Who is guilt y? - Letaba Herald

PAGE 16 LETABA HERALD - Friday 23 May 2008 GENERAL
Argeoloog van formaat
‘n ARGEOLOOG van formaat wat ook nou
die nuwe plaaslike leraar van die Sewende-dag
Adventiste kerk is, Francois du Plessis, het so
pas vanaf die Midde-Ooste teruggekeer met
opwindende argeologiese nuus.
Oor al sy oorsee reise is hy baie beskeie.
Maar vanaf 1966 fynkam hy die argeologiese
landskap in die Midde-Ooste.
Sedert 1980 was hy elke jaar een of twee keer
in lande soos Irak, Sirië, Libanon, Jordanië,
Israel, Egipte, Turkye, Armenië, Griekeland en
Europa.
Hy was ook etlike kere in Amerika om sy
navorsing oor Bybelse argeologie daar aan te
bied.
Met die vraag oor nuwe en opwindende
ondekkings is Du Plessis baie opgewonde:
"ek sou sê my besoek aan Bab ed Dhra, die
Bybelse Sodom in Jordanië. Argeoloë het onlangs
die poort van die stad ontdek. Toe ek daar
stap het ek aan Lot gedink wat daar gesit het toe
twee vreemdelinge die stad genader het.
"By Petra, die Bybelse Sela is die graaf van
die argeoloog baie bedrywig. Daar is ook 'n
splinternuwe stel trappe wat 'n mens teen die
steiltes van Jabal Khubta tot heel bo neem.
Vanaf hierdie hoogte, sien jy 'n panaromiese
blik van die stad met die pragtige Elkazne
Farun in die middel."
Oor sy vier besoeke aan Irak kon hierdie
argeoloog nie uitgepraat raak nie.
"Dit was 'n onvergeetlike ondervinding om
in die herboude suidelike paleis van Nebukadneser
te stap. Met 60 miljoen bakstene het
Saddam Hussein die vroeëre glorie van Babilon
laat herleef. In my verbeelding het ek die
profeet Daniël op die prosessieweg sien stap.
By Nineve het hy oor die aarde gestap waar
die profeet Jona gestap het. Ongelooflike
fondse is hier ontdek en hy vertrou dat argeologiese
werk binne kort hervat sal word.
So 'n bietjie meer as 'n jaar gelede is
Francois genooi om saam met 'n span Amerikaners
na die ark in Armenië te gaan soek. Met
sy vertrek was daar geweldige belangstelling in
die media.
Hy glo dat hy die ligging gevind het waar die
ark gaan rus het, hy vertel: "al die argeololgiese
bewyse staaf my bevinding. Volgens my mening
het Noag en sy nageslag die ark se hout vir
hulle eie doeleindes gebruik. My navorsing
kan op DVD gesien word."
Radio Pretoria gaan op Dinsdag en Woensdag
3 en 4 Junie om 09:00 Francois se eerste
twee praatjies oor argeologie begin uitsaai.
Lesers van die Herald wat na "Kollig op die
Kerk" luister, sal hom daar ook op Sondae kan
h o o r.
Sy navorsing word ook elke Vrydagaand om
19:00 op die "Hope" TV kanaal uitgesaai.
Indien u nie weet hoe om hierdie KANAAL te
kry nie, skakel gerus vir René Winter .
Francois se lesings word twee-weekliks in
die Sewende-dag Adventiste kerk in Aqualaan
aangebied. Op 24 Mei om 11:00 begin Du
Plessis met ‘n lesing oor sy navorsing
aangaande die geskiedenis van Abram.
Hy gaan sy gehoor na plekke soos Ur in Irak
en Haran in Egipte neem. Kom ontmoet die
farao's en ander antieke heersers wat in Abram
se tyd geleef het.
Die leserspubliek kan sy argeologiese
DVD's op 'n gratis leenbasis by Rene Winter
bekom.
U word uitgenooi om saam na Francois te
kom luister. Vir meer inligting skakel:(015) 307
7341.
Francois by die tempel van Hathor in die
Egiptiese skiereiland. Die tempel is deur Amenemhet
III gebou. Hy en sy pa, Senusret III was
tydgenote van Abram.