Handelinge van die Sinode 2003 - NG Kerk in Oos-Kaapland

F VERSLAE VAN DIE TYDELIKE KOMMISSIES : F2 BESLUITE AAN KERKRADE
71. VERKOOP VAN SINODALE
EIENDOMME (P 40)
71.1 In opdrag van die Buitengewone Sinode
2002 is die sinodale gebou en drie kampterreine
te koop aangebied.
71.2 Tot op datum is die Kamphuis te
Schoenmakerskop (R 950,000), Dave Marais-
Kampterrein (R 450,000) en Lekkeroord-
Kampterrein (R 700,000) verkoop.
71.3 Alhoewel daar periodiek belangstelling in
die sinodale gebou is, is geen aanbod nog
gemaak nie. Intussen word alle kantoorruimte
as inkomste vir die sinode verhuur.
3. A2.2 GEMEENTEBEDIENING
1. NUWE GEMEENTE-ONTWIKKELING
(P 51)
‘n Belangrike verslag (wat voor die Algemene
Sinode 2002 gedien het) oor die ontwikkeling
van nuwe gemeentes en die hantering van
diversiteit in bestaande gemeentes, is in die
sakelys opgeneem. Hierdie verslag hanteer
belangrike skuiwe in die samelewing en verwys
na sleutelfaktore wat gemeentes deesdae in hul
bediening moet verreken.
1.1 BESLUIT
1.1.1 Die sinode bevestig sy oortuiging dat ‘n
gemeente in sy wese missionêr is.
In aansluiting by die geloofsverklaring van die
sinode aangaande die algemene karakter van die
kerk, bevestig die sinode dat evangelisasie ‘n
wesentlike aspek van die kerk se roeping en
getuienis is.
1.1.2 Die sinode sien NGO as ‘n wyse van
uitreik na die buitekerklike asook ‘n wyse om
aan die groeiende diversiteit binne ons kerk en
samelewing ruimte te gee.
1.1.3 Die sinode aanvaar dat NGO ‘n alternatief
is op die patroon van geografies-gebaseerde
gemeentevorming.
1.1.4 Die sinode moedig ringe en gemeentes
aan om NGO te gebruik as ‘n wyse om
buitekerklikes te bereik.
3. VERBREDING EN VERMEER-DERING
VAN DIE AMPTE (P56)
Hierdie verslag is ‘n samevatting van ‘n verslag
wat voor die Algemene Sinode gedien het. Dit
verbind nuwe behoeftes in gemeentes aan die
tradisionele verantwoordelikhede van die ampte
en maak belangrike aanbevelings.
173
3.7 BESLUIT
3.7.1 Die sinode besluit dat kerkrade wat in die
proses van ampsvernuwing en ampsherstel is,
noukeurig moet let op die spesifieke fokus van
elke amp soos die Algemene Sinode dit in 1998
goedgekeur het.
3.7.2 Die sinode bevestig die Algemene Sinode
se wysiging van Artikel 16 van die Kerkorde, wat
handel oor die amp of bediening van die
ouderling as diensleier.
3.7.3 Die sinode bevestig die Algemene Sinode
se wysiging van Artikel 17 van die Kerkorde, wat
handel oor die amp of bediening van die diaken
as diensleier.
3.7.4 Die sinode bevestig die Algemene Sinode
se wysiging van Artikel 27 van die Kerkorde, wat
onder andere handel oor die samestelling van
die kerkraad. Die wysiging lees soos volg
(wysigings is onderstreep): Die kerkraad
bestaan uit die bedienaars van die Woord asook
die ouderlinge en diakens wat as kerkraadslede
verkies is. Daar kan ook bedienaars van die
Woord, ouderlinge en diakens wees wat nie in
die kerkraad dien nie. In die geval waar nie alle
ouderlinge en diakens op die kerkraad dien nie,
moet daar op plaaslike vlak huishoudelike
reëlings wees waarin die seleksiebeginsel
duidelik uitgespel is.
4. A2.6 LEER EN AKTUELE SAKE
1. A2.6.1 SPIRITUALITEIT EN
SPIRITUALISME (P 66)
Hierdie studiestuk is in eenvoudige taal geskryf.
Dit help lidmate om ‘n gesonde Gereformeerde
spiritualiteit te verstaan. Spiritualisme word
beskryf en afgewys. Daar is ook kritiese
besinning oor Gereformeerde spiritualiteit, en
groeigeleenthede in die Gereformeerde
spiritualiteit word aangewys.
10.1 BESLUIT
Die sinode versoek ringe, kerkrade en
gemeentes om aan die hand van hierdie
werksdokument oor spiritualiteit en
spiritualisme te besin.
2. A2.6.2 SIMBOLE EN RITUELE (P 77)
Hierdie studiestuk bespreek die bruikbaarheid
van simbole en rituele vir die NG Kerk en gee
belangrike riglyne daaroor.