosséta?
IOLE
Te vedarè andóe ghe la méto la bosséta! Ghe fasso ‘na dose unica.
CESARE
De che bosséta parlèo?
FERNANDA
‘N bosséta de…de…de…de parfùmo da òmo. Tra póco l’è el compleàno de Gigi.
CESARE
Ma se l’è nato in lùio!
FERNANDA
E sa vól dir? G’ò dito a la Iole che gh’éra ‘n’ ocasión, uno par sié, e l’à m’à dito de compràrghene ‘na bosséta,
più altre çìnque.
CESARE
E sa ghe ne fala de le altre çìnque?
FERNANDA
Sa vuto che sàpia mi? Domàndeghe a éla!
CESARE
Quanto èto speso?
FERNANDA
Sìnque Euri, ma la me le ridà.
CESARE
El g’à da èssar ‘n profumo gran bòn. Come se ciàmelo?
FERNANDA
Superman…El parfùmo par l’òmo che sgóla.
CESARE
El parfùmo par l’òmo che no ‘l g’à mai da domandar!
FERNANDA
Par ‘na òlta, no sito mia bòn de farte i afàri tói?
Campanello
22

Ècolo!
Iole, la morbinosa - .0
INES
Mi sèro i òci e me stupo le réce.
Iole va ad aprire.
SCENA SESTA
PERSONAGGI: QUELLI DELLA SCENA PRECEDENTE, AI QUALI SI AGGIUNGONO GIGI, LOLLI E
PEONIA.
Iole apre la porta.
IOLE
Desgrassià!
GIGI (rivolto a Lolli e Peonia)
Ci èla sta qua?
LOLLI
Ma l’è to moiér, Gigi, vàrdela ben.
GIGI
L’ò vardà ‘na òlta e no la vardo più: l’è massa bruta e vècia.
PEONIA
Gigi, sito in vena de complimenti, ancó?
IOLE
Vegnì drénto che me se ingiàssa la casa.
I tre entrano.
Maria de Oro, che spussa de graspa! Quanta ghe n’èto beù, imbriagón?
GIGI
Gnànca ‘na góssa! Mi són ‘n astemio cronico. Congenito.
IOLE
Ti te sì solo un desgrassià! E voàltre, sa fasìo qua? Questa l’è ‘na casa onorata e voàltre no sì onorà par gnénte.
BEPI
Varda che una l’è ‘n òmo!
IOLE
G’ò da dir voàltra e voàltro? Come èlo che g’ò da dir?
INES
L’è istésso, Iole, l’è istésso!
GRAZIA
Mama, sa g’àlo quel òmo là?
INES
Co’ la nèbia, gh’è vegnù el mal de pansa. Ma adesso ghe passa.
23

GRAZIA
Àlo magnà massa nèbia?
Iole, la morbinosa - .0
INES
Se vede de sì. Ma tasi adesso!
GRAZIA
L’alo mandà zó sènsa mastegàrla?...Come mi quando magno le olive?
INES
Te pàr che le olìve e la nèbia le sia la stessa roba?
GRAZIA
Sì, parché le fa vegnér el mal de pansa tute dó.
IOLE (tra sé)
No sò se l’è pèzo me marì o la fióla de la Ines.
GIGI (indicando Iole)
Ma ci èla sta stria qua?
IOLE
Mi ghe dago.
GIGI
Sa fala éla qua, a casa mia?
IOLE
Cesare, falo tasér se nò lo straméncio.
CESARE
Gigi, mètete calmo, dai! Gh’émo da vardàr la partìa e varda come te sì ridóto.
GIGI
Credo de èssar drìo a gomitàr.
IOLE
Némo in bagno, porcèl! Ghe mancaréa solo che te gomitàssi qua….Némo!...Móete, fiól de ‘n can!
GIGI
Vói le parole incrociate.
IOLE
Te le dago su la testa le parole incrociate.
Iole e Gigi escono.
SCENA SETTIMA
PERSONAGGI: TUTTI, TRANNE GIGI E IOLE.
DANIELA
Mi vago a casa. Sa fémo qua? Col Gigi a quei passi, come fémo a zugàr a carte?
CESARE
Ma va là! S’el gòmita, ghe passa tuto! Se trata solo de spetàr çìnque minuti!
24

