*Distell Afr Ð Accounts

verantwoordelikheidsvestiging. Finansiële beheer sluit
ook standaard koste- en begrotingsbeheermaatreëls en
omvattende bestuursverslaglewering in.
Die groep se tesourie-afdeling is verantwoordelik om
blootstelling aan risiko’s wat verband hou met rentekoerse,
likiditeit en valutatransaksies te beheer en te verminder.Tesourie-funksies
en besluite daaroor word gerig
deur skriftelike beleid en prosedures asook deur duidelike
goedkeuringsvlakke en vasgestelde perke vir risikoaanvaarding.
Hoewel afgeleide instrumente periodiek
gekoop word om bepaalde blootstellings aan rentekoerse
of valuta te verskans, gaan die groep se tesourie-afdeling
nie spekulatiewe finansiële transaksies aan nie.
Gereelde monitering, met inbegrip van formele bestuursbeoordeling
van beheer, interne oudittoetsing en eksterne
oudits, word toegepas om die doeltreffendheid van hierdie
stelsels en die nakoming daarvan, te bepaal. Die resultate
van hierdie beoordelings word aan bestuur en die
ouditkomitee vir oorweging gerapporteer en, waar nodig,
word regstellende stappe gedoen.
Bedryfsbeheermaatreëls
Die groep het ’n gepaste infrastruktuur geskep om risiko’s
wat met bedryfsaktiwiteite verband hou pro-aktief te
bestuur, binne aanvaarbare risikoperke. Dit maak
voorsiening vir toepaslik gekwalifiseerde persone, stelsels,
prosedures en beheermaatreëls, goedkeuringsvlakke, die
verdeling van pligte, toesighouding en bestuursverslagdoening.
Die bestuur van bedryfsrisiko’s maak voorsiening vir
besigheidshervatting, gebeurlikheidsbeplanning en
voorkomende maatreëls.
Die doeltreffendheid van hierdie beheerstelsels en die
nakoming daarvan word deur gereelde bestuurstoesig,
deur middel van kontrolelyste en interne oudittoetsing,
bepaal.
Risikobestuur
Risikobestuur in Distell is daarop gerig om alle
bekende vorms van risiko regdeur die groep te
identifiseer, te beoordeel, te bestuur en te moniteer.
Bestuur, bygestaan deur onafhanklike kundiges, is
betrokke by ’n voortdurende proses waarvolgens
omvattende risikobestuurs- en beheerriglyne (vir die
identifisering en bestuur van risiko’s) ontwikkel en
uitgebrei word.
Wesenlike risiko’s geniet die deurlopende aandag van die
direksie en word aangespreek in jaarlikse besigheidsplanne,
wat deur die direksie goedgekeur word.
’n Sentrale risikobestuurskomitee, wat aan die ouditkomitee
verslag doen, is verantwoordelik om beleid en
prosedures in verband met risikobestuur en risikofinansiering,
met inbegrip van eie-versekering, te bepaal.
Die komitee hou toesig oor die bedrywighede van
gedesentraliseerde risikobestuur- en verliesbeheerdepartemente.
Die bestuur van bedryfsrisiko’s, ’n lynfunksie,
vind plaas ooreenkomstig die beleid en standaarde wat die
komitee bepaal. Prestasie word op gereelde grondslag
bepaal, by wyse van onafhanklike risiko-oudits wat deur
’n sentrale risikobestuursfunksie, bygestaan deur
onafhanklike kundiges, uitgevoer word.
Die belangrikste risiko’s waaraan die groep tans
blootgestel is, hou verband met wetgewing, die voorsieningsketting,
die fisiese omgewing, vaardighede en
menslike hulpbronne, tegnologie en valuta- en rentekoerse.
Hierdie risiko’s word in aanmerking geneem in
die groep se geïntegreerde risikobestuursprogram.
Direkteure se verantwoordelikhede vir finansiële
verslagdoening
Die Maatskappywet, 1973, vereis van direkteure om
finansiële jaarstate vir elke finansiële jaar op te stel wat
die stand van die maatskappy en die groep, en die wins
en verlies vir die periode, redelik weergee.
Klipdrift Premium
brandewyn
verpersoonlik jare-
oue vakmanskap,
kennis en tradisie –
’n gepaste beloning
vir en erkenning van
wat jy in die lewe
bereik het.
13