Handelinge van die Sinode 2003 - NG Kerk in Oos-Kaapland

F VERSLAE VAN DIE TYDELIKE KOMMISSIES : F8.2 VERSLAG VAN LUISTERSPAN
F8.2 TWEEDE VERSLAG VAN DIE LUISTERSPAN
Die Kerk in Oos-Kaapland het `n moeilike dekade
agter die rug waarin ons gedwing is om te
rasionaliseer, te herstruktureer en koste is
verminder. Gemeentes was in finansiële krisisse.
Ons moes daarom baie op onsself en ons eie
strukture fokus.
Sedert 2002 het God `n nuwe pad met ons begin
loop toe ons ons identiteit in God opnuut ontdek
het en dit as volg bely het:
Ons glo aan een kerk as spieëlbeeld van ons een
God: Vader, Seun en Heilige Gees Daarom
verbind ons ons aan eenheid onder mekaar, in
ons kerkfamilie en met ander Christene oor die
wêreld.
Ons glo aan `n heilige kerk wat deur wet en
belydenis `n ligdraer in die wêreld is
Daarom verbind ons ons om as Geesvervulde
mense prakties aan die evangelie gestalte te gee.
Ons glo aan `n algemene kerk wat weens
Christus se koningskap oor tyd en ruimte heen
bestaan
Daarom verbind ons ons om die boodskap van
Christus oor die wêreld heen te dra.
Ons glo aan `n Christelike kerk wat as
barmhartigheidsgemeenskap in Christus gesalf
is
Daarom verbind ons ons om met dade lief te hê
en blymoedige offers te bring.
Ons glo aan die gemeenskap van die heiliges wat
hulle gawes met vreugde tot nut van mekaar gee
Daarom verbind ons ons om na mekaar om te
sien en die ander se belang eerste te soek.
By vanjaar se sinodesitting het ons die eerste
treë op hierdie nuwe pad begin gee en getuig
graag as volg van ons bymekaar wees:
1. Ons vergadering was ‘n ontmoeting met God.
Ons het God opnuut leer ken as dié God wat vir
die wêreld omgee. In ons ontmoeting is ons
aangegryp deur die feit dat God lewe en dat niks
vir God onmoontlik is nie. Die hemelvaart gee
geborgenheid en die opstanding die wete dat
alles vir God moontlik is.
2. Ons het die kerk opnuut verstaan vanuit God
se omgee karakter. Die kerk is daar ter wille van
die wêreld. Ons is opgewonde oor die
moontlikheid dat God ons wil gebruik en
dankbaar dat God ons geseën het met kapasiteit,
infrastruktuur, kennis en gawes. As God die
wêreld wil seën, seën hy die kerk.
3. Ons het ons konteks in `n nuwe lig gesien en
is aangegryp deur die nood sowel as potensiaal
van ons provinsie. Ons leef met die verwagting
dat God ons in sy genade `n tweede kans wil gee
in hierdie provinsie, as deel van ons kontinent,
Afrika.
191
4. Daarom het ons nou ‘n duidelike roeping om
`n verskil te maak. Uit ons analise, gesprek en
gebede, is die volgende sake as prioriteit gestel:
Ons is geroep om in ons konteks God se omgee
oor grense te dra. Dit kan ons doen:
• Deur ware eenheid binne ons
geloofsfamilie te vestig,
• Deur netwerke te ontwikkel wat `n
effektiewe openbare getuienis moontlik
maak.
• Deur verskillende generasies saam te bind
tot hegte families van God
• Deur middele en gawes waarmee God ons
seën tot voordeel van armes, aan te wend
• Deur `n veilige tuiste te skep vir weerlose
mense, vasgekeer in allerlei vorme van
geweld
• Deur met deernis en aanvaarding uit te reik
na dié wat deur MIV en Vigs geïnfekteer is
en geraak word.
Voorstelle tov die verslag van die Luisterspan:
1. Die sinode aanvaar die verslag van die
luisterspan as samevatting van dit wat met
ons gebeur het tydens die sitting.
2. Ons versoek gemeentes om die verslag en
die roepingsprioriteite terug te neem na
hulle gemeentes en verder daarmee te werk
in die konteks van die gemeente en
gemeenskap waarin hulle werk.
3. Ons versoek gemeentes om eerskomende
Sondag met Hervormingsondag die
verbintenis deel te maak van hulle liturgie