Iole, la morbinosa - .0
DANIELA
E basta? Prima ch’ el buta fóra tuto quel che l’à beù, fémo nòte.
CESARE
S’el seitàsse a gomitàr par ore, come te disi ti, ghe vegnaréa fóra da la bóca anca le caùce! Tra çìnque minuti l’è
zà qua.
DANIELA
Ma come fèto ti, a savérlo? No te sì mia ‘n dotór!
FERNANDA
De quéle robe lì, fòrsi, el ghe ne sà più lu del dotór.
DANIELA
Àlo studià?
FERNANDA
Sì, e al bar de Cen, l’à fato i compiti.
DANIELA
Fernanda, ci èla la più séma tra noàltre dó? Ti che te straparli o mi, che no capìsso gnénte de quel che te disi?
PEONIA
Tute dó o gnanca una.
FERNANDA
Ti fate i afàri tói!
PEONIA
Vilàna!
FERNANDA
To sorèla!
PEONIA
Mi no g’ò ‘na sorèla, g’ò ‘n fradèl.
FERNANDA
Te soméielo?
PEONIA
Sì, tanto. Ma lu l’è ‘n òmo e mi, invésse, són ‘na dòna.
INES
Fasìme capir qualcosa anca a mi. Lu no ‘l g’à mia sorèle: el g’à ‘n fradèl, e so fradèl l’è ‘na dòna, che no la pól
mia èssar so sorèla parché l’è so fradèl. No ve pàr mia ch’el discorso el sia ‘na s.ciànta ingarbuià?
CESARE
E come vuto ch’el sia co’ ‘n sogèto compagmo! L’èto vardà ben?
PEONIA
Vilàn anca ti!...E te digo solo vilàn, parché són ‘na signora.
INES
25

Iole, la morbinosa - .0
El Peonia lo conósso ben, ma l’è so fradèl ch’el me méte in confusión.
SCENA DICIOTTESIMA
PERSONAGGI: TUTTI, TRANNE GIGI.
Iole mette dentro la testa.
IOLE
L’è drio a gomitàr anca l’ànema.
LOLLI
Poarìn! Posso vegnér a tegnérghe su la testa?
IOLE
Nò.
LOLLI
Parché?
IOLE
Parché se te vien ti, gòmito anca mi.
LOLLI
Ghe fasso schifo, fòrsi?
IOLE
Piassè.
Iole esce.
SCENA DICIANNOVESIMA
PERSONAGGI: TUTTI, TRANNE GIGI E IOLE.
LOLLI
Se conossémo da ani e mai ‘na òlta che la me dimostra ‘na s-ciànta de simpatia, E pensar che mi ghe són così
afessionà che…
PEONIA
Cosa dovaréa dir mi?! Ghe manca póco che la me spùa in fàcia. E anca mi ghe vói ben. Mi ghe vói ben a tuti.
BEPI
No ve sìo mai domandà parché?
LOLLI
Me lo són domandà e me són data anca la risposta.
PEONIA
Me credìo stupida? Anca mi me lo són domandà.
BEPI
E la risposta?
PEONIA
Prima che la me vegnésse, i me l’à data i altri.
26

Iole, la morbinosa - .0
BEPI
E quàla èla?
PEONIA
Te lo sé mèio de mi, rassìsta!
DANIELA
Varda che i rassìsti i è quei che no vól mia i neri!
LOLLI
Rassìsti i è tuti i gnoranti!
BEPI
Saréa ignorante mi?
LOLLI
Èto visto che te lo sé anca ti d’èssar ‘n rassìsta?
BEPI
Mi? Ma se ghe vói ben parfìn a i teróni!
CESARE
Bepi, l’è mèio che te tasi e che te te méti a srivar poesie par tuti quei che móre.
DANIELA
Quàla èla la risposta, Loli?
LOLI
Mi vendo tuta roba mia e quei che voàltri votè, i spende la roba dei altri, anca la nostra! Ma quéla l’è brava
gente! E, tra de lóri, gh’è anca gente che fà el me mestier. Mi no me són mai messa in nessuna lista. E adesso
parlè, se g’avì el coràio.
Mutismo
BEPI
No ghe ne altre de bèle?!
TUTTI
Tasi!
27

