*Distell Afr Ð Accounts

2.6 Geweegde gemiddelde prys betaal per
aandeel verhandel
Die totale waarde van aandele verhandel, gedeel
deur die getal aandele verhandel op die JSE
Sekuriteitebeurs Suid-Afrika (JSE).
2.7 Kontant en kontantekwivalente
Vir die doeleindes van die kontantvloeistaat
verteenwoordig dit kontantsaldo’s, kontant op
deposito en beleggings in geldmark instrumente,
netto van oortrokke banksaldo’s. In die balansstaat
word oortrokke banksaldo’s getoon onder
korttermynlenings.
2.8 Kontantvloei per gewone aandeel
Kontantvloei uit bedryfsaktiwiteite voor dividende
betaal, gedeel deur die getal gewone aandele
uitgereik. Hierdie basis identifiseer die kontantstroom
werklik behaal in die periode onder oorsig.
2.9 Bate-omsetsnelheid
Omset gedeel deur die netto batewaarde op
jaareinde.
2.10 Netto batewaarde per gewone aandeel
Totale ekwiteit gedeel deur die getal uitgereikte
gewone aandele.
2.11 Omset
Omset bestaan uit verkope in die normale gang
van bedrywighede, netto van Belasting op
Toegevoegde Waarde en Algemene Verkoopsbelasting,
maar ingesluit aksynsbelasting gehef op
die plaaslike verkoop van wyn en spiritualieë.
2.12 Opbrengs op ekwiteit
Wesensverdienste gedeel deur ekwiteit op
jaareinde.
2.13 Prysverdienste verhouding
Die sluitingsprys per aandeel op die JSE op
jaareinde gedeel deur wesensverdienste per
gewone aandeel.
2.14 Rentevrye verpligtinge op totale bates
Rentevrye verpligtinge, uitgesluit na-aftrede
mediese voordele, gedeel deur totale bates
(uitgestelde belasting in beide gevalle buite
rekening gelaat).
DISTELL
2.15 Toenamekoers in aandeelhouerswelvaart
Dit verteenwoordig die interne opbrengskoers
oor ’n sewejaar periode. Dit is bereken deur die
aandeelprys van ’n Distell gewone aandeel sewe
jaar gelede as ’n kontantuitvloei te beskou, die
kontantdividende sedert daardie datum en die
sluitingsprys op jaareinde as invoer te beskou,
en om dan die verdiskonteringskoers eie aan
hierdie kontantvloeie te bepaal. Die ekwivalent
van die markprys van ’n Distell gewone aandeel
sewe jaar gelede is bereken deur die totale
markkapitalisasie van beide Distillers en SBW
op daardie datum te deel deur die aantal
gewone aandele in uitreiking op 30 Junie 2002
(195,6 miljoen aandele).
2.16 Verdienste per gewone aandeel
Toeskryfbare verdienstebasis
Verdienste toeskryfbaar aan gewone aandeelhouers
gedeel deur die geweegde gemiddelde
getal gewone aandele uitgereik.
Wesensverdienstebasis
Verdienste toeskryfbaar aan gewone aandeelhouers
na inagneming van aansuiwerings soos in
aantekening 23.2 uiteengesit, gedeel deur die
geweegde gemiddelde getal gewone aandele
uitgereik.
Ekwivalente kontantverdienstebasis
Verdienste toeskryfbaar aan gewone aandeelhouers
na inagneming van aansuiwerings soos in
aantekening 23.3 uiteengesit, gedeel deur die
geweegde gemiddelde getal gewone aandele
uitgereik. Hierdie basis erken die potensiaal
van die inkomste-stroom om kontant te
genereer.
2.17 Verdienste-opbrengs
Wesensverdienste per gewone aandeel gedeel deur
die sluitingsprys op die JSE op jaareinde.
2.18 Voorbelaste opbrengs op ekwiteit
Wins voor belasting as ’n persentasie van die
ekwiteit op jaareinde.
2.19 Vuurproefverhouding
Bedryfsbates min voorraad, gedeel deur
bedryfslaste.
41