Studiegids

AANHANGSEL
UITGANGSVLAKUITKOMSTE VIR INGENIEURSWESE-BACCALAUREUSGRADE
(Uittreksel uit ECSA Document No. PE-61: Standards for Accredited University Bachelor's Degrees)
Vereiste Uitkomste:
"Die vereiste uitkomste van 'n geakkrediteerde universiteitbaccalaureusgraad in ingenieurswese word
in deel 2.1 tot 2.10 omskryf.
2.1 Ingenieursprobleemoplossing
Die B.Ing./B.Sc.(Ing.)-gegradueerde is bekwaam om
konvergente en divergente ingenieursprobleme kreatief en innoverend te identifiseer, assesseer,
formuleer en op te los
2.2 Toepassing van fundamentele en spesialiskennis
Die B.Ing./B.Sc.(Ing.)-gegradueerde is bekwaam om
kennis van wiskunde, basiese wetenskap en ingenieurswetenskappe uit eerste beginsels toe te pas om
ingenieursprobleme op te los wat die volgende aksies behels:
1. Pas wiskundige, numeriese analise en statistiese kennis en metodes toe op ingenieursprobleme
deur 'n toepaslike mengsel te gebruik van:
a) Formele analise en modellering van ingenieurskomponente, stelsels of prosesse;
b) Kommunikering van konsepte, idees en teorieë met behulp van wiskunde;
c) Redenering oor en konseptualisering van ingenieurskomponente, stelsels of prosesse deur
wiskundige konsepte te gebruik;
d) Hantering van onsekerheid en risiko deur die gebruik van waarskynlikheid en statistiek.
2. Gebruik fisiese wette en kennis van die fisiese wêreld as 'n fondasie vir die
ingenieurswetenskappe en die oplossing van ingenieursprobleme deur 'n toepaslike mengsel van:
a) Formele analise en modellering van ingenieurskomponente, -stelsels of -prosesse deur
beginsels en kennis van die basiese wetenskappe te gebruik;
b) Redenering oor en konseptualisering van ingenieursprobleme, -komponente, -stelsels of -
prosesse deur beginsels van die basiese wetenskappe te gebruik.
3. Gebruik die tegnieke, beginsels en wette van ingenieurswetenskap op 'n fundamentele vlak en in
minstens een spesialisgebied om:
a) ope ingenieursprobleme te identifiseer en op te los;
b) ingenieeurstoepassings te identifiseer en op te volg;
c) oor ingenieursvakgebiedgrense heen te werk deur kruisdissiplinegrense en gedeelde
fundamentele kennis.
2.3 Ingenieursontwerp en -sintese
Die B.Ing./B.Sc.(Ing.)-gegradueerde is bekwaam om
Kreatiewe, prosessessuele en nieprosessuele ontwerp en sintese van komponente, stelsels, werke,
produkte of prosesse uit te voer wat die volgende aksies behels:
1. identifiseer en formuleer die ontwerpprobleem om aan gebruikerbehoeftes, toepaslike
standaarde, praktykkodes en wetgewing te voldoen;
2. beplan en bestuur die ontwerpproses: fokus op belangrike kwessies, herken en hanteer
knelpunte;
3. verwerf en evalueer die vereiste kennis, inligting en hulpbronne: pas korrekte beginsels toe,
evalueer en gebruik ontwerpinstrumente;
4. verrig ontwerptake met inbegrip van analise, kwantitatiewe modellering en optimalisering;
5. evalueer alternatiewe en voorkeuroplossing: lê oordeel aan die dag, toets implementeerbaarheid
en doen tegno-ekonomiese analises;
6. assesseer impakte en voordele van die ontwerp: sosiaal, wetlik, gesondheid, veiligheid, en
omgewing
7. kommunikeer die ontwerplogika en inligting.
24