Iole, la morbinosa - .0
ATTO SECONDO
SCENA PRIMA
PERSONAGGI: TUTTI, TRANNE GIGI E IOLE
FERNANDA (seria)
Scoltéme ‘n’àtimo, g’ò da parlàrve. Ò fato ‘na roba che fòrsi no l’è mia tanto bèla.
PEONIA
Èto votà par quéla gente là?
FERNANDA
Varda che no són mia séma mi!...Ancó són rivà prima de voàltri e ò catà la Iole a passi del pòro limón. L’éra
proprio a le asse.
TERESINA
E parché?
FERNANDA
Poaréta, mi la capìsso. I àni i passa e, dopo aver tribulà par ‘na vita, i fiói i va par la so strada e se ritorna a èssar
in dù. El fógo el s’à smorsà da un bèl pèsso, ma se g’à bisogno de altre robe: ‘n complimento, ‘na còcola, ‘na
parolina che tira su e altre robe ancora, ma tute bèle.
CESARE
E alóra?
FERNANDA
Ti tasi e scólta, ch’el discorso el val anca par ti…Te m’è fato pèrdar el fil del discorso! Ti te parli solo quando
te gh’è da tasér!...
INES
Te stavi parlando de quando marì e moiér i devènta vèci.
FERNANDA
Questo lo sò, ma andóe sónti rivà.
GRAZIA
Te parlavi de còcole. Anca me mama la me fa le còcole. La me ciàpa anca in brasso. Ma quando me méto el
déo in bóca, la me crìa.
INES
Toh la merendina. Magna e tasi.
DANIELA
Quanti àni gh’èto, cara.
GRAZIA
Són deventà minorata e me mama la m’à fato ‘na festa granda, con tanta gente
INES
A me fióla ghe piàse schersàr: la dise minorata invésse de magiorène, parché la vól far rìdar.
TERESINA
Me pàr che ghe sia póco da rìdar.
28

FERNANDA
Me fasìo finir el discorso?
Iole, la morbinosa - .0
SCENA SECONDA
PERSONAGGI: TUTTI TRANNE IOLE CHE PARLA FUORI SCENA.
Entra Gigi con passo incerta e con l’espressione sconvolta.
CESARE
Gigi! Come vala?
GIGI
Me sento la testa al posto dei pié. G’ò paura de avér butà fóra anca dei tóchi che me servéa.
LOLLI
Cosa?
GIGI
No lo sò mia, ma gh’éra dei tòchi!
PEONIA
Sito proprio sicuro, Gigi? Te me spaènti!
IOLE (fuori scena)
I è le tripe che t’è magnà ancó, inseminio da l’òstrega!
LOLLI
Gigéto, no la gh’è mai sucèssa a nissùni de gomitàr el stómego a strìssie!
GIGI
Quando la testa la me tornarà al so posto, te me lo spieghi mèio.
IOLE (fuori scena)
Vien qua, che te gh’è de le altre robe da far!
GIGI
Basta! No vói più gomitàr! Gòmita ti adesso!
IOLE
T’ò dito te vegnér qua, e subito, anca!
Gino esce a malavoglia.
SCENA TERZA
PERSONAGGI: TUTTI, TRANNE GIGI E IOLE.
FERNANDA
Fasìme finir parché l’è na roba importante.
BEPI
Fa in prèssia che la creatura l’è drìo finir la merenda.
GRAZIA
Mama, gh’è anca el nòno.
29

Iole, la morbinosa - .0
BEPI
A mi nòno?
CESARE
Tasi e scólta!
FERNANDA
El Gigi l’è deventà suto come el sén de ‘na dòna de sessant’àni.
CESARE
Come el tuo?
FERNANDA
Te rispondo dopo.
FERNANDA
El ghe parla solo par rispóndarghe mal. É la ghe ne sòfre tanto parché l’è ancora inamorà. La g’à za
l’esaurimento nervoso. Ò sentìo parlar a la televisión de l’efèto placenta…
LOLLI
A un me amìgo che l’éra tuto pelà, l’efèto placenta el g’à fato vegnér fóra ‘na scaveiàra, che ghe tóca nar dal
barbier ogni du giorni. El s’à tocà co’ le mane e le gh’è deventà pelose come quéle de ‘n simióto.
CESARE
Fernanda, sito sicura de quel che t’è dito?
FERNANDA
Me crèdito ‘n’imbessìle?
CESARE
Nò, penso che te àbi capìo mal. El Gigi no l’è mia pelà.
FERNANDA
Ma sa volìo savér voàltri?!
TERESINA
Penso de avér capìo mi. Se trata sens’altro de l’efèto placebo. Se a uno te ghe fè anca ‘na puntura de àqua s-cèta
e te ghe disi che l’è ‘na medissìna che ghe fà ben,
sto qua el stà subito mèio.
CESARE
Èto visto che t’avéi capìo mal?
FERNANDA
Capissito sempre ben ti? Se vede che tegnéa la televisión massa bassa o che ti te faséi casìn… Co’ la Iole, mi ò
pensà de far ‘na roba compagna. G’ò dito che mi g’ò ‘na bosséta con drénto ‘na roba da farghe béar al marì de
scondón. Che la g’à da métarghene sié gósse nel late o ne la minestra sènsa che lu el se ne inacòrsa, e che el
Gigi, co’ sto trattamento, el saréa deventà come quando i era morosi.
TERESINA
No te pàr mia de èssar stà ‘na s-ciànta esagerata?
FERNANDA
Ò pensà che saréa sta mèio farghe ‘na terapia d’urto.
30

