Handelinge van die Sinode 2003 - NG Kerk in Oos-Kaapland

1. DIE HANDELINGE
VOORWOORD : HANDELINGE
VOORWOORD DEUR SKRIBA
1.1 In hierdie Handelinge vind u alle stukke wat voor die negende gewone vergadering van die Sinode
van Oos-Kaapland tydens sy sitting van 20-23 Oktober 2003 te Port Elizabeth gedien het en wat nie
opgeneem was in die Sakelys van die vergadering nie.
1.2 Die Inhoudsopgawe van hierdie dokument maak van die Sakelys (p 1 - 121) en Handelinge (p 122 e
v) een dokument, en dit behoort saam gelees te word.
1.3 Die Verslag van die Tydelike Kommissie vir Besluite aan Kerkrade (F2) moet asseblief deur kerkrade
in behandeling geneem word. Die sake is volgens die terreine waarop die kerk werk georden sodat
fotokopiee daarvan gemaak en deur kerkraadskommissies behandel kan word. Die seën van die
sinodesitting gaan grootliks bepaal word deur dit wat nou op gemeentevlak en daar buite gaan gebeur.
1.4 Die notule van die vergadering vind u by G Handelinge van die Sinode. Voorstelle, amendemente en
ordemosies is vir u gerief en ter wille van makliker verwysing genommer. Die dokument is so
verbruikersvriendelik as moontlik opgestel, en voorstelle is taalkundig versorg.
1.5 Vyf Bylaes is onder afdeling H opgeneem: die Openingsrede van prof Piet Naudé, en die
groeteboodskappe van di LL Plaatjies (VGK Kaapland), LJ Strauss (Ned Herv Kerk) en Biskop B Nopece
(CPSA). Die vyfde bylaag is die vrug van die oopplan besinning deur die sinode en vervat die temas soos
geformuleer rondom die integrasie van kerk en konteks.
1.6 Die voordragte van drr Coenie Burger en Johannes Erasmus is onderskeidelik as E5 Geroep vir ‘n
tyd soos hierdie en E6 Oos-Kaap konteks as laat ingekome stukke opgeneem.
1.7 Geen Sakeregister kan ooit voorgee om volledig te wees nie, maar wil aileen dit vir die leser makliker
maak.
2. BEDANKINGS
2.1 Uiteraard het die verskillende Tydelike Kommissies 'n groot aandeel gehad aan die skryf van
hierdiebdokument. Aan almal wat op een of ander wyse 'n inset gelewer het om inhoud aan die
handelinge van die vergadering te gee 'n woord van opregte dank.
2.2 Die lede van die Tydelike Kommissie vir die Notule, Besluite aan Kerkrade en die Sakeregister het
vir 'n leeue-aandeel gesorg. Ook die tiksters het hul taak met groot toewyding verrig. Dit was wonderlik
om deel van so 'n span te wees.
2.3 In besonder wil ek vir broers Kobus Prinsloo (hulpskriba) en Heinrich Alberts bedank vir die baie ure
wat hulle saam met my in die gereedmaak van hierdie Handelinge belê het. So deur die vaak en moegheid
van die nagure was dit goed om saam met julle te swoeg en sweet. Dit was maklik en lekker om op julIe
te kon staat maak!
2.4 NMB het vir die druk- en bindwerk gesorg, terwyl die personeel van die kantoor van die Direkteur
Administrasie vir die verpak en versend van die stukke verantwoordelik was. Baie dankie!
Soli Deo Gloria!
Danie Mouton : VDM
Skriba Sinodale Kommissie
PORT ELIZABETH
5 November 2003
123