*Distell Afr Ð Accounts

More documents

Recommendations

Info

nou verband hou met prestasie volgens ooreengekome planne en doelwitte. Die stelsel geniet die steun van alle bestuurders in die groep en gedurende die eerste jaar van die implementering daarvan het almal geesdriftig daaraan deelgeneem. Inligtingstegnologie Na die samesmelting en die geslaagde implementering van eenvormige IT-stelsels, infrastrukture, toepassings en standaarde, kon Distell bedryfsdoeltreffendheid verbeter deur sekere basiese funksies aan die IT-dienstemark uit te kontrakteer. Dit het bestuur die geleentheid gebied om hul op belangrike besigheidsbehoeftes toe te spits en dit het buigsaamheid verleen deur bepaalde IT-dienste, vaardighede en hulpbronne te bekom slegs wanneer dit benodig word en soos vereis deur die ontwikkelende besigheidsbehoeftes van die organisasie. Terselfdertyd ontwikkel die groep, as ’n afsonderlike projek, doeltreffende bestuursinligtingstelsels om besluitneming en beheer te ondersteun. Hierdie projek toon bevredigende vordering. Die groep se IT-strategie is ook ontwerp om sy E-besigheid inisiatief te ondersteun, wat deur ’n toegewyde span, in noue samewerking met verskaffers, klante en internasionale agente, ontwikkel word. Bedryfsprestasie Resultate Omset het met 6,7% tot R4,9 miljard toegeneem ten spyte van ’n 5,3% afname in totale verkoopsvolumes. Die voordele van gefokusde verkoopsen bemarkingsstrategieë, met groter klem op produkwinsgewendheid, word weerspieël in ’n gunstige verkoopsmengsel teen verbeterde marges. Distell het volumegroei in die meeste belangrike produkkategorieë in die plaaslike mark behaal. Sleutel spiritualieë-handelsmerke het sterk groei van 5,4% in volumes getoon.Verkoopsvolumes van natuurlike wyn het met 2,4% toegeneem, hoofsaaklik as gevolg van ’n beter vertoning deur meer winsgewende premium handelsmerke. Distell se markaandeel en verkoopsvolumes in alkoholiese vrugtedranke het egter onder toenemende druk van mededingers verkeer. Internasionale omset, Afrika uitgesluit, het met 37,4% toegeneem. Amarula Cream het ’n wesenlike volume toename van 14,0% behaal. Omset van natuurlike wyne, wat ook deur ’n gunstige verkoopsmengsel bevoordeel is, het met 33,5% toegeneem. Omset vanuit Afrika lande het met 3,3% afgeneem. Die toename van 24,3% in bedryfswins is behaal deur ’n toename in omset, beter bruto marges en ’n vermindering in bedryfsuitgawes. Dit word weerspieël deur die verbetering van 7,2% tot 8,4% in netto marges. Die samevoeging van produksie-aanlegte en distribusiesentrums, sowel as die herstrukturering van die verkoopsen bemarkingsafdelings, is gedurende die jaar voltooi. Die beplande samesmeltingsvoordele, deur middel van kosteverminderings, het reeds begin realiseer. Die volle voordele hiervan sal in die volgende finansiële jaar behaal word. Terselfdertyd is addisionele besteding, ooreenkomstig gewysigde bemarkings- en verkoopstrategieë, aangegaan om handelsmerke te bevorder. Die groep het lenings aangegaan om ’n toename in finansieringsbehoeftes te befonds. Gevolglik het netto finansieringskoste met R11,3 miljoen toegeneem. Internasionale omset het ook verbeter weens die wesenlike verswakking in die waarde van die Rand gedurende die verslagdoeningstydperk. Die invloed van enige verandering in die wisselkoers tussen die transaksiedatum en betalings- of verslagdoeningsdatum word afsonderlik in die inkomstestaat openbaar in Esprit se kontemporêre reeks van eksotiese, maklik-drinkbare vrugte gegeurde drankies is die katalisator vir opwinding en pret vir die wat op soek is na plesier. 19
Verslag van die besturende direkteur (vervolg) Two Oceans wyne is nie net van die Kaap afkomstig nie; hulle is ook ’n toonbeeld van die Kaapse leefwyse en styl. Ontspanne, informeel, onpretensieus en gemaklik, stel hulle ’n verfrissende alternatief daar. 20 terme van Algemeen Aanvaarde Rekeningkundige Praktyk (AARP). ’n Valutawins van R68,2 miljoen, wat ’n ongerealiseerde bedrag van R32,5 miljoen uit die omskakeling van buitelandse bedrywighede insluit, is in die tydperk onder oorsig as sodanig openbaar. Belasting Die effektiewe belastingkoers, voor aanpassings vir die invloed van uitsonderlike items, het van 22,6% tot 30,4% toegeneem, hoofsaaklik weens ’n verhoging in die bedrag van Sekondêre Belasting op Maatskappye. Die belasting invloed van uitsonderlike items het die algehele effektiewe belastingkoers tot 29,0% verminder. Wesensverdienste en dividende Wesensverdienste het met 33,6% tot R277,2 miljoen toegeneem. Die direkteure het besluit om ’n dividend van 35 sent per aandeel te verklaar wat ’n