BEPI
Vuto anca urtàrla, poaréra? Te rìs-ci de farla cascar!
CESARE
Bepi, scrivi poesie e tasi!
TERESINA
Ma la Iole g’ala credùo?
Iole, la morbinosa - .0
INES
Ci è desperà el crede a tuto. Che de pecà che la me fà, poaréta!
GRAZIA
Mama, són stufa, nèmo a casa? Vói védar i cartoni animati!
LOLLI
L’è mèio che te scomìnsi a vardàr qualche bel film d’amor, cara! L’è ora che te te svéi fóra ‘na s-ciànta e che te
te cati ‘n tòco de moroso.
PEONIA
L’è mèio che la se le cata intiero.
TERESINA
Sio mate? Volìo sassinàrme la fióla?
LOLLI
Par l’età che la g’à, no te pàrela mia ‘na s-ciànta malmaùra?
INES
L’è ‘na bràa buteléta, altroché malmaùra! No la m’à mai dato nessùna preocupassión!
Tìrete fóra el dièl da la bóca, cara, te te sassìni i denti!
LOLLI
Contenta ti!...
DANIELA (a Fernanda)
Ghe l’èto zà data la bosséta a la Iole?
FERNANDA
Nò, no sò gnanca se la le vól ancora.
CESARE
Se, par caso, la te le domanda, bisogna dìrghelo a Gigi. Bisogna ch’el tègna su el palco…E se par caso no ‘l vól
mia star a zugo, come ghe rèstela la Iole?
FERNANDA
Come l’è adesso.
CESARE
Ghe penso mi a parlar col Gigi. Sò mi come ciapàrlo. E , tuti quanti, dovémo recitar la comèdia de quei che no
savéa gnénte e che crede che sia tuto vero.
GRAZIA
Èlo ‘n zugo, mama?
31

Iole, la morbinosa - .0
INES
Sì cara, te vedarè come se godémo.
GRAZIA
Zugo anca mi, mama?
INES
Sicuro, cara.
LOLLI
Saréa mèio che la andasse con quei de la so età a zugar ai dotóri!
TERESINA
Vuto che la vègna su come ti?
LOLLI
Saréa sempre mèio che lassàrla così.
PEONIA
L’è mèio che la devènta come mi!
INES
Sa ghe fósse ‘n rìs-cio compagno, la inciavaréa ne l’armarón.
LOLLI
Mèteghe anca l’antitarme, cara!
GRAZIA (indicando Lolli)
Mama, ghe spùo adòsso?
INES
Cosa? No le se fa mia quéle robe lì, te vè a l’nferno!
DANIELA
Te la stè tirando su proprio ben, quéla fióla lì!
INES
Te pól dirlo a voce alta!
DANIELA
No g’ò nissùna vóia de sigàr.
PERSONAGGI: TUTTI TRANNE GIGI.
SCENA QUARTA
Entra la Iole a passo veloce e si dirige verso la Fernanda.
IOLE
El tempo de farghe bùtar zó ‘na moka da dódeze de cafè e rivémo.
CESARE (Tra sé)
Vaca bòia, la le fà morir!
IOLE (sottovoce a Fernanda)
32

El stà vegnéndo su la sua, dame la bosséta.
Iole, la morbinosa - .0
FERNANDA
Toh, tiènla scónta. Dàghela subito, parché, le prime òlte, la ghe méte tanto a farghe efèto.
Iole esce di scena con aria sognante e andatura leggera.
SCENA QUINTA
PERSONAGGI: TUTTI, TRANNE GIGI E IOLE.
CESARE
L’àla tólte éla le gósse?
FERNANDA
Tasi che la te sente.
LOLLI
Ghe i èto date?
FERNANDA
Sì.
GRAZIA
Èra, mama, che no bisogna mia parlàrse ne le réce?
INES
L’è ‘na roba che no se fà mia. Tira fóra el dièl da la bóca.
GRAZIA
G’ò sòno.
INES
Porta passiènsa, cara, che tra póco némo a casa.
TERESINA
Senti, Ines, scùseme, ma devo dìrtelo, se nò me restaréa dei scrùpoli de cossiènsa. Come l’èto tirà su quéla fióla
lì?
INES
Ben l’ò tirà su. A la so età, le altre le ghe n’à zà fato una par colór. La mia, poarìna, la crede ancora in santa
Lùssia.
GRAZIA
St’àno. Santa Lùssia la me porta la Barbi co’ ‘l vestito da sera. Èra, mama?
INES
Sì, cara.
BEPI
L’è mèio che te ghe scrivi ‘na leterìna par domandàrghe ‘n barbo!
INES
Ma sa dìselo, Bèpi?
FERNANDA
33

