Handelinge van die Sinode 2003 - NG Kerk in Oos-Kaapland

F VERSLAE VAN DIE TYDELIKE KOMMISSIES : F2 BESLUITE AAN KERKRADE
Voorsitter, broers en susters,
F2 VERSLAG VAN DIE TYDELIKE KOMMISSIE
VIR BESLUITE AAN KERKRADE
Die Sinode van die NG Kerk in Oos-Kaapland
bring die volgende besluite onder die aandag
van alle kerkrade. Die besluite is geneem tydens
die jongste sinodale vergadering gehou van 20-
24 Oktober 2003 te Port Elizabeth.
Besluite aan kerkrade volg die orde van die
sakelys. Bladsy en puntnommers van hierdie
verslag verwys ook na die Sakelys van die
Sinode van Oos-Kaapland.
1. PROGRAM VAN WERKSAAMHEDE
(P 17)
Die Sinode het ‘n nuwe weg ingeslaan ten
opsigte van die inhoud en proses van die
vergadering. Voorheen is daar op verslae oor
reeds afgehandelde werk gekonsentreer. Vanjaar
het die fokus na die toekoms en ons oriëntering
aan die toekoms verskuif. Aan die hand van ‘n
ontmoeting met God deur die Woord en Gees en
met verrekening van die konteks waarin ons
kerk moet wees, het ons besluite oor die pad
vorentoe vir die kerk in Oos-Kaapland geneem.
Die vergadering het uit twee hooflyne bestaan:
1.1 Die hantering van die vier funksies van die
sinode, naamlik visionering, begeleiding,
bestuur en navorsing, gebaseer op die
verklaring van die sinode in 2002.
1.2 Die verslag van die Sinodale Kommissie.
‘n Liturgiese karakter is aan die sinode gegee
deur middel van opening- en
afsluitingseremonies en ander momemte deur
die loop van die vergadering.
Die sinode het gebruik gemaak van ‘n
fasiliteerder en ‘n prosesmatige benadering,
eerder as debatvoering, is gebruik. Die identiteit
van die sinode, soos verwoord in
Geloofsverklaring 2002 (sien p 120 van die
Sakelys), het ‘n bepalende rol in die vergadering
gespeel.
Kerkrade sou toenemend die voorbeeld van die
sinode kon navolg.
171
2. A2 VERSLAG VAN DIE SINODALE
KOMMISSIE (P 20)
GELD VIR BUITE-GEMEENTELIKE
WERKSAAMHEDE (PT 2.17, P 25)
2.17 GELOOFSGELOFTE-OFFERS
2.17.3.1 Die sinode besluit dat geld, wat vir
buite-gemeentelike werksaamhede, insluitende
hulp aan gemeentes binne die kerkverband,
bygedra / ingesamel word, en nie tot voordeel
van die plaaslike gemeente aangewend word nie,
en wat ten doel het die uitbreiding van die
Koninkryk van God, vir die berekening van
sinodale dankoffers aftrekbaar is.
2.17.3.2 Van sodanige gelde moet afsonderlik
boek gehou word en deur die gemeente se
ouditeure bevestig word. Dit word as “gelde vir
versending” op die inkomstestaat getoon.
2.17.3.3 Ter wille van ‘n databank ré
barmhartigheidswerk en onderlinge steun in die
kerkverband moet gemeentes ‘n opsomming van
hierdie werksaamhede en die fondse wat
onderskeidelik daaraan bestee is, jaarliks saam
met hul geouditeerde state indien.
2.17.4 BESLUIT
Die sinode keur die aanbevelings (2.17.3.1 -
2.17.3.3) goed, en versoek die Sinodale
Regskommissie om die besluit en sy implikasies
te reglementeer.
54. KONVENT VIR EENHEID (P 37)
54.1 Op versoek van die moderamen van die
Sinode van Wes-en Suid-Kaapland ondersteun
die Kommissie ‘n beskrywingspunt (B.16.6 -
Agenda Algemene Sinode 2002) rakende ‘n
struktuur vir een kerkverband.