Handelinge van die Sinode 2003 - NG Kerk in Oos-Kaapland

1.2.4 Die vierde kring is eietydse belydenisskrifte
wat die onderskeie kerke met hul
saambring op die nuwe pad van eenheid.
1.2.5 Die vyfde kring is ander dokumente wat
die kerke ook in ‘n breër belydenisgrondslag
opgeneem wil hê.
Nota: In hierdie vierde en vyfde kring word
ruimte gelaat dat, hoewel lidmate van die nuwe
kerk die bybelse basis van die geskrifte aanvaar,
nie almal hulleself op dieselfde wyse aan die
belydenisaard daarvan gebonde voel nie.
2. Eenheidstruktuur
2.1 Die gewone presbiteriale struktuur van 'n
gesamentlike algemene sinode, gesamentlike
streeksinodes en gesamentlike ringe word
gevolg.
2.2 Ten opsigte van gemeentes word 'n
spontane proses van herrangskikking voorgestel
waarby plaaslike omstandighede en geleenthede
'n sterk rol sal speel met die onderneming dat
gemeentes nie van buite af in prosesse
ingedwing sal word nie. Plaaslike kerkrade
behou dus die besluitnemingsbevoegdheid oor
die inrigting van die plaaslike gemeente. In die
besluit word rekening gehou met die unieke aard
van gemeentes.
2.3 Die moontlikheid word ook oopgelaat vir 'n
groep gemeentes wat besondere belange deel,
om 'n eie buitengewone verbandsvergadering
(ring of sinode) byeen te bring wat kan
rapporteer aan die breër verbandsvergaderings.
Hierdie spesiale groeperings vervang egter nie
die gemeentes se inskakeling by die gewone
ringe, sinodes en die algemene sinode nie.
(Ds DW Mouton / Dr JD Prinsloo)
Die voorsitter gee geleentheid vir bespreking.
Die voorstellers beantwoord enkele vrae.
Die voorstel en pte 2.7, 54., 94. staan oor vir
verdere bespreking.
23. TERUGVOER: ALGEMENE
KOMMISSIE VIR KERKLIKE
MEDIA
Dr WJ Botha (Algemene Kommissie vir Kerklike
Media) word verwelkom en aan die woord gestel.
Hy gee kortliks agtergrond-inligting oor die
media-bediening van die NG Kerk. Dr Botha
oorhandig ‘n Kerkbybel aan ds Schutte.
Hy doen daarna ‘n tafelgebed vir middagete.
24. AFKONDIGINGS
G HANDELINGE VAN DIE SINODE
198
Die skriba doen enkele afkondigings.
25. PERSONEEL
Diak (me) M Ferreira (Grasvoëlkop) sluit by die
vergadering aan.
Ds (me) E Bester (P.E.-Sherwood / SAPD
Kapelaan) het op 20 Oktober om 16:00 by die
vergadering aangesluit.
Oudl J McFarlane (Somerstrand) het by die
aandsitting op 20 Oktober by die vergadering
aangesluit.
Verskonings:
Ds AP Coetzee (Oos-Londen-Noord) vir die
middag-sessie 21 Oktober.
Oudl A Potgieter (Algoapark-Noord) vir eerste
gedeelte van eerste oggendsitting op 22 Oktober.
Ds PG Loubser vir laaste deel van die eerste
oggendsitting op 22 Oktober.
Oudl NJ Claassen (P.E.-Noord) vir die
aandsitting 21 Oktober
Ds N Weeber (Dias) vir die middag- en
aandsittings van 22 Oktober.
Ds GJ Gouws (Sondagsrivier) vir 22 Oktober.
Oudl RJ Scholtz (P.E.-Heideveld) vir 22 Oktober.
Ds JC Coetzee (Humansdorp-Oos) vir aandsitting
21 Oktober.
Ds IJ van Zyl (Swartkopsrivier) middag- en
aandsitting 21 Oktober.
Ds M Wolmarans (P.E.-Wes) Middagsitting 21 en
22 Oktober en oggendsitting 23 Oktober.
Oudl J McFarlane (Somerstrand) vir tweede
oggendsitting 22 Oktober.
Oudl W Lane (Uitenhage-Noord) vir 21 en 22
Oktober - oudl F Bakkes (sek) sal in sy plek
verskyn.
Oudl D Coetzee (Uitenhage-Noord) vir 21
Oktober.
Oudl A Strydom (Uitenhage-Noord) vir 23
Oktober - oudl F Bakkes (sek) sal in sy plek
verskyn.
26. GROETEWENSE
Die volgende groetewense word aan die sinode
oorgedra;
NG Kerk Nuwekerk Graaff-Reinet.
Ds Pierre Jordaan, ‘n vorige moderator van ons
sinode en me Nilla Jordaan
Die vergadering verdaag vir middagete.
DINSDAG 21 OKTOBER 2003
EERSTE MIDDAGSITTING
27. KONTEKSTUELE REALI-
TEITE BINNE DIE OOS-KAAP