Handelinge van die Sinode 2003 - NG Kerk in Oos-Kaapland

E LAAT INGEKOME STUKKE : E3 BEGELEIDINGSFUNKSIE SINODE
vernuwing in belang van die roeping van
gemeente en leraar.
2.1.2 Begeleiding/Ondersteuning
In die tweede sirkel gaan dit veral om die
begeleidende betrokkenheid van die
kerkverband by die plaaslike gemeente en leraar.
Die kenvraag hier is: Watter tipe ondersteuning/
begeleiding kan deur die kerk-verband
aan die leraar gebied word?
Kerkverband betrokkenheid manifesteer in die
gestaltes van die sinodale fasiliteerders, hulp
met diensverhoudinge en ringsvisitasie. In
soverre dit die leraar en die gemeente-leraar
verhouding raak, het die versorgende funksie
van die kerkverband hier die volgende doelwitte
op die oog:
1. diagnose en intervensie waar van
toepassing;
2. verwysings in die geval van besondere
krisisse;
3. standplaasruiling waar aangedui;
4. die ontwikkeling van
ondersteuningsgroepe; en
5. advies en aanbieding van groeigeleenthede.
2.1.3 Terapie/Intervensie
In die derde sirkel gaan dit om gespesialiseerde
kundigheid wat binne en vir die kerk beskikbaar
is.
Die kernvraag is hier: Wat is die toepaslike
terapeutiese begeleiding wat aan die leraar (en
gemeente) gebied moet word om die spesifieke
krisis te oorkom?
Sulke gespesialiseerde kundigheid kan in
verskillende gestaltes soos VTO-instellings,
kliniese pastors, sielkundiges, sosioloë,
finansiële deskundiges, bestuurskonsultante,
regsgeleerdes, arbeidskundiges ens wees.
Hierdie persone of instellings se insette word
veral benodig in gevalle waar terapeutiese hulp
nodig raak vir:
1. persoonlike intervensies ; en
2. sisteemintervensies.
2.2 Die begeleidingsproses geplaas binne
huidige kerklike strukture
Binne bestaande kerklike strukture kan
bogenoemde verantwoordelikhede binne die
drie sirkels as volg geplaas word:
2.2.1 Gemeentevlak
Die predikant word as lidmaat van die gemeente
én as werknemer begelei. As werknemer bied
die praktyk van 'n diensverhoudingskommissie
goeie geleentheid tot sinvolle en
verantwoordelike ondersteuning. As persoon
binne gesinsverband kan die meer pastorale
versorging gedoen word deur 'n aparte
versorgingskommissie.
150
2.2.2 Rings- en streeksinodevlak
Die volgende moontlikhede kan op rings- en
sinodale vlak ontgin word as maniere waardeur
leraars begelei kan word:
1. Versorging geskied eerstens in die
kerkverband deur visitasie deur die ring en
konsulentskappe.
2. Sinodale begeleiers (pastor pastorum en
ander begeleiers) kan aanvullend 'n pad saam
met die predikant loop.
3. Verder word hier ook aandag gegee aan die
toerusting en uitbouing van die werk van
sinodale begeleiers.
4. Toerustingsgeleenthede gerig op die totale
welstand (gesondheid) van die predikant self –
bv sy/haar persoonlike lewe, huweliks- gesins-,
werks- en geloofslewe – kan 'n beslissende rol
speel in die versorgingsproses.
5. Laastens word hier ook gefokus op die
ontwikkeling van 'n netwerk van kundiges vir
intervensiedienste (bv. deur die VTO-forum
[BUVTON, EVTO, SBO] en ander Gemeente
Dienste Sentrums.)
2.2.3 Algemene Sinodale vlak
Op algemene sinodale vlak word aandag aan die
volgende sake gegee:
1. Strategiese ontwikkeling tov verdere
uitbouing van predikantebegeleiding wat
werksessies oor vordering en fokuspunte insluit.
2. Die aanvaarding van die beginsel van 'n
Mentoraatprogram en die ontwikkeling daarvan.
3. Die ontwikkeling en bevordering van 'n
pastor-pastorum-kultuur
4. Die akkreditering en sentralisering van
opleiding vir sinodale begeleiers waar nodig.
5. Die koördinering van die raakpunte tov die
vorming van die predikant deur teologiese
opleiding, VTO, gemeentebediening en
predikantebediening.
6. Die uitbou van die navorsingsbasis vir
predikantebediening (navorsingsprojekte oor
prioriteitsareas insluit)
2.3 Versorgingskommissie
Die volgende voorbeeld kan as basis vir die
funksionering van ’n versorgingskommissie
dien:
2.3.1 Samestelling
Die kommissie bestaan uit persone wat in die
kerkraad of gemeente bekend is vir hulle
pastorale gesindheid. Die kerkraad en leraars
vorm 'n poel name wat meer is as die aantal
diensdoende leraars. Uit hierdie poel name kies
die leraars dan 'n aantal lede met wie hulle
gemaklik voel. Een lid per leraar. Hierdie lede
vorm dan die versorgingskommissie.
Die rede waarom die versorgingskommissie en
kommissie vir diensverhoudinge nie saamval
nie, is dat as diensverhoudinge die predikant
aanspreek oor iets, dit reeds regtegnies sou kon