*Distell Afr Ð Accounts

Distell se primêre belanghebbers is nie tot beleggers
beperk nie, maar sluit ook werknemers, klante,
verbruikers, verskaffers, die regering en gemeenskappe
landswyd in. In die verslagjaar het kontant wat vir uitkering
aan belangegroepe beskikbaar was, met 4%
gestyg tot R4 800 miljoen, waarvan R1 100 miljoen
aan belasting aan die regering, R3 000 miljoen aan
verskaffers en R500 miljoen aan werknemers betaal is.
Die opbrengs vir beleggers het met 42% gestyg tot
R150 miljoen.
In die daadwerklike strewe om rykdom te skep, erken
ons die nodigheid daarvan om ’n ewewig te handhaaf
tussen die verwagtinge van ons primêre belanghebbers
en die breë gemeenskap, sodat ’n positiewe netto
uitwerking op die gemeenskap verseker is.
Ons het ’n direksiebeleid en -program oor etiese
gedrag aanvaar wat op uitvoerende direksievlak bestuur
word ten einde strategiese fokus en ’n verbintenis tot
goeie korporatiewe burgerskap te verseker. Inisiatiewe
word geïdentifiseer wat die belange van die breë
gemeenskap dien, volhoubaar is en logies inpas by
Distell se bedrywighede, terwyl dit terselfdertyd waarde
vir aandeelhouers toevoeg.
Kuns en kultuur
Suid-Afrikaanse kultuur word ten dele omskryf deur
die diversiteit van artistieke uitdrukking van sy baie
gemeenskappe.Terwyl die kunste geen regverdiging vir
hul bestaan nodig het nie, is dit nietemin ’n werklikheid
dat hulle sonder korporatiewe ondersteuning krag sal
inboet. Baie van Distell se produkte het oor ’n lang
tydperk ’n rol daarin gespeel om sowel die uitvoerende
as die beeldende kunste in Suid-Afrika te bevorder.
Aan die kern van ons program is egter ondersteuning
vir die uitvoerende kunste deur middel van die Distellstigting,
wat besondere klem op ontwikkelingsprojekte
plaas.
In die somer bied die Oude Libertas-amfiteater
geleenthede aan nuwe uitvoerende kunstenaars en
moedig die ontwikkeling aan van inheemse werke soos
die veelgeprese toneelstuk Vatmaar deur AHM Scholtz.
Kruisbestuiwing van verskillende kulture word
bevorder in werke soos Ons Kruis Paaie, waar
kunstenaars uit Nederland en Suid-Afrika saam
opgetree het by Oude Libertas en ook in Amsterdam.
Athol Fugard se toneelstuk Sorrows and Rejoicings is
geborg vir produksies plaaslik en in Londen, en het
groot byval gevind.
Distell borg produksies by die meeste kultuurfeeste in
Suid-Afrika. ’n Hoogtepunt was die borgskap van die
Boogprojek, met die tradisionele boog (mbira) en
klassieke strykinstrumente in musiek van inheemse en
Europese oorsprong. Die New Africa Theatre
Association, die Cape Town Theatre Laboratory en die
Ikhaya-kultuurfees word ondersteun omrede die
opwindende ontwikkelingsgeleenthede wat hulle bied.
Jazzart Dance Theatre ontsluit talent in landelike
gebiede, waar die heersende armoede so dikwels dit
moeilik maak om potensiaal te verwesenlik.
Opera en musiek word ondersteun deur borgskappe vir
die Kaapse Filharmoniese Orkes, klassieke musiekkonserte
en meesterklasse, asook vir uitvoerings deur
internasionale uitvoerende kunstenaars soos Angela
Gilbert en Cesaria Evora. Die jaarlikse Fleur du Capteatertoekennings
gee broodnodige aanmoediging en
erkenning aan talent in die plaaslike teater.
Transformasie
Distell aanvaar die verantwoordelikheid om ’n leidende
rol daarin te speel om die Suid-Afrikaanse wyn-enspiritualieëbedryf
te omvorm tot ’n internasionaal
doeltreffende mededinger wat ten volle verteenwoordigend
van alle Suid-Afrikaners is. Ons het dus ’n aantal
projekte onderneem wat daarop gemik is om historiese
wanbalanse op ’n doeltreffende, volhoubare wyse reg te
stel.
Op Papkuilsfontein, die wynplaas van 1 000 hektaar
naby Darling aan die Weskus, doen die wingerde hul
vroeë belofte gestand om druiwe van hoogstaande gehalte
vir Distell-handelsmerke te lewer. Terselfdertyd
oes Papkuilsfontein se eie Tukulu-handelsmerk steeds
plaaslik en internasionaal lof in, veral met Tukulu
Pinotage. ’n Program vir die oordrag van vaardighede
sal daartoe lei dat die aandeelhouers uit die
Maatskaplike verslag
Klipdrift Export
is een van
daardie dinge
wat dit lekker maak
om Suid-Afrikaans
te wees –
die weer,
die sport,
die braai,
die mense . . .
die gees.
25