Februarie/Maart

40 ••• ToEKomSBliK
Weersatellietfoto’s
vervolg van bladsy 39
waarskynlik dat dit werklike foto’s is en foto’s kan
nie lieg nie. Dit wat jy sien, is wat werklik gebeur.
animasie hierop is baie maklik en dit wys presies
hoe die weer beweeg.
Die produsent kan dus ’n akkurate korttermynvoor
spelling maak – of hy nou byvoorbeeld onkruiddoder
spuit of lusern sny. Stelsels soos kouefronte,
tropiese weer en siklone kan reeds tot sewe dae
voor die tyd duidelik gesien word en die gebruiker
kan ook sien hoe hulle beweeg. Só kan die produsent
vroeg reeds sy besluite maak.
Die satelliete neem nie net foto’s nie – ’n magdom
ander data word ook in die proses hanteer. een voor-
beeld hiervan is die bepaling van seetempe ra ture,
waar die temperatuur van die seewaters daagliks
bepaal word. Dit is baie belangrik vir langtermynvoorspellings
vir produsente.
InTERPRETASIE En BETEKEnIS vAn FoTo’S
al die foto’s dui die tyd en datum van die foto aan
en by elke foto is daar ’n volledige beskrywing
van die foto, asook die tyd van opdatering. Waar
van toepassing is daar ’n kleurpallet wat die
interpretasie van die kleure aandui.
Party foto’s het ’n mini-animasiefunksie. Deur te
wag totdat dit afgelaai het en dan jou rekenaarmuis
heen en weer oor die foto te beweeg (nie klik nie),
kan die gebruiker sien hoe die weer beweeg het.
hierdie is ’n baie besondere en unieke funksie van
die webblad.
Vir weerkundige doeleindes is infrarooifoto’s
(Foto 3) die waardevolste. Dié foto’s is aan tempe -
ratuur gekoppel en kan ’n magdom van wolkeienskappe
weergee.
’n MIKRo oF
PolêRE SATEllIET?
hierdie satelliete beweeg om
die pole op ’n baie lae hoogte van
850 km. Die foto’s is van ’n ultra
hoë resolusie en word hoofsaaklik
aangewend waar grond detail baie
belangrik is. Dié tipe satelliet word
nie so baie vir weerkundige
doeleindes gebruik nie.
>
>> wat is ’n weersatelliet?
’n Weersatelliet is spesiaal ontwerp vir
weervoorspellings. Die satelliet sal ’n kamera
aan boord hê, asook uiters gesofistikeerde
apparate en sensors wat bepaalde aspekte
van die weer monitor. Dié tipe satelliet moet
nie verwar word met ander satelliete wat ook
kameras met ultra hoë resolusie het nie.
hierdie satelliete is ingestel op uiters hoë
definisie en word gebruik om absolute detail op
die aarde waar te neem.
Foto 3: ’n Tipiese infrarooifoto. Die donker dele op die
wolke dui op ’n baie goeie kans vir reën.
Foto 4: ’n Pragtige voorbeeld van ’n visuele foto met
reuse-wolke/wolkselle vol reën.
Visuele foto’s (Foto 4) kan slegs gedurende die
dag waargeneem word en dui alle wolke aan.
hulle is pragtig en uiters waardevol om die hele
weerstelsel op te som. Op my webblad word daar
onder “help” ’n volledige uiteensetting gegee van
die volle interpretasie van die kleurpalette. S
>>
Prof Kobus was voorheen die Dekaan van Landbou aan die
Universiteit van Tegnologie in Pretoria. Vir meer inligting oor
sy webtuiste, skakel hom by 082 927 3854 of stuur ‘n e-pos
na bo51@mweb.co.za.
www.senwes.co.za • Februarie/Maart 2011