reëls vir die spel rolbal suid afrikaanse uitgawe

28.4 Balverplasing terwyl dit as ʼn raakbal gemerk word of gedurende die meetproses
28.4.1 Indien ʼn bal deur ʼn speler verplaas word terwyl dit as ʼn raakbal
gemerk word of deur die toerusting wat deur ʼn speler gebruik word
gedurende die meetproses, moet dit deur ʼn teenstander teruggeplaas
word in sy vorige posisie.
28.4.2 Indien ʼn bal deur ʼn merker verplaas word terwyl dit as ʼn raakbal
gemerk word of deur die toerusting wat deur ʼn merker gebruik
word gedurende die meetproses, moet dit deur die merker
teruggeplaas word in ʼn posisie waarop die teenstanders ooreenkom.
Indien die teenstanders nie kan ooreenkom nie moet die merker die
bal terugplaas in sy vorige posisie.
28.4.3 Indien ʼn bal verplaas word deur die toerusting wat deur ʼn
skeidsregter gebruik word gedurende die meetproses, moet dit deur
die skeidsregter teruggeplaas word in sy vorige posisie
28.5 Balverplasing deur ʼn terugspringende nie-raakbal
28.5.1 Verplasing van ʼn bal op sy oorspronklike koers
Indien ʼn bal op sy oorspronklike koers verplaas word deur ʼn nie-raakbal
wat van die walwand terugspring, moet die skippers of tenstanders in
Enkelspel die verplaasde bal plaas waar hulle dink dit tot ruste sou kom.As
hulle nie kan ooreenkom nie word die skof dood verklaar.
28.5.2 Verplasing van ʼn bal in beweging
Indien ʼn bal in beweging verplaas word deur ʼn nie-raakbal wat van
die walwand terugspring , moet die skippers of teenstanders in ʼn
Enkelspel die verplaasde bal plaas waar hulle dink dit tot ruste sou
kom. Indien hulle nie kan ooreenkom oor die bal se finale posisie
nie, moet die skof dood verklaar word.
28.5.3 Verplasing van ʼn stilbal
Indien ʼn stilbal op die perk of ʼn raakbal in die sloot verplaas word
deur ʼn nie-raakbal wat van die walwand terugspring, moet ʼn
teenstander of die merker in ʼn Enkelspelpel die bal terugplaas in sy
vorige posisie.
28.6 Balverplasing deur ʼn bal van ʼn aangrensende baan
28.6.1 Indien ʼn stilbal op die speelbaan in gevaar is om deur ʼn bal vanaf ʼn
aangrensende baan verplaas te word, mag enige speler by die kop die
keuse uitoefen om:
28.6.1.1 Die stilbal op te tel om die neutrale bal te laat deurgaan en die
opgetelde bal weer in sy vorige posisie terug te plaas, mits hierdie
aksie nie die uitslag van die kop sal beïnvloed nie; of
28.6.1.2 Die bal vanaf die aangrensende baan te stop.
28.6.2 Indien ʼn stilbal op die perk gedurende ʼn Enkelspelpel in gevaar is om
deur ʼn bal vanaf ʼn aangrensende baan verplaas te word, moet die
merker die bal vanaf die aangrensende baan stop.
28.6.3 Indien ʼn bal op sy oorspronklike koers vanaf ʼn aangrensende baan
gestop is en dit is afgelewer op ʼn swaaikant wat dit in staat sou gestel het
om die baan weer binne te gaan, mag dit oorgespeel word.
28.7 Balverplasing deur ʼn dooie bal
Indien ʼn raakbal in die sloot verplaas word deur ʼn dooie bal van die baan waarop
gespeel word, moet dit in sy vorige posisie teruggeplaas word deur ʼn teenstander of
die merker in ʼn Enkelspelpel.
32