reëls vir die spel rolbal suid afrikaanse uitgawe

Inleiding
Voorwoord
Geen stel reëls wat `n sport beheer kan so alomomvattend wees dat dit vir elke gebeurlikheid
voorsiening kan maak nie. Die reëlkode vir die spel rolbal is geen uitsondering nie.
Buitegewone voorvalle waarvoor daar nie uitdruklik voorsiening gemaak is nie, kom gereeld
voor. Dit is dus goed om te onthou dat ware sportmanskap te alle tye behoort te seëvier en
indien `n situasie opduik wat nie deur die Reëls van die Sport Rolbal gedek word nie, spelers,
merkers en skeidsregters hul gesonde verstand en `n gees van regverdigheid sal gebruik om te
besluit oor geskikte optrede.
Konvensies
1. Verwysings na “behoort” en “moet” binne die reëls beteken dat die aksie verpligtend
is.
2. Verwysings na “kan” binne die reëls beteken dat die aksie opsioneel is.
3. Verwysings na „tussen‟ wanneer `n reeks gewigte of afstande aangedui word, beteken
dat die grootste en kleinste gegewe getalle binne die reeks ingesluit is.
4. Die woordomskrywings van reëls 1.2,1.3 en 1.4 is in alfabetiese volgorde.
Die Reëls van die Spel Rolbal Crystal Mark tweede oplaag moet toegepas word voor 1 April
2011, soos besluit deur die individuele Lid Nasionale Owerhede.
Kopiereg @ World Bowls Limited
Alle regte voorbehou. Niemand mag die inhoud kopieer, berg in `n bergingsfasiliteit, of enige
deel van hierdie publikasie aanstuur op enige wyse, (hetsy elektronies, meganies,
fotokopieëring notering of andersins) sonder skriftelike toestemming van World Bowls
Limited nie.
5