Handelinge van die Sinode 2003 - NG Kerk in Oos-Kaapland

Oudl PJ Cloete (Burgersdorp) verdere sitting.
Oudl VJ Louw (Queenstown) 21 Oktober vir
aandsitting.
Ds WFA Lötter (Queenstown) 21 Oktober vir
aandsitting.
Ds J Labuschagne (Oos-Londen) 21 Oktober vir
aandsitting.
Oudl AA Barnard (P.E.-Lorraine) 22 Oktober vir
aandsitting.
Oudl A Olivier (King William’s Town) 22 Oktober
vir aandsitting.
42. DAGSLUITING
Die vergadering sluit af met die sing van twee
liedere waarna oudl (me) M. Oliphant afsluit met
‘n gebed.
G HANDELINGE VAN DIE SINODE
206
DERDE SITTINGSDAG
WOENSDAG 22 OKTOBER 2003
EERSTE OGGENDSITTING
43. DAGWYDING
Ds TL Wait en die sanggroep van PE-Moedergemeente
lei die sinode in die dagwyding.
44. REËLINGS
Die voorsitter tref ’n aantal reëlings en stel die
program van die dag bekend. Drr ACV van Wyk
en JF Marais behartig die tema “Integrasie: Kerk
in Konteks” tot met middagete.
Na middagete word die verslag oor simbole en
rituele asook NG Kerk Patmos behandel. Daarna
kom die saak oor Kerkeenheid en Konvent aan
die orde.
45. GROETEBOODSKAP
Dr JD Prinsloo stel Biskop ZD Siwa van die
Metodiste Kerk (Grahamstad distrik) aan die
woord. Hy bring die groete vanaf die Metodiste
Kerk en beklemtoon die belangrike rol wat die
kerk in SA moet speel om die samelewing te
herstel, veral ten opsigte van versoening en
geregtigheid.
Dr Prinsloo bedank Biskop Siwa.
46. INTEGRASIE: KERK IN
KONTEKS
Die voorsitter stel drr ACV Van Wyk en JF Marais
aan die woord.
Hulle gee ’n samevatting van die verloop van die
proses wat tot dusver in die sinode plaasgevind
het.
Die eerste verslag van die Luisterspan word aan
die vergadering uitgedeel. Hierdie verslag word
as F8.1 by die Handelinge ingesluit.
STORIES VAN RINGE.
Dr ACV van Wyk stel die ringe van Uitenhage,
Queenstown en Albanie voor.
Ring van Uitenhage
Ds TJ van Schoor vertel van die
vernuwingsproses in die ring van Uitenhage.
Ring van Albanie