reëls vir die spel rolbal suid afrikaanse uitgawe

49 Beskadigde balle
49.1 Indien ʼn bal gedurende spel beskadig word, moet die skeidsregter besluit
of dit vervang moet word.
49.2 Indien ʼn bal in stukke breek nadat ʼn ander bal gedurende spel daarteen
gespeel is, moet die skof dood verklaar word.
49.3 In die geval van in 1 en 2 hierbo, moet die bal vervang word met ʼn ander
bal van dieselfde stel voordat die volgende of oorgespeelde skof ʼn
aanvang neem.
49.4 Indien ʼn stilbal op die speelbaan in stukke breek sonder dat dit deur ʼn
ander bal getref is, moet die bal deur ʼn ander bal van dieselfde stel
vervang word en die skof voortgespeel word.
49.5 Indien ʼn beskadigde bal nie vervang kan word met ʼn bal van dieselfde stel
nie, moet al die balle in die beskadigde stel vervang word met ʼn ander stel
balle.
50 Staking van spel
Afdeling 13 - Faktore wat spel beinvloed
50.1 Indien ʼn wedstryd vanweë donkerte, weersomstandighede, of enige ander
wettige rede gestaak word deur:
50.1.1 die Beheerliggaam;
50.1.2 die skeidsregter nadat die spelers ʼn beroep op hom gedoen het; of
50.1.3 die spelers nadat hulle daarop ooreengekom het indien ʼn skeids-
regter of verteenwoordiger van die Beheerliggaam nie teenwoor-
dig is nie;
moet die wedstryd op dieselfde dag of ʼn volgende dag voortgesit word. Die
tellings begin waar die wedstryd gestaak is.
50.2 Indien ʼn skof ʼn aanvang geneem het maar al die balle nie gespeel is nie,
moet die skof dood verklaar word.(Die skof moet dood verklaar word al
besluit een of meer spelers om op die perk te bly gedurende die staking van
spel.)
50.3 Indien al die balle in die skof gespeel is maar die besluitnemingsproses oor
die getal skote wat behaal is (verwys reël 40), is nie voltooi nie, moet die
besluitnemingsproses voltooi word voordat die wedstryd gestaak word.
50.4 Plaasvervangers in ʼn wedstryd wat voortgesit word nadat dit gestaak is.
50.4.1 Indien enigeen van die oorspronklike spelers van ʼn span nie
beskikbaar is nie, sal een plaasvervanger toegelaat word soos
beskryf in reël 51.
50.4.2 Spelers smag egter nie oorgeplaas word van een span na ʼn ander
een nie.
51 Perk verlaat gedurende spel
51.1 Geen speler word toegelaat om die spel te vertraag deur die perk te verlaat,
behalwe met die toestemming van sy teenstander en dan nie vir langer as
10 minute.
51.2 Indien ʼn speler die perk gedurende ʼn wedstryd moet verlaat as gevolg van
siekte of om enige ander aanvaarbare rede en nie binne 10 minute kan
terugkeer nie, mag die skeidsregter of die Beheerliggaam dit goedkeur dat
ʼn plaasvervanger gebruik mag word.
43