Te ricòrdito come te eri ti a la so età?
Iole, la morbinosa - .0
INES
Qualcosa me ricordo, ma nò tanto!
FERNANDA
Me ricordo mi, cagna da l’òstrega: t’avéi zà passà du morosi!
INES
Mi no me lo ricordo mia, ma te vedarè che me fióla no la le córe mia quel rìs-cio lì.
LOLLI
Rìs-cio? La saréa ‘na butèla normale!
INES
Vuto dirme che me fióla no l’è mia normale?
LOLLI
Da come la se comporta, nò de sicuro. Ghe l’èto fata védar a qualchedun?
INES
Vuto che la méta in vetrina anca?...Co’ ‘l prèsso, magari!
LOLLI
Èssar deventà amìga de la Iole, a ti no t’à fato mia ben. Volaréa avérghela mi, quéla fióla lì, anca solo par un
mese. No te l’à riconosaréssi più.
PEONIA
Se po’ ghe l’avésse mi!
CESARE
Peonia. Métete chièto che l’è mèio.
PEONIA
“Chièta”! Varda che són ‘na dòna sèto?...Gràssia, volarèssito vegnér a casa de la Peonia?
GRAZIA
Nò.
PEONIA
Parché?
GRAZIA
Parché te sì bruta.
PEONIA
Te l’è tirà su proprio ben sta fióla!
LOLLI (riferendosi a Peonia)
L’è la prima roba giusta che la dise!
PEONIA
Vilàna!
34

LOLLI (guardando l’orologio)
Mi dovaréa èssar a laoràr!
Iole, la morbinosa - .0
CESARE
Co’ ‘l nebión che gh’è, i to clienti co’ le auto blu, invésse de tórte su, i te metaréa sóto!
PEONIA
Quando gh’è la nèbia, mi no laóro mai!
CESARE
Come i muradóri quando pióe.
PERSONAGGI: TUTTI
SCENA SESTA
Entrano Gigi e la Iole. Gigi è ancora un po’ stralunato e Iole mantiene l’espressione sognante e un
atteggiamento seducente. Escono a braccetto.
IOLE
Sémo qua.
CESARE
Come stèto, Gigi?
GIGI
Me sento ancora ‘na s-ciànta sotosóra, ma stago mèio de prima. Són ‘na s-ciànta nervoso.
FERNANDA
Solo ‘na s-ciànta? T’è beù dódese cafè.
GIGI
I è i metodi che la g’à me moiér par curàrme.
IOLE
El medico pietoso el lassa la piaga spussolènta.
GIGI
Ma mòleme sto brasso, gh’èto paura che scapa?
IOLE
Te dago fastidio?
GIGI
Me sento ligà.
IOLE
Par carità, te mòlo subito!
CESARE
Vien qua, Gigi, che fémo quàtro ciàcole tra òmeni!
BEPI
Vègno anca mi?
CESARE
35

Ti l’è mèio che te sèiti a scrìvar.
Iole, la morbinosa - .0
PEONIA
Mi són ‘na dòna!
GIGI
E la partìa?
CESARE
I l’à sospesa par la nèbia.
GIGI
Pecà.
FERNANDA
Fémo in tempo a far ‘na brìscola o nò?
DANIELA (dopo aver guardato l’orologio)
Qualche man se pól farla!
IOLE
Adesso parécio la tòla!
Iole stende sul tavolo una tovaglia verde. Cesare sta parlando in un orecchio a Cesare.
GRAZIA
Mama, varda quei là, i se parla ne le récie.
CESARE
Ines, vuto dirghe a to fióla de farse i afàri sói?
LOLLI
Lessión nùmaro uno.
INES (a Grazia)
Tasi, che dopo i me dise su a mi…E tìrete via el déo da la bóca, se nò te mòlo ‘n s-ciafón.
LOLLI
Lessión nùmaro due. Ghe volaréa ‘n corso aceleràto!
Le donne si siedono al tavolo. Daniela comincia a mescolare le carte. Lolli e Peonia si siedono al tavolo pure
loro.
IOLE (assumendo il tono usuale)
Sa fasìo ancora qua, voàltre?
PEONIA
G’àla paura che ghe tachémo qualcosa?
IOLE
Sì, la vostra reputassión. No l’è mia ‘na casa de apuntaménti, sta qua!
PEONIA
L’è fortunà che g’ò ‘n bòn caràtere, se nò me ofendaréa.
36

