n evaluering van uitnemendheid binne welsynsorganisasies in die ...

14
Die navorsingsvraag word aan die hand van ’n teoretiese ondersoek in Hoofstuk 3
beantwoord.
1.3.2 Tweede navorsingsvraag
• Indien totale kwaliteitsbestuur die bestuursraamwerk is, wat is die
kritiese suksesfaktore van totale kwaliteitsbestuur in die welsynsektor?
Alhoewel kwaliteit ’n bekende term in beide die produk- en dienstesektor van die
sakewêreld is, bestaan daar weinig literatuur – slegs een artikel deur Van Niekerk
(1998) – oor totale kwaliteitsbestuur in organisasies sonder ‘n winsoogmerk en
spesifiek die welsynsektor in Suid-Afrika.
Die voordele van totale kwaliteitsbestuur moet in verband gebring word met die
uitdagings wat welsynsorganisasies in die gesig staar, soos in Hoofstuk 3
behandel sal word. Die kritiese suksesfaktore vir totale kwaliteitsbestuur in welsyn
moet bepaal word. Maar die welsynsektor moet ook deeglik kennis neem van die
leemtes in totale kwaliteitsbestuur. Die nuutste ontwikkelings in totale kwaliteitsbestuur
behoort noukeurig ondersoek te word. Hierdie navorsingsvraag word aan
die hand van ’n teoretiese ondersoek in Hoofstuk 4 beantwoord.
1.3.3 Derde navorsingsvraag
• Indien die uitnemendheidsmodel as die internasionaal aanvaarde totale
kwaliteitsbestuursraamwerk aanvaar word, in welke mate word die
beginsels van uitnemendheid reeds in welsynsorganisasies toegepas?
Dis ‘n ope vraag of welsynsorganisasies wel die belangrikheid van uitnemendheidsbeginsels
in hulle dienslewering insien. Die wyse waarop uitnemendheid
verstaan en vir die bedryf aangepas word, is die kritiese uitset van hierdie studie.
Die studie ondersoek in watter mate die beste praktyke aangaande die
instaatstellende elemente van uitnemendheid, wat deel van die Suid-Afrikaanse
Uitnemendheidsmodel vorm, by welsynsorganisasies voorkom. Instaatstellende
uitnemendheidsbeginsels, nl: