Studiegids

Eerste toetsweek: 18 – 25 Augustus 2012
Tweede toetsweek: 8 – 13 Oktober 2012
Datums, tye en lokale sal aangekondig word sodra die roosters beskikbaar is. Bevestig altyd die datum
en tye van toetse en eksamens met minstens een van u vriende een of twee dae voor die geskeduleerde
toets of eksamen en verifieer dit teen die amptelike roosters.
Enige afwesigheid van klas- of semestertoetse en die eksamen moet deur 'n amptelike en geldige
verklaring (bv. 'n mediese sertifikaat) gestaaf word en dit moet binne 7 dae by mev. C. Freishlich
ingedien word. Een spesiale semestertoets vir alle wettige afwesiges sal aan die einde van die
semester afgeneem word. Die presiese datum hiervan sal op 'n latere datum aangekondig word.
5.4 Toelating tot eindeksamen
Ten einde toelating tot die eindeksamen te verkry, moet die student aan die volgende voldoen:
'n Semesterpunt van minstens 40% moet behaal word om toelating tot die eindeksamen te verkry.
'n Subminimumpunt van minstens 40% moet vir praktikumwerkopdragte behaal word. Alle
geskeduleerde praktika moet bygewoon word.
5.5 Samestelling van semesterpunt
Die semesterpunt word soos volg saamgestel:
1. Semestertoetse:
1.1 Semestertoets 1: 40%
1.2 Semestertoets 2: 40%
2. Praktika: 10%
3. Klastoetse: 10%
5.6 Samestelling van eindpunt
Die semesterpunt en die eksamenpunt dra 50% elk tot die eindpunt by.
6. ALGEMEEN
6.1 Laat verslae
Geen verslag wat laat ingedien word, sal aanvaar word nie. 'n Nulpunt sal toegeken word.
6.2 Gedrag in die klas
Geselsery tydens lesings sal nie geduld word nie. Dit is baie ontwrigtend vir studente wat wil
konsentreer en onbeskof teenoor die persoon wat die lesing aanbied.
6.3 Grieweprosedures
Enige probleme in verband met enige aspek van die module en/of dosent en/of onderrigassistent moet
eers so gou moontlik met die dosent bespreek word. Indien daar steeds nie aan die probleem aandag
geskenk word nie, kan die klasverteenwoordiger die voogdosent raadpleeg wat die saak met die
betrokke dosent sal bespreek. Die departementshoof of dekaan moet slegs as laaste uitweg geskakel
word.
6.4 Aanbring van amptelike kennisgewings
Alle amptelike aankondigings en kennisgewings sal op die modulewebwerf verskyn. Daar word van
studente vereis om minstens eenkeer per dag na die module se webwerf te kyk vir nuwe aankondigings
en beskikbare materiaal.
4