n evaluering van uitnemendheid binne welsynsorganisasies in die ...

16
aanvaar en toepas nie. Die model behoort aangepas en verryk te word. Daar kan
deur die persepsiemetings van die kwantitatiewe ondersoek aangedui word hoe
die model vir die welsyn aangepas moet word. Die kwantitatiewe studie word deur
’n kwalitatiewe studie opgevolg om bepaalde praktykriglyne vir die subkriteria van
elke kriteria-element te ontwikkel.
1.4 DOELSTELLINGS
Die navorser rig die studie deur die stel van ‘n oorhoofse doelwit en doelstellings.
Die oorhoofse doelwit is die diens of produk wat die navorsing lewer. Die
doelstellings is die resultate wat behaal moet word ten einde die doelwit te bereik.
Die doelstellings behels onder meer die belang van die studie vir die samelewing
aangesien ’n noemenswaardige bydrae tot sowel maatskaplike vakkundigheid as
die kwaliteitsveld met hierdie studie in die vooruitsig gestel word.
1.4.1 Oorhoofse doelwit
Die oorhoofse doelwit is soos volg:
Die evaluering van die uitnemendheidsbeginsels in welsynsorganisasies in die
Gautengstreek, ten einde ’n aangepaste model en kriteriariglyne aan welsynsorganisasies
te bied. Die aangepaste model omvat sowel die elemente wat
organisasies in staat stel om uitnemendheid te bereik, as die resultate wat ‘n
organisasie moet behaal.
1.4.2 Doelstellings
Ten einde die oorhoofse doelwit te bereik, moet die volgende doelstellings
progressief bereik word:
• Die onderneming van ’n literatuurstudie ten einde die bestuursuitdagings te
omskryf wat die bestuur van welsynsorganisasies vanweë makro-omgewingsfaktore,
soos die ontwikkelingsbenadering, ondervind .