n evaluering van uitnemendheid binne welsynsorganisasies in die ...

12
bestuursbenadering aangesien dit eerder ’n demokratiese as ’n outokratiese
bestuurstyl volg.
• Die totale diensleweringsproses word gemeet aan die insette wat ’n
organisasie benodig, die prosesse, die uitsette en uitkomste;
• Die selfassessering gee nie ’n aanduiding van wat gedoen moet word nie,
maar verskaf internasionale beste praktyk waaraan die organisasie se
funksionering gemeet word.
1.2.4 Evaluering van uitnemendheid in welsynsorganisasies
Die navorser stel dus die internasionale uitnemendheidsbestuursmodel vir
welsynsorganisasies voor. Dit is egter belangrik om die konteks waarin welsynsorganisasies
hulle tans bevind in ag te neem in die toepassing van so ‘n
bestuursmodel. Die beginsels word deur ‘n kwantitatiewe en kwalitatiewe studie
geëvalueer en ‘n aangepaste model word vir welsynsorganisasies voorgestel. Die
navorser benut die uitkomste van die literatuur en die navorsing om riglyne vir die
welsynsektor aangaande die kriteria-elemente te stel. Dit word in Hoofstuk 8
aangebied.
Die navorser is van mening dat die lewering van welsynsdienste in Suid-Afrika
uiters belangrik is. Derhalwe behoort die beste en mees gevorderde kwaliteitsbestuursmodelle,
soos byvoorbeeld die uitnemendheidsmodel, aan die sektor
gebied te word ten einde kwaliteitsdienslewering te verseker. Welsynsorganisasies
lewer nie slegs aan individue nie, maar ook aan groepe en
gemeenskappe ‘n diens. Die diens het nie slegs op fisieke vlak nie, maar ook op
emosionele, geestelike en sosiale vlak ‘n uitwerking. Dit is dus van kardinale
belang dat maatskaplike organisasies aan die kwaliteitsvereistes voldoen.
Die aangepaste model kan in die lig van die bogenoemde bespreking van groot
waarde vir bestuursmaatskaplike werk wees.