reëls vir die spel rolbal suid afrikaanse uitgawe

Afdeling 1- Woordomskrywings: beheer, spelers, spel en balle
1. Woordomskrywings
1.1 Beheer
Beheerliggaam: beteken die liggaam wat direkte beheer oor die Spelvoorwaardes
waaronder die spel gespeel word.( sien reël 17.2 ) Die volgorde is:
1.1.1 Wêreld Rolbal (WR);
1.1.2 `n Nasionale Rolbal Owerheid wat `n lid is van WR (Nasionale
Owerheid Lid) of `n groepering van Nasionale Owerhede Lede;
1.1.3. verdelings binne die Nasionale Owerhede; en
1.1.4 die klub op wie se perk die spel gespeel word.
1.2 Spelers
1.2.1 Kant: beteken enige goedgekeurde getal spanne of „n enkelspel speler
(of `n kombinasie van spanne en enkelspelers)
waarvan die gesamentlike tellings die uitslag van `n wedstryd
bepaal.
1.2.2 Skipper: die speler wat in beheer is van `n span
1.2.3 Spanspel
1.2.3.1 Span: `n paar, drietal of `n viertal.
1.2.3.2 Pare: `n span van twee spelers in speelvolgorde eerste en
Skipper
1.2.3.3 Drietal: `n span van drie spelers in speelvolgorde eerste,
tweede en skipper.
1.2.3.4 Viertal: `n span van vier spelers in speelvolgorde eerste,
tweede, derde en skipper.
1.3 Spel
1.3.1 Om die witte te sentreer: Plasing van die witte op die middellyn sodat die
afstand tussen die witte en die matlyn dieselfde bly.
1.3.2 Aflewering: om die witte of die bal doelbewus vry te laat van die hand met die
gebruik van `n onderarm beweging. Indien die witte of die bal per abuis uit `n
speler se hand glip gedurende aflewering mag die speler dit optel en weer met
aflewering begin.
1.3.3 Onreëlmatigheid insake speler, span of kant: die speler, span of kant wat nie
aan die vereistes van `n spesifieke reël of reëls voldoen nie.
1.3.4 Verplaasde witte of bal: `n witte of bal wat beweeg word deur `n faktor wat
nie gemagtig is deur die Reëls van die Spel Rolbal nie.
1.3.5 Versteuring van die kop: verskuiwing van die witte of die bal in die kop.
1.3.6 Huishoudelike spel: enige spel onder die direkte beheer van `n Nasionale
Owerheid Lid of `n afdeling binne `n Nasionale Owerheid Lid of `n klub.
1.3.7 Skof: aflewering van die witte, aflewering van al die vereiste balle deur al die
teenstanders in dieselfde rigting op die baan en die bepaling van die getal skote
aangeteken.
1.3.8 Randslote:
1.3.8.1 Voorste sloot: die sloot aan die kant van die baan wat
direk voor die speler op die mat is.
1.3.8.2 Agterste sloot: die sloot aan die kant van die baan wat
direk agter die speler op die mat is.
1.3.9 Walwand: die oppervlakte van die wal vanaf die oppervlakte van die sloot
tot die bokant van die wal waar dit begrens word deur die bokant van die wal.
6