Iole, la morbinosa - .0
FERNANDA
Varda che i è stà lóre a portàrte a casa el Gigi. Te dovaréssi ringrassiàrle.
PEONIA
La gratitudine no l’è de sto mondo!
IOLE
E alóra l’è inutile che ve ringràssia!
GIGI (alzandosi bruscamente in piedi)
Pitòsto vago a béar la graspa che ò apéna gomità!
DANIELA
Ma che schifo!
BEPI
L’èto tegnùa da parte, Gigi?
CESARE
Ti sèita a scrìvar!
IOLE
Sa sucéde lì?
CESARE
Robe da òmeni!
IOLE
Va ben, ma no stasì sigar, ò ciapà ‘n sguìsso!
Cesare fa sedere Gigi e riprende a parlargli nelle orecchie. Grazia li guarda, ma Ines le gira la testa.
GRAZIA
Aia! Te m’è fato mal!
LOLLI
Lessión nùmaro tre.
GIGI (alzandosi un’altra volta in piedi)
T’ò dito de nò, òspia! Falo ti!
IOLE
Maria de Oro, g’ò el cór che me salta fóra.
CESARE
Robe da òmeni.
PEONIA
I è de’n grèzo sti benedéti òmeni!
Cesare fa sedere Gigi e riprende a parlare. Daniela dà le carte.
IOLE
Varda che rassa de carte che la m’à dato!
37

Iole, la morbinosa - .0
DANIELA
Te gh’è quéle che t’è tocà. No l’è mia colpa mia se le t’è capità brute! Quando te peschi, tìrele su bèle!
PEONIA
Vuto l’e mie? Te le dago volentieri. No me importa gnénte de no vìnsar, mi zugo par la compagnia.
LOLLI
Varda che ti te sì in còpia con mi, e me piàse vìnsar.
IOLE
Varda che qua se zuga sul serio.
PEONIA
Se no se pól gnanca rìdar, mi no zugo mia!
LOLLI
Peonia!
PEONIA
Sa gh’è?
LOLLI
Tasi!
GIGI (alzandosi all’improvviso)
Va ben! Basta che te la fassi finìa!
Le donne, spaventate sialzano in piedi. Il tavolo si alza da una parte e il mazzo di carte cade per terra.
FERNANDA
Gigi, varda che te ne fè pèrdar el late!
CESARE
Sì, quel che avì beù stamatìna.
PEONIA
Mi, a la matina, béo sempre el tè.
CESARE
Brao! Così no gh’è pericolo che te perdi el late anca ti…Ne fasìo ‘n postesìn che vegnémo a védarve a zugàr a
carte. La partìa no la gh’è mia, se stufémo a star qua sènsa far gnénte.
BEPI
E mi?
CESARE
Ti sèita a scrivar.
BEPI
Sa ghe ne fasso de la poesia che ò scrito par el Gigi morto?
GIGI (facendo gli scongiuri)
Che t’à stracunà!
38

CESARE
Dopo te lo digo mi sa te gh’è da farghene.
Iole, la morbinosa - .0
Gigi e Cesare si siedono a tavola con le donne.
GRAZIA
Mama, me làssito tegnér le carte?
INES
Va ben, ma spèta che le ciàpa!
LOLLI (tendendo a Grazia una copia di Novella Duemila)
Butelèta, varda sa la te dà la Loli. Lèsi e lassa in pace to mama. E la prossima volta che to mama la vien qua, l’è
mèio che ti te vaghi a farte un giréto in via Nóva.
Ines afferra la rivista.
INES
Ma sito mata a farghe lésar Novèla domìla?
GRAZIA
La me l’à data a mi. Dàmela!
INES
Sta qua no l’è mia roba par ti! Gh’è el diàolo drénto!
FERNANDA
Ma basta, Ines! No védito mia che te l’è rovinà quéla fióla lì? L’è mèio che ve fasì curar tute dó, ma ti par
prima! E pensàr che g’avèa ‘na fiducia in ti! Te éri ‘na bràa levatrice. No savéa mia che, come mama, te éri ‘n
disastro! Con quéla fióla lì, l’è mèio che te córi ai ripari!...E in prèssia anca!
INES
No g’ò più vóia de zugàr a carte. M’avì fato vegnér de quei pensieri, che me sento morir. Ò sbalià tuto. Come
fasso a rimediàr?
FERNANDA
Te la fè curar e te la mòli!...E sèntete zó che ghémo da zugàr. E ti, butelóta, se te rompi ancora le scàtole, to
mama la te dà ‘n s-ciafón, che la te rebàlta.
INES (a Grazia)
Èto capìo? E stasera te lavi i piàti!...E se te piànsi, te ghe ne ciàpi dó de sbèrle, una par ganàssa.
IOLE
Ma stasì ferme co’ i pié! Va a finir che me spachè le calse!
PEONIA
Mi no me són gnanca mossa!
FERNANDA
Mi gnanca.
IOLE
E alóra me lo són sognà.
GRAZIA
39

