reëls vir die spel rolbal suid afrikaanse uitgawe

45 Gelykop wedstryd in `n uitklopkompetisie
45.1 As dit in ʼn uitklopkompetisie bestaande uit ʼn vasgestelde getal skofte gebeur
dat die tellings gelykop is nadat al die skofte gespeel is, moet ʼn bykomende
skof gespeel word om die wenner te bepaal..
45.2 Die bestuurders in ʼn kantwedstryd (of, in hul afwesigheid, die kantverteen-
woordigers), skippers in ʼn spanwedstryd of teenstanders in ʼn Enkelspel moet
deur middel van die opskiet van ʼn muntstuk loot en die wenner sal besluit wie
eerste moet speel soos beskryf in reëls 18.2.2 en 18.2.3.
45.3 Die bykomende skof word gespeel vanwaar die vorige skof geëindig het (in die
teenoorgestelde rigting as die vorige skof)
45.4 Indien die bykomende skof voltooi is en die tellings is steeds gelykop, moet
nog ʼn bykomende skof gespeel word.
45.5 Indien meer as een bykomende skof gespeel moet word, moet die bestuurders
of verteenwoordigers, skippers of teenstanders, opnuut ʼn muntstuk opskiet en
die wenner sal besluit wie eerste moet speel.
45.6 Indien ʼn bykomende skof dood verklaar word moet reël 31.3 toegepas word.
Afdeling 11 – Spelonreëlmatighede in Vierspel
46 Afwesige spelers in span of kant
46.1 In ʼn spanwedstryd
46.1.1 Die Beheerliggaam sal besluit oor die verkiesbaarheid van elke spanlid
in ʼn spanwedstryd. ʼn Span wat ʼn onverkiesbare speler insluit, sal die
wedstryd aan die teenstanders verbeur
46.1.2 Indien een of meer lede van ʼn span vir ʼn periode van 30 minute vanaf
die geskeduleerde begintyd van die spel afwesig is, of op „n tyd vroër soos
besluit deur die Beheerliggaam sal die span die wedstryd aan die teenstanders
verbeur.
46.2 In ʼn kantwedstryd
46.2.1 Die Beheerliggaam sal besluit oor die verkiesbaarheid van elke spanlid
in ʼn kanwedstryd. ʼn Kant wat ʼn onverkiesbare speler insluit, sal die
wedstryd verbeur.
46.2.2 Indien een lid van een of meer spanne van ʼn kantwedstryd vir ʼn periode van
30 minute vanaf die geskeduleerde begintyd van die spel of op „n tyd vroër
soos besluit deur die Beheer Liggaam afwesig is, sal die wedstryd voortgaan,
maar:
46.2.2.1 die fouterende span sal die getal balle wat tekort is herstel deurdat
die eerste en tweede spelers elk drie balle te laat speel; en
46.2.2.2 een kwart van die totale skote (insluitende desimale plekke) wat die
fouterende span aanteken sal van hul finale telling afgetrek word
aan die einde van die wedstryd.
41