*Distell Afr Ð Accounts

Gelyke geleenthede
Distell is daartoe verbind om gelyke geleenthede vir alle
werknemers te bevorder en voorsien opleiding,
ontwikkeling en beroepsvoorligting om die uitbouing van
potensiaal binne die organisasie te versnel. In die werwing
van nuwe personeel stel ons dit as ’n prioriteit om
persone aan te stel op ’n wyse wat demografies
verteenwoordigend is. Hierbenewens is raadplegende
gelyke geleentheidsforums vir die bestuur en die
personeel landwyd ingestel, nie alleen om aktiewe steun
vir gelyke geleenheidsaangeleenthede te wek nie maar,
net so belangrik, om minder voor die handliggende
maatreëls wat vir die volhoubaarheid daarvan nodig is, te
identifiseer. Dié forums ondersoek verwagtinge, persepsies
en gesins- en ander maatskaplike aangeleenthede.
Bevordering van deelname
Die maatskappy besef dat om ’n gevoel van eienaarskap
onder alle werknemers te bevorder, ongeag hulle
diensvlak, ’n mate van deelname aan besluitneming nodig
is. Afgesien van raadplegende gelyke geleentheidsforums
speel werknemers dus ook ’n rol in ander fasette van die
sake-onderneming.
Werknemers maak die meerderheid uit van die
verteenwoordigers op die bestuursliggame van Distell se
voorsorg- en pensioenfondse, en beïnvloed dus
beleggingstrategieë in beduidende mate.
Boonop word elke departement se bedryfsdoelwitte om
maksimum doeltreffendheid te verseker, op raadplegende
wyse bepaal. Perke word van onder af boontoe asook
deur bestuur ontwikkel ten einde doelwitte daar te stel
wat wedersyds ooreengekom is.
Voorsiening van ’n veilige werksomgewing
Die maatskappy roem hom ook daarop dat hy ’n veilige
werksomgewing verseker en pas baie streng standaarde
vir personeel se beroepsgesondheid toe. Dat hy in
ruime mate slaag, word bewys deur die aansienlike
terugbetaling wat van die Vergoedingskommissaris in
die verslagjaar ontvang is, en die feit dat die meeste
produksie-aanlegte en verspreidingsentrums baie beter
gepresteer het as die aanvaarde bedryfstandaarde.
Samesmeltingsverwante diensbeëindigings
Diensbeëindigings wat met die samesmelting verband
hou en wat gedurende die verslagjaar afgehandel is, is
sorgvuldig bestuur deur middel van noue raadpleging,
Ons personeel
Dickson Cele,
Pakhuis
Koördinator,
Port Shepstone,
simboliseer
Mellow-wood 5,
die warmste
verwelkoming en
die hart en siel
van enige sosiale
geleentheid waar
vriende byeenkom.
23