Mama, parché èto fato così?
Iole, la morbinosa - .0
Grazia fa il segno del cavallo di briscola.
INES
Sa dovaréa farte mi adesso? Sa dovaréa farte? Adesso i le sà tuti che brìscola g’ò. No te porto più qua, vègno da
par mi sola!
IOLE (tra sé)
Maria de Oro! G’ò un pié che me va su par ‘na gamba.
Iole si alza in piedi.
A voce alta.
Scusè, me s’à informigolà ‘na gamba!
Tra sé.
Peonia no ‘l pól èssar…quéle altre, da quel che sò mi, i è tute dòne normali. Che la sia la buteléta? Nò, no l’è
gnanca éla, l’è lì imusunà…Maria de Oro l’è Gigi! Le gósse le ghe fà zà efèto!
Iole si risiede in fretta.
Sa fasso adesso con tuta sta gente? Ècolo, el riscomìnsia. Me s-ciòpa el cór!
DANIELA
Iole, te tóca a ti!
Iole continua, con imbarazzo e piacere, a dimenarsi sulla sedia. Le altre hanno capito e cominciano a
scambiarsi sguardi d’intesa e gomitate. Grazia osserva tutte stupita.
Iole!
IOLE (tornando alla realtà)
Sa gh’è?
DANIELA
Te tóca a ti.
Gigi riprende.
IOLE (dimenandosi)
A far cosa?
INES
Iole!
IOLE (con aria sognante, dimenandosi)
Sì?
INES
Te gh’è da butàr zó ‘na carta!
Gigi ci mette sempre più energia. Si muovono anche il tavolo e la sedia di Iole. Iole butta giù due carte.
INES
Nò dó, una sola!
LOLLI
Ma come mai bala tuto?
PEONIA (alzandosi da tavola)
40

Iole, la morbinosa - .0
Ma gh’è el tremoto!
Peonia si butta sotto il tavolo, ma esce subito con le mani sulla faccia.
Mama che mal! Mama che mal!
FERNANDA
Sa è sucesso?
PEONIA
M’è rivà ‘na peà in fàcia!
LOLLI
Ma qua gh’è el teramòto sul serio!
BEPI
Se ghe fósse el teramòto, lo sentiréa anca mi. El me taolìn no ‘l bala mia!
DANIELA
Che ghe sia i spiriti.
PEONIA (correndo attorno al tavolo)
Aiuto! Aiuto!
GRAZIA
Mama, g’ò paura!
INES
Infìlete sóto a quéla caréga là. Sèra i òci e stùpete le réce.
IOLE (sempre sulla sedia che balla)
Maria de òro, móro. Ma móro contenta!
GIGI (rivolto a Cesare)
Va ben così?
CESARE
Érelo così che te faséi quando te éri ancora abile?
GIGI
No me ricordo mia. Comincio a èssar straco. L’è mèza sfinìa anca éla.
CESARE
Àlsete e daghe el colpo de gràssia!
Gigi si alza in piedi e tenta di raggiungere Iole passando sul tavolo.
GIGI
Iole, no ghe la fasso più. Némo de là!
IOLE
Gh’è gente.
GIGI
Mi te salto adosso qua. No me interèssa gnénte dei altri.
Gigi è inginocchiato sul tavolo. Iole si alza in piedi.
41

Iole, la morbinosa - .0
IOLE
Càlmete, Gigi, càlmete, te s-ciòpa tuto!...Gigi, te misuro la pressión?
GIGI
Me sento fumar i busi del naso! Fate ciapàr, bèla polàstra!
IOLE (cominciando a correre per la stanza per salvarsi dagli attacchi del marito.
Aiuto! El móre! Móro anca a mi! Ciamème i fiói! Butèghe adòsso ‘n sècio de àqua fréda! El ciàpa fógo! Ghe
fuma el naso! Cesare! Cesare!
CESARE
Bepi, vien con mi che némo a fermàrlo.
BEPI
Sito sicuro ch’el fà finta?
CESARE
Sì, són sicuro!
Lo fermano. Lui continua ad agitarsi.
GIGI
Molème! Molème! L’è mia! L’è me moiér!
BEPI
Sta chieto! Va a finìr che te fè ‘n colpo! Se te móri te tóca lassàrla la to polàstra.
Sta fermo!
CESARE
Bepi, portémolo de là e serémo a ciàve la porta.
GIGI
Iole! Vita mia! Ànema mia! Vita mia!
CESARE
No stà esagerrar, che te móri sul serio!
GIGI
Làsseme far ‘na bèla figura!
CESARE
Va ben, ma adesso fóra! Fóra!
Gigi, Cesare e Bepi escono.
SCENA SETTIMA
PERSONAGGI: QUELLI DELLA SCENA PRECEDENTE, TRANNE GIGI, CESARE E BEPI.
Iole non si è ancora resa conto che il marito è uscito e continua a correre per la stanza gridando “aiuto”.
IOLE
Aiuto! Aiuto! Basta! Pietà!
FERNANDA
42

