Variantes Y0 VrS0.0 xšnaoθrahe ahurahe mazd

vīspanąm. hāiriš inąm. ząϑāi.
garəβą. yaoždaδāiti. yā.
vīspā . hāiriš īš. huzāmitō. daδ
āiti. yā. vīspanąm.
hāiriš inąm. dāitīm. raϑβīm.
paēma. auua.baraiti::
Y65.3 masitąm. dūrāt . frasrūtąm.
yā. asti. auuauuaiti. masō.
yaϑa. vīspā . imā . āpō. yā .
zəmā. paiti. frataciṇti. yā.
amauuaiti. fratacaiti.
hukairiiāt . haca. barəzaŋhat .
aoi. zraiiō. vouru.kaš əm.
Y65.4 yaozəṇti. vīspe. karanō.
zraiiā. vouru.kaš aiia. ā.
vīspō. maiδiiō. yaozaiti. yat .
hīš. aoi. fratacaiti. yat . hīš.
aoi. fražgaraiti. arəduuī.
sūra. anāhita:: yeŋ he.
hazaŋrəm. vairiianąm.
hazaŋrəm. apaγžāranąm::
kascit ca. aēš ąm. vairiianąm.
kascit ca. aēš ąm. apaγ
žāranąm. caϑβarə.satəm.
aiiarə.baranąm. huuaspāi.
naire. barəmnāi.
Y65.5 aiŋ hā sca. mē. aēuuaŋhā .
āpō. apaγžārō. vījasāiti.
vīspāiš. aoi. karš uuąn. yāiš.
hapta:: aiŋ hā sca. mē.
aēuuaŋhā . āpō. hamaϑa.
auua.baraiti. hąminəmca.
zaiianəmca:: hā. mē. āpō.
yaoždaδāiti. hā. arš nąm.
xš udrā . hā. xš aϑrinąm. garəβ
ą. hā. xš aϑrinąm. paēma.
Y65.6 ā. hātąmca. aŋhuš ąmca.
zātanąmca. azātanąmca.
aš aonąm. iδa. jasəṇtu.
frauuaš aiiō. yōi. hīš. baβrarə.
paitiiāpəm. nazdištaiiāt .
apat . haca.