N POST-APARTHEIDSERA IN SUID-AFRIKA MET SPESIFIEKE ...

i
Opsomming
Hoofstuk Een is 'n historiese oorsig van hoe die verwerping van koloniale oorheersing elders in Afrika
diekontaken verhouding tussen die "wit" en "swart" inwoners van Suid-Afrika onder die soeklig geplaas
het. Die talle probleme wat uit die kontaksituasie spruit, kan gereduseer word tot die identiteitskrisis wat
"wit" en "swart" in 'n multitalige land beleef. Die Suid-Afrikaanse gemeenskap het In dringende
behoefte aan die normalisering van die verhoudings, vera! deur middel van kommunikasie, tussen die
kulturele- en taleverskeidenheid.
In Hoofstuk Twee word daar gekyk na die historiese agtergrond, linguistiese eienskappe, gebruik en
funksies en die verspreiding van die tien vemaamste tale waaruit die Suid-Afrikaanse talegemeenskap
bestaan. Die diversiteit van tale genereer en kompliseer die debat wat tans oor 'n taalbeleid vir 'n
toekomstige nierassige Suid-Afrika gevoer word.
Die geografiese, sosiale, historiese en kulturele faktore wat taalverspreiding bevorderof teenwerk, word
in Hoofstuk Drie belig. In 'n veranderende Suid-Afrika, waar op regstellende aksies aangedring word,
kan daar verwag word dat Afrikaans as gevolg van sy bevoorregte posisie onder politieke druk geplaas
sal word.
Vir die Afrikaanssprekende Afrikaners, as een van die hoofrolspelers in die polemiek oor die
voortbestaan en status van Afrikaans in 'n "post-Apartheidsera", het dit 'n pynlike proses van
selfondersoek gebring. In Hoofstuk Vier word daar gekyk hoe die "blanke", "anderskleurige", "swart"
en "Asiatiese" Afrikaanssprekende Afrikaner sy moedertaal tot op hede ervaar het. Die argumente vir
en teen, sienings van, en pleidooie vir 'n hereniging van Afrikaanssprekende Afrikaners tot 'n groter
mags basis word belig.
Die moontlike toekomstige status en funksies van Afrikaans word in Hoofstuk Vyfvanuit die huidige
status, funksies en houdings geprojekteer. Die standpunte oor bogenoemde sake word vanuit 'n wye
spektmm van akademici, kultuurgroeperinge, politieke leiers sowel as niemoedertaal-sprekers van
Afrikaans van die talegemeenskap van die RSA op 'n moontlike scenario gefokus.