n evaluering van uitnemendheid binne welsynsorganisasies in die ...

4
en ander dienste (Hoofstuk 3). Patel (2005:98) omskryf die ontstaan van die
ontwikkelingsbenadering in die Suid-Afrikaanse konteks in die volgende aanhaling:
“South-Africa’s developmental approach to social welfare
evolved from the country’s unique history of inequality and
the violation of human rights as a result of colonialism and
apartheid.”
Die ontwikkelingsbenadering konsentreer op die ontwikkeling van individue,
groepe en gemeenskappe met die doel om die nagevolge wat aparte ontwikkeling
van verskillende bevolkingsgroepe tot gevolg gehad het, aan te spreek. Dit sluit
onder meer die verskaffing en verbetering van dienste aan die meerderheid Suid-
Afrikaners in. Die regering rig dienslewering op armoede-verligting en verwante
probleme soos werkloosheid en MIV/vigs. Deur ewewigtige maatskaplike dienslewering
wil die regering ‘n beter lewe vir almal skep.
Welsynsorganisasies is nie die enigste rolspelers in die verband nie, maar die
regering speel ‘n fasiliterende rol in die ontwikkeling van alle Suid-Afrikaners.
Verskeie regeringsinstellings, vennote en die gemeenskap word by die ontwikkelingsbenadering
betrek.
“Social development is considered to be multi-disciplinary
and cuts across sectors such as health, education, economic
development, social security and welfare services” (Patel,
2005:206)
Die ontwikkelingsbenadering en talle ander veranderinge stel bepaalde
organisatoriese uitdagings aan welsynsorganisasies. Hierdie organisatoriese
uitdagings word soos volg uiteengesit:
• ’n Meer diverse organisasiekultuur moet bevorder word;
• Die nuwe nasionale beleid, strategie en mandate bepaal die herformulering en
omskrywing van die strategie en beleid van welsynsorganisasies;