reëls vir die spel rolbal suid afrikaanse uitgawe

15.5.2 Indien die witte buite die kantgrense aan die regterkant van die baan
eindig, word dit met die naaste kant van die witte tot die matlyn, op `n
voorafbepaalde punt op die baan, 2 meter vanaf die voorste sloot en
1.5 meter regs van die middellyn geplaas.
15.5.3 Indien die witte buite die kantgrense aan die linkerkant van die
baan eindig, word dit met die naaste kant van die witte 2 meter vanaf
die voorste sloot en 1.5 meter links van die middellyn geplaas.
15.5.4 Indien die witte bo-oor die walwand eindig maar binne die grense van
die baan, of tot stilstand kom in „‟n holte in die walrand word dit met
die naaste kant van die witte tot die matlyn, op`n voorafbepaalde punt
op die baan, 2 meter van die voorste sloot op die middellyn geplaas.
15.5.5 Indien die witte terugspring tot `n afstand minder as 20 meter vanaf die
matlyn, word dit geplaas:
15.5.5.1 Met die naaste kant van die witte tot die matlyn op die
voorafbepaalde punt soos beskryf in reels 15.5.2 en 15.5.3
15.5.5.2 Met die naaste kant van die witte tot die matlyn op die
voorafbepaalde punt soos beskryf in reël 15.5.4 indien dit
op die middellyn tot rus kom.
15.5.6 Indien enige van die voorafbepaalde punte soos genoem in reëls
15.5.2, 15.5.3 en 15.5.4 geheel of gedeeltelik bedek is deur `n bal word
die witte geplaas so na as moontlik aan die bedekte punt in lyn met
daardie punt en die ooreenkomstige punt aan die oorkant van die baan
sonder om aan die bal te raak.
15.5.7 Die voorafbepaalde punte soos genoem in reels 15.5.2, 15.5.3 en 15.5.4
word gemerk met kryt of enige ander geskikte metode. (sien diagram
B.2.3 in bylaag B.2.).
16 Spelformate
16.1 Wêreld byeenkomste en Statebond Wedstryde
16.1.1 Enkels behels 21 skote (enige skote meer as 21 word nie getel
nie), stellespel of enige ander formaat soos voorafbepaal deur W.B.
Elke speler speel vier balle om die beurt.
16.1.2 Pare behels 18 skofte, stellespel of enige ander format soos voor-
af bepaal deur W.B. Elke speler speel twee, drie of vier balle om die
beurt.
16.1.3 In driespel kan twee of drie balle om die beurt gespeel word. Die
formaat van spel sal 18 skofte wees (elke speler sal twee balle speel)
15 skofte (elke speler speel 3 balle) of enige ander formaat soos
voorafbepaal deur WR.
16.1.4 Vierspel behels 18 skofte, stellespel of enige ander formaat soos
voorafbepaal deur W.B. Elke speler speel twee balle om die beurt.
16.1.5 Die beheerliggaam het die mag om in die Spelvoorwaardes
maatreëls vir die insluiting van plaasvervangers, wat verskil van dié
soos beskryf in reels 50 en 51 in te sluit indien dit noodsaaklik is om
die Kampioenskappe suksesvol te kan voltooi. Die Beheerliggaam
kan ook besluit oor die bepalings vir reserwe of plaasvervanger
spelers om die plek te neem van spelers wat nie na die eerste rondte
in enige ander rondte kan speel nie
20