totale dividend van 70 sent per aandeel vir die jaar verteenwoordig. Dit vergelyk met ’n totale dividend van 53 sent per aandeel vir die vorige jaar en verteenwoordig ’n dividend dekking van 2,0 keer op wesensverdienste (2001: 2,0 keer). Aangesien die finale dividend eers na die einde van die finansiële jaar verklaar word, en om aan Algemeen Aanvaarde Rekeningkundige Praktyk (RE107) te voldoen, word hierdie dividend nie in die finansiële jaarstate voorsien nie. Besonderhede aangaande die betalingsdatum en verwante aangeleenthede, word in aantekening 24 van die finansiële state openbaar. Belegging en befondsing Totale bates het met R397,9 miljoen tot R4,4 miljard toegeneem. Kapitaalbesteding om bedrywighede uit te brei het R243,5 miljoen beloop. Hiervan is R171,2 miljoen op die herstrukturering van die saamgevoegde bedrywighede van die groep bestee. Die samesmeltingsproses is nou voltooi en besteding op projekte was goed beheer en is binne begroting voltooi. Ander kapitaalbesteding was tot die vervanging van noodsaaklike bates beperk. Belegging in bedryfskapitaal het met 2,9% tot R1,6 miljard toegeneem. Om die beskikbaarheid van produkte te verseker, is buffervoorraad gedurende die samesmeltingsperiode gedra. Die voorsieningsketting het gestabiliseer en bestuur skenk nou aandag aan die stelselmatige vermindering van voorraad en debiteure. Gedurende die jaar het Distell ’n belang van 10% verkry in Peter Mielzynski Agencies, ’n suksesvolle verspreider van wyn en spiritualieë in Kanada. Hierdie belegging sal selfs meer gefokusde aandag aan ons handelsmerke in hierdie belangrike mark verseker. Die maatskappy het ook voortgegaan om sy bedrywighede in Afrika uit te brei. Ten einde sy posisie in belangrike Afrika-markte te versterk, het die groep sy aandeelhouding in Tanzania Distilleries Limited en Afdis Holdings (Private) Limited van Zimbabwe vergroot teen ’n koste van R12,6 miljoen. Albei maatskappye is vername rolspelers in hul onderskeie alkoholiese drankmarkte. Distell besit nou ’n belang van 35% in Tanzania Distilleries Limited, wat volgens die ekwiteitsmetode verantwoord word, en ’n effektiewe belang van 50% in Afdis Holdings (Private) Limited.Weens buitelandse valutabeperkings in Zimbabwe word laasgenoemde filiaal nie gekonsolideer nie. Uitsonderlike items Samesmeltingskoste sluit in verpligtings vir skeidingspakkette, gelde vir professionele dienste en ander uitgawes om die integrasieproses te bestuur. In die vorige finansiële jaar het hierdie koste R173,1 miljoen bedra. In die huidige jaar is ’n verdere R79,6 miljoen bestee, hoofsaaklik ten opsigte van die herstrukturering van die internasionale bedrywighede en die plaaslike verkoopsafdeling.
Page 4 and 5: FINANSIËLE RESULTATE (R’000) Oms
Page 6 and 7: Remgro-KWV Beleggings Beperk 60% Fi
Page 8 and 9: Jan Scannell (51) Besturende direkt
Page 10 and 11: met vertroue die hoof gebied is, wo
Page 12 and 13: Die toepassing en handhawing van be
Page 14 and 15: strategie vir die groep, met inbegr
Page 16 and 17: verantwoordelikheidsvestiging. Fina
Page 18 and 19: Bedryfsoorsig Die samesmelting van
Page 20 and 21: Sekondêre produksie As gevolg van
Page 24 and 25: Die samesmeltingsproses is nou oore
Page 26 and 27: Gelyke geleenthede Distell is daart
Page 28 and 29: Distell se primêre belanghebbers i
Page 30 and 31: BALANSSTATE (R’000) BATES Nie-bed
Page 32 and 33: DISTELL Sewejaar saamgestelde groei
Page 34 and 35: Inhoudsopgawe vir die finansiële j
Page 36 and 37: Verkoopsvolumes (L’000) 312 091 3
Page 38 and 39: Kontantvloei uit bedryfsaktiwiteite
Page 40 and 41: 1. Rekeningkundige beleid Die groep
Page 42 and 43: eskikbaar gaan wees waarteen die on
Page 44 and 45: 2.6 Geweegde gemiddelde prys betaal
Page 46 and 47: 1. EIENDOM, AANLEG EN TOERUSTING (v
Page 48 and 49: 7. AANDELEKAPITAAL EN AANDELEPREMIE
Page 50 and 51: 13. HANDELS- EN ANDER KREDITEURE Ha
Page 52 and 53: 17. BEDRYFSUITGAWES (vervolg) 17.9
Page 54 and 55: 22. BELASTING (vervolg) 22.2 Rekons
Page 56 and 57: 25. KONTANTVLOEI-INLIGTING (vervolg
Page 58 and 59: 27. VERPLIGTINGE Kapitaalverpligtin
Page 60 and 61: 29. FINANSIËLE RISIKOBESTUUR (verv
Page 62 and 63: 30. AFTREEVOORDELE (vervolg) Inkoms
Page 64 and 65: 32. DIREKTEURSVERGOEDING (vervolg)
Page 66 and 67: 37. ONTLEDING VAN AANDEELHOUERS Get
Page 68 and 69: Die groep se belegging in geassosie
Page 70 and 71: Die volgende algemene jaarvergaderi
Page 72 and 73:
HIERDIE VORM IS SLEGS VIR GEBRUIK D
Page 74 and 75:
HIERDIE VORM IS SLEGS VIR GEBRUIK D
show all

*Distell Afr Ð Accounts

Create successful ePaper yourself

Delete template?

Save as template?