Aiutème, dovémo fermàrla.
Iole, la morbinosa - .0
Fernanda, con Lolli e Peonia, fermano a fatica la Iole, che continua a tremare e a respirare a fatica. La fanno
sedere.
IOLE
Fernanda…Fernanda…Desgrassià!
FERNANDA
Come desgrassià? Èto fato come t’ò dito?
IOLE
Sì.
FERNANDA
Quante gósse gh’èto dato?
IOLE
Sié.
FERNANDA
Andóe ghe i èto messe?
IOLE
Nel cafè.
FERNANDA
Èco, lo savéa mi che te avaréssi fato qualche semàda! T’ò dito nel late o ne la minestra. No le se méte mia nel
cafè! L’è come s’el ghe n’avésse beù tre bosséte!
IOLE
Mórelo?
FERNANDA
Finóra mi l’ò visto anca massa vivo, sperémo che Cesare el rièssa a calmàrlo. Comunque l’efèto el dovaréa
smorsàrse da par lu solo.
DANIELA
Iole, èlo che marì che te gh’è!
INES
Mi no ò mai visto ‘na roba compagna! Lo credéa zà smorsà.
IOLE
Me marì smorsà?! No riussiréa a smorsàrlo gnanca i pompieri.
TERESINA
Ma èlo sempre stà così?
IOLE
L’éra de più! Tanto de più.
TERESINA
E come faséito a tegnérghe bòta?
43

Iole, la morbinosa - .0
IOLE
Ero più forte de adesso e, par tegnérme in forma, andavo sempre a far ginàstica.
DANIELA
Ma èlo ancora abile in tuto?
IOLE
Varda, l’è parché gh’émo paura che vègna ‘n altro mas-cio, ma noàltri podaréssino, anca adesso, far un fiól
ogni nóve mesi.
TERESINA
Tolìo de leprecaussión?
IOLE
Par fòrsa!
FERNANDA
Iole, e le altre cìnque?
IOLE
Una l’ò zà butà via mi, a le altre, faghe far ‘n volo ti.
FERNANDA
No ghe ne dèto più?
IOLE
Gnanca se a ordinàrmelo vien el Papa. ‘N spaènto compagno no l’ò mai ciapà in vita mia. Mi parlàvo de còcole,
nò de ‘na roba così!
FERNANDA
Se te porti passiènsa, tra ‘n mese le devènta còcole.
IOLE
No spèto gnanca ‘n secondo, cagna da l’òstrega!
DANIELA
Ines, andóe èla to fióla?
INES
Andóe èla? Me l’à i rapìa?
TERESINA
Sa èla quéla roba là sóto la caréga?
INES
Madòna santa! Ècola là andóe l’è. Ghe l’ò mandà mi fin che gh’éra el teramòto.
TERESINA
Làssela lì ‘n’altra s-ciànta, che stémo chiète. Sémo zà agità anca massa…Iole, sèto sa pensàa. L’è mèio che te te
fassi ordinar dal dotór de le medissìne ricostituenti. Dei integratori, le medissìne che i ghe dà ai atleti, parché,
scusa se te lo digo, no te sì più ‘na buteléta, bisogna che te te tegni su. E anca al Gigi bisogna farghe dar
qualcosa.
INES
Mi ghe dago tuto quel che i me dise, ma gósse, mai più.
44

Iole, la morbinosa - .0
PERSONAGGI: TUTTI
SCENA OTTAVA
Entrano nell’ordine Cesare, Bepi e Gigi.
IOLE (a Gigi)
Come stèto?
GIGI
Ben! Come vuto che staga?
IOLE
Te misuro la pressión?
GIGI
Se no te la finìssi te rómparme le scàtole, vago a imbriagàrme ‘n’altra òlta.
TERESINA
Ma lo sèto. Gigi, che te sì proprio ‘n gran vilàn?
FERNANDA
Al posto de la Iole, mi me saréa zà separà.
PEONIA
Anca mi.
IOLE
Mi, al posto mio, ve digo che l’è ora che ve fasì i afàri vostri. A mi, me marì, el me va ben così.
GIGI
L’è parché no ghe n’ò óia, se nò te daréa ‘n baso.
fine
45