You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Iole, la morbinosa - .0<br />
GIGI<br />
No te rispondo gnanca.<br />
IOLE<br />
Métete el paletò…anca la sièrpa. Métete el capèl e anca i guanti. Se te tól su la bicicléta, métete ‘n giornàl sul<br />
stómego…anca du…Stà atènto che, in piàssa, i è drio a laoràr e gh’è pien de buse. Se te ghe caschi drénto, te<br />
pól restàrghe séco!<br />
GIGI<br />
Sta òlta vago a imbriagàrme, se nò va a finir che me buto ne l’Àdese.<br />
IOLE (alzandosi di scatto)<br />
Gigi!<br />
GIGI<br />
Te salùdo!<br />
Gigi esce sbattendo la porta.<br />
PERSONAGGI: IOLE<br />
SCENA SECONDA<br />
IOLE<br />
Quanta passiènsa che ghe vól co’ sti òmeni! I è zà malstampà quando i nasse, figurémosse quando i devènta<br />
vèci. L’è fortunà che són una che porta passiènsa…N’altra dòna l’avaréa divorsià da ‘n bel tòco. Come se no<br />
g’avésse da far in casa, me tóca pensar anca a la so salute…e me trascuro mi. Co’ ‘n’altra moiér, el saréa za<br />
morto e desmentegà. E lu, no ‘l se rende gnanca conto de la fortuna ch’el g’à. No ‘l me dimostra ‘na s-ciànta de<br />
riconossènsa. Se penso a quando érino zóeni, me vien ‘na malinconia che me metaréa a pianzar. Ma anca se<br />
penso a adesso, che sémo vèci me vien da piansar…Se po’ penso ai ani che vegnarà, se i vegnarà, da la<br />
desperassión, me vien da sbregàrme i cavéi. S’el me fasésse ‘n complimento, s’el me fasésse ‘na còcola, se ogni<br />
tanto el me portàsse ‘n fior, me tiraréa su de moral, la vita la podaréa èssar ancora discreta, ma così…E pensar<br />
che mi saréa così afetuósa che, de le òlte, me vien parfìn la óia de sentàrme sui so senòci. Pecà che, par altre<br />
robe el sia invalido, parché mi saréa ancora tuta fógo. L’è la vita e no gh’è gnénte da far. A ‘na certa età, la ghe<br />
tóca a tute le dòne de restar con tanto de naso. Me tóca andar a confessàrme ogni altro giorno parché me vien da<br />
pensar che, co’ noàltre dòne, el Padreterno no ‘l sia mia stà tanto giusto…<br />
Suona il campanello.<br />
PERSONAGGI: IOLE, FERNANDA.<br />
SCENA TERZA<br />
IOLE<br />
Sta qua l’è la Fernanda. Solo éla la sóna el campanèl così. ‘Na òlta o l’altra va a finir che la me le sfónda.<br />
Iole apre la porta.<br />
Ciao, Fernanda! Vien drénto in prèssia se nò me va fóra tuto el caldo.<br />
Entra Fernanda.<br />
FERNANDA<br />
Gh’è aria da neve. Te vedarè che stanòte névega. Mi no me sbàlio mai.<br />
IOLE<br />
Sito sicura che no névega mia subito?<